عديل الروح

[شوك]

ترفق يا حمام الـدوح = دخيلك حبي لا تجحد
وحبي لك ترا مفضـوح = وكل الناس به تشهد
أحبك يا عديل الـروح = وحبك شد قلبي شـد
والا يالزين يالمملـوح = حبيب اليوم وامس وغد
أسر بحبي لك وابـوح = وحبك صار ماله حـد
وانا لي بك هوى وطموح = على قربك ترا محتد
وصال الزين يبني صروح= ويهدمها بكلمـة رد
بعد ما قام يبغى يـروح = قهرني يوم فيه لـدّ
وكفه مدها ويلــوح = ودمع العين فوق الخد
وعطر الورد قام يفوح = ويمكن فلّ مدري ندّ
سلبني شعره المنفوح = مثل ليل الشتا سرمد
مثل طير غدا مذبــوح = نفض قلبي منه وارعد
وكني بالهوى ملفــوح = وزاد الهم بي وامتد
دموع العين جات سفوح = على المريوش زين القد
ما غير أون ولا أنوح = كما غـرٍ يباله دد
أنا قلبي غدا مجروح = وعذبني كثير الصـدّ
ولا ينفع عذل ونصوح = بعد حلّ الهوى واشتد
حبيبي بسمته ممنوح = ودون الهم تبني سـد
ولو يخطي ترا مسموح = مادامه جنبي ما أبعد

[الأمــير]

صح الساااااااااااااااااانكـ

[خلف بن مرزوق]

,,,
,,

الاستاذ : شوووك


رغم قلة مشاركاتك الا انه راسخة بالاذهان

لما فيها من الجزالة والابداع المشاعري


صح لسانك وقلبك وفكرك



موووووووووودتي


.

[أبو مرحبا]

وعطر الورد قـام يفـوح...ويمكن فـلّ مـدري نـدّ
سلبنـي شعـره المنفـوح...مثل ليـل الشتـا سرمـد



قصيده رائعه


صح السانك

[مقعد الدغيلبي]

رائع
ياشوك
ومبدع
كلنا
أشتياق
لسمااااااع
جديدك

[أبو نجر النفيعي]

.....

صح الساااانكـ

يا شوك

قصيده رائعه

ولا غرابه على شرواك

وننتظر جديدك



اخوك..
.

[مرزوق حمدان العتيبي]

..
.

الشاعر العذب شوك ..
رائعه من روائعك التي نتشوق اليهااااا ..
نعتب عليك ياغالي في قلة مشاركااتك
فلاتبخل على معجبينك ..... اللي انا واحد منهم

[ابو عاتق]

صح لسانك يا شوك ,,,


قصيده والا أحلا ..


تحياتي

[شوك]

إخواني : ذيب الحنابج ، خلف بن مرزوق ، قحص ، مقعد الدغيلبي ، أبو نجر النفيعي ، أبو عاتق : شكراً لكم على مروركم واطرائم ولكم مني كل المودة والتقدير . أخي الغالي : مرزوق العتيبي أشكرك على مشاعرك ومودتك ياغالي وأعتذر لقلة المشاركات لعدم التفرغ وكثرة المشاغل وأتمنى لهذا المنتدى دوام النجاح بوجودكم , تحياتي .

[فيصل المسعودي]

صح لسانك شوك


مشاعر مرهفه واحساس مبدع


صح احساسك


تقبل تحياتي


فيصل النفيعي