خالد اوصاهب العصيمي((((يقلط هنيا)))

[أبو نجر النفيعي]

ارحب يا خالد

واستلـمـ /



يا ليله اللي مع الشعار نقضيها=نبا لنا من طواريق(ن)نسرّيها
يا ليت خالد على الطاروق يعطيها=والارض بجبالها والدار برجالها


ازهمو خالد الليله نباها تطيل=ودّنا في علوم(ن)طال مشوارها
ودّنا في معاني ما يجيها الرجيل=وانشدك عن رجال(ن)شانت ادوارها

[السميــــــري]

صح لسانك
يابو نجر

وصح لسان المبدع خالد مقدماً


ننتظر ابداعكم ..
....

أخوكم / اللي تعاونتم علاه

ههههههه

[خالد اوصاهب]

جيتك وجاك السعد من يوم انا جيتك=لن كان تزهم تراني عندك اوحيتك
ناوين جفر الجبل ياذيب كفيتك=والارض بجبالها والـدار برجالهـا


فالبدايه بدانا كلها شد حيل=والعرب كل ابوها نعرف اخبارها
ويش راي النفاعي في طراب الصخيل=والجبال العسير تنزل جفارها

[خالد اوصاهب]

مرحبا يالسماري نورت الصفحه

وتراني انا وياك ناوين ابو نجر بس مهوب الليله

[أبو نجر النفيعي]

الله واكبر على اللي حط دوبه علاك=يبغا يناطح جبل مار الجبل في ذراك
مار انتبه يا رفيقي قبل يلعن ثواك=الارض بجبالها والدار برجالها
بنشدك يا رفيقي يم ذاك الخبيل=هادم اعمارها ما باني اعمارها
وانت واحد عتيبي تفهم المستحيل=مار خل العرب تشوا على نارها

[أبو نجر النفيعي]

صح ابدنك يالسميري

ولاهنت

مار يا خالد ما تلاحظ ان السميري يقلط المشرفين بالرد

هههههههههههههههههههههه

الله لا يهينك على المروور

[أبو نجر النفيعي]

مرحبا يالسماري نورت الصفحه

وتراني انا وياك ناوين ابو نجر بس مهوب الليله


افااا يا شديقي

تبا تقلب علي

انا اعلمك بعدين

[خالد اوصاهب]

ما عليه من اللي جا يصيح ويبابي=كان يبغى الردى والله ليسوى الترابي
وانت تعرف وش اللي صار في كل هابي=والارض بجبالها والدار برجالها
.
.
.
ادري انه يابونجر النفيعي هبيل=والبسيطه لزوم يثور غبارها
كان جاني فيبشر بالعمى والحصيل=وان تسهل عساه يشوف معبارها

[خالد اوصاهب]

صح ابدنك يالسميري

ولاهنت

مار يا خالد ما تلاحظ ان السميري يقلط المشرفين بالرد

هههههههههههههههههههههه

الله لا يهينك على المروور



ملاحظ يابو نجر مار يبطي يصير مشرف
.
.
ان كان فيه احد يجي مشرف انا فقط ولا قصور فيكم مار اني ماني بمثلكم

[أبو نجر النفيعي]

واستلم


انته كفو يالعصيمي مار شكلك تهاب=ان شفت نار العدو فيها شوي انقلاب
حدو سنون المعارك يا هضولا الذياب=الارض بجبالها والدار برجالها
ما علانا يا خالد دوم من هالطفيل=الردا مانباه وجيبو اخيارها
من يبا الحرب يدخل في يمينه صقيل=وانت تقوا الحروبه وانت جبّارها

[خالد اوصاهب]

ما نهاب وترى الجمهور شاف الفعايل=منهو اللي صمل في يوم فيه الصمايل
طلعت ذاك الضعيف كنه ام الجدايل=والارض بجبالها والارض برجالها


يوجد اسم(ن) تحت والظاهر انه شعيل=جا يشوف الملاعب هقوتي زارها
ويلنا يالنفاعي كان فاللعب ميل=والحرار الشقر ياكود ميكارها

[أبو نجر النفيعي]

اركد شويّه ودقق يالعصيمي هناك=انته من الخوف حتى صار يخطي مداك
الخوف يا صاحبي ذالليل يسري علاك=الارض بجبالها والدار بجبالها
انت شفت الرجال اللي تضدّ المخيل=عانها يالعصيمي ماش من غارها
خل عنك المهايط خل قال(ن)وقيل=والسواليف محفوضه على طارها

[خالد اوصاهب]

والله لاني بلا خايف ولا ارتاعي=واضنك انت الذي ذا الليل منصاعي
وان كان قرب لمخته لمخ بذراعي=الارض بجبالهـا والـدار بجبالـهـا
/
/
/
/
/
لو تكب الرياء كان انته اطلق عميل=جعل ربي يكافيكم من اخطارها
فك ضرف السمن مادام منته بخيل=تبرك الزمل يالصاحب على ازواها

[أبو نجر النفيعي]

اترك هروج الشقا وارتاح بالبرّا=من قبل لا يحذفك يا صاحبي برّا
انته تجرّا هنيّا مار لا تجرّا=الارض بجبالها والدار برجالها
وابك لولاه يا رجّال شفتك تليل=مار خل العلوم اللي وخل مشوارها
ما ورا الصبح يا رجّال غار المقيل=بندقك يا صحيبي هس معيارها

[.@.صقر عتيبه.@.]

الــــــــــــــــــــــــــلـــــــــــــــــــــ ــه الـــــــــــــــــــــــــلــــــــــــــــــــــ ـــــــــــه


بيض الله وجهيكم يالخااااالد يابونجرررررررررررررررررررررررررررررر

متاااااااابعين كملووووووووووووووووووووو وازهلو الصفووووووووووف

[خالد اوصاهب]

والله لاني بلا خايف ولا ارتاعي=واضنك انت الذي ذا الليل منصاعي
وان كان قرب لمخته لمخ بذراعي=الارض بجبالهـا والـدار بجبالـهـا
/
/
/
/
/
لو تكب الرياء كان انته اطلق عميل=جعل ربي يكافيكم من اخطارها
فك ضرف السمن مادام منته بخيل=تبرك الزمل يالصاحب على ازواها


آآآخر كلمة تراها (( ازوارها )) لكن غلط مطبعي

[خالد اوصاهب]

وابك انت وجعان لا تخلط كبار الهروج=انا معلمك عن واحد وصدفه تموج
وانته عوج والعرب ماهي هنياه عوج=الارض بجبالها والـدار برجالهـا


انت يالهيس الاربد كل هرجك هزيل=لا تغير كلام الناس وافكارها
انت اشوفك كثر عندك هنيا ضويل=لا تصدق من العالم ولا اشوارها

[أبو نجر النفيعي]

اررحب ياصقر عتيبه

ولاهنت على المروووووووووووور

والله الله بالصفوف


تقديري

[أبو نجر النفيعي]

انته كشفت السوالف وانت قايلها=لا تنحرف يا صحيبي وانت ماكلها
خلاص يا صاحبي منته بواصلها=الارض بجبالها والدار برجالها
قمت تحرف علومك يا هذاه الرخيل=مار ثابت علاك الهرج وسبارها
الرجال الكريمه تفتهم يا حويل=مار شكلك حوَل وتشيل باسفارها

[خالد اوصاهب]

انته تلفق كلامي جاتك الغيرة=من يوم انا واصل القمه على السيرة
ودك تخرب علي بقول تزويرة=الارض بجبالها والـدار برجالهـا


لو تنافق مداك ضعيف وانته نصيل=ما حد يصدقك مخبلك ثرثارها
الرجال الكريمه ما تعاين عجيل=ما تعاين لحمرا ترز منقارها

[أبو نجر النفيعي]

انته تحلّم وذابحك الحلم يا خي=منته بواصل لقمّه وانت به صاخي
مكشوف يا شيخ لوّ ان تقعد انتاخي=الارض بجبالها والدار برجالها
ما ننافق يا جعلك للعنا والغويل=وابك انامن صقور(ن)وانته احبارها
انت كنّك سوات العود تنحل نحيل=جبتها فوق راسك بانت اضرارها

[خالد اوصاهب]

ان كان تبغى الذي يجمد على الشارب=واطيك ياصاحبي في جلمد الغارب
انته اوجارب ولا به غيرك اوجارب=الارض بجبالها والـدار برجالهـا

والله انا نعرف اللي يجيه الجفيل=عايفين الخباره وانت يافارها
والله اني جمل والاانت باقي طفيل=ياطفال(ن) هنيا تزعج خوارها

[أبو نجر النفيعي]

خالد اوصاهب

كلمه((طفيل))ساريه من عندي عدلها

[أبو نجر النفيعي]

والا اقول تفداك
مار خل الملعبه تمشي

واستلم


انته تحوص اوتدوس وطالب الفكّه=تاتي بعلم الردى واركّها ركّه
لاكنّ يا صاحبي يامبعد السكه=الارض جبالها والدار برجالها
انت يا صاحبي تمشي على اخر مديل=مار يالله تجيب السالفه خارها
لاتزيل الحميّه بيننا لا تزيل=داك انته رجل وتعيش فاجوارها

[أبو نجر النفيعي]

خالد او صاهب

لاهنت على المحااوره

والجايات اكثر


تقديري

[أبو نجر النفيعي]

شكر

خاص لكل من تااابعنا


تقديري

ابونجر