ياسلام الله سلامن على جوعه

[الدماسي 2007]

ياسلام الله سلامن على جوعه=والرجال الي تطمش بياكلها

من ورد للجم يارد على قوعه=والله انه ياعميلي يسهلها


وين الشاعر الجزل |196| ........................... |192|

[مرزوق حمدان العتيبي]

..
.

.


من ورد للجم يارد على قوعه
والله انه ياعميلـي يسهلهـا


الله الله يالدماسي صح لسانك
وننتظر الشاعر المقابل.
..
تحياتي

[البدر2006]

صح لسانك يالدماسي وفي انتظار الخصم
وتقبل تحياتي

[الدماسي 2007]

ياسلام الله سلامن على جوعه=والرجال الي تطمش بياكلها

من ورد للجم يارد على قوعه=والله انه ياعميلي يسهلها


وين الشاعر الجزل |196| ........................... |192|


صح ابدانكم
مره اخرى اذا فيه شاعر

[مشعل الحافي]

اول مره العب على هالطرق يالدماسي لاكن انشالله اني جبته واستلم






مرحبا ترحيب وافي وله نوعه 000000 من هجوس الشاعر اللي يأهلها


ومن ورد للجم مايارد ابكوعه 00000 والمعاني لك قوافي نسلسلها

[الدماسي 2007]

البقا فالصفحه اليوم مطبوعه=والعلوم اللي تجي ماتجاهلها
لو تولف مثل قينيس موسوعه=حاول انك بالتنازل تسلسلها

او .. يمكن انه بالتنازل مسلسلها

[الدماسي 2007]

الليل سرى تلعب ولا نمرح

[الدماسي 2007]

يارجم النوايف عندك رد ولا لا

[مشعل الحافي]

ياعميل الخير لي كلمة ومسموعه 00000 وبتوصلك موسوعه اليوم حللها




بالتنازل توصلك واللحين متبوعه 000000 وإن فتلت المعاني لك نحللها

[مشعل الحافي]

يارجم النوايف عندك رد ولا لا




ابشر جاك الرد

[الدماسي 2007]

كلمتك يااخوك ماهيب مشروعه = ولا حرام ولا حلال.ن يجملها

انشد القاضي وجلستك مرفوعه = مير قيفانك على الوزن عدلها

قيفانك الاوله موزونه لاكنك خربتها تالي

[مرزوق حمدان العتيبي]

...
.

الله يعطيكم العافيه ويقويكم
...
واصلوا وحنا متابعين ...


ملاحظه
من شروط المشاركه في قسم المحاوره
ان يكون الشاعر متمكن في هذا الفن واي اخلال فالوزن
يعتبر خرق لهذه الشروط وستحال المحاوره الى قسم المحاولات الشعريه..
..

الهدف هو الرقي بهذا القسم الى افضل المستويات
نرجو التعاون من الجميع
.....

[مشعل الحافي]

لي كلمة توزن على الراس وسنوعه 0000 اكرب حنوك القاف ياللي تشملها

ابنشدك وش يفرق الكوع من بوعه 00000 كانك عرفت اليوم جينا انكحلها