زيـــــد بن نيـف الرويس ينخى عبد الله ابن عون الرويس

[هلال الدوادمي]

هذه قصيده للشاعر::: زيد ابن نيف الرويس
وكان في سجن عرعر في قضيه تهريب اسلحه




ياراكب اللي لامشى ياصل الدار=جمس عديم الوصف لونه سماوي
تسعه جديد مجهزينه للاسفار=هو منوة اللي طول عمره شقاوي
مقطوع عن كل المشاكل والاخطار=ماوقفه راعيه عند القهاوي
لولا الفرامل والنمر تمسكه طار=ودايم على قطع المسافه رهاوي
ماحافه شريطي ولا حد باسعار=وراعيه ماباعه ولا هوب ناوي
فوقه شجاع حافظ كل الاسرار=يوصل المكتوب ماهوب غاوي
ممشاه من عرعر قبل وقت الاسحار=والعصر في ديره هل العز ضاوي
ملفاه شيخ من وفيين الاشبار=عبد الله ابن عون زبن الجلاوي
راع الكرم والطيب والجود والكار=وريف الضعيف اليا بلته البلاوي
يامعشي الضيفان ومعزز الجار=وذباح حيل مولوه الشواوي
له مجلس مدهال لصغار وكبار=ياسعد منهو لبو نايف مخاوي
شبل الاسود مطوعة كل الاشبار=حمياة التالي نهار العزاوي
يافزعة ( الروســــان )اليا حلت الدار=لجا لزوم دون ربعه فداوي
فك السجين اللي شرب كاس الامرار=مصبر على قيد برجله يلاوي
ماجاه علم ولا سمع منكم اخبار=والموت عنده والحياه متساوي
ينخاك يامشكاه في كل ماصار=تمشي بموضوعه وتنهي الدعاوي
صابر وكني يابونايف على نار=وجرحي بقلبي مالقوله مداوي
تمت وصلى الله على سيد الابرار=عداد ماينطق من القول راوي
][`~*¤!||!¤*~`][زيـــــد الرويس][`~*¤!||!¤*~`][

[مرزوق حمدان العتيبي]

..
.
صح لسان الرويس ..
ولسانك ياهلال الدوادمي
..

.

[هلال الدوادمي]

صـــــح بدنك واشكرك على المرور

[سعيدان]

هلال الدوادمي صح لســــــــــانك ولسان الروس



لاهنت على النقل

[هلال الدوادمي]

صح بدنك سعيـــــــــدان واشكرك على المرور

[سطام الرويس]

صح لسان ابو نيف

ومشكور على النقل الرائع يا ولد عمي

[هلال الدوادمي]

ســــطام الرويس
متعب البرقاوي

صحت ابدانكم والله لا يهينكم على المرور

منوريـــــــن

تحياتي لكم

[الامبراطووور]

السلام عليكم
صح لسان الشاعر ولايهون ناقل القصيده

[ابوبجاد الرويس]

السلام عليكم

لاهنت ياهلال ومشكور

وصح لسان زيد

[هلال الدوادمي]

الامبراطوور
...صح بدنك .....ولاهنت يالغالي

ابو بجاد الرويس...مرحبا والله ....لاهنت على المرور

يالغالي