فهد الغنام
24-Aug-2006, 12:44 AM
بسم الله الرحمن الرحيم ..
تحياتي للجميع .... واسعد الله مساكم بالمسرات ....
قصيدة ..... تحكي عن نفسها .... وانا .... اعتبرها نصيحه ..... ما عليش ودنا نطلعكم من جو الغزل شوي .. فتحملونا ... الغزل اخذ كفايته وزياده ....فلنعطي القصائد الهادفه حقها .......
<<<< نــاس و نـاس >>>>
بسم الله اكبـر علـى العـدوان قلناهـا=تقولـه النفـس مبلـيّـه ومحـشـوره
نبـي نجيـب الـدوا والجـرب نطلاهـا=وإن طال سقم المريضـه لـزم منحـوره
هاذي بيـوت(ن) مـن الأشعـار ننقاهـا=نجيب قاف (ن) عظيم(ن) يثبت احضوره
جملت ابيوت(ن) عـن الـزلات صناهـا=يديـره الفـكـر منهـيّـه ومـامـوره
اللـي بيوتـه علـى ميهـاف مبنـاهـا=تطيح لـو هـي بقـاع الارض محفـوره
ومن ساس بيته بصمد(ن) صلـد مبناهـا=تعجز صواريخ غيـره تهـدم اجسـوره
وأهل الرذايل ولو طالـت بهـا اخطاهـا=تمسي على ذاك وإن جا الصبح مقصوره
مثل الحبـاري إلـى وردت علـى ماهـا=وإن شافت الطير فـرّت منـه مذعـوره
الفـرق بيـن العـرب مربـا ومنشاهـا=يبين فرقـه ولـو طالـت بـه اشهـوره
ناس(ن) على الطيب والطـولات مرباهـا=وناس(ن) بفعل الخبايـث دوم مشهـوره
وناس(ن) إلى جيت تلقى الطيب بحذاهـا=وناس(ن) إلى جيت دخان(ن) وبربـوره
وناس(ن) يموت الردي ما يعرف اقصاها=,ناس(ن) مع المرّخمه تصبح كما الكوره
وناس(ن) إلى ضاقـت الدنيـا تنّصاهـا=وناس(ن) تضيق الوسيعه ما عطا سوره
وناس(ن) بيوتـه لكـل النـاس ملفاهـا=وناس(ن) بيوته من العربـان مهجـوره
وناس(ن) على الصدق والجزّمات تلقاها=وناس(ن) على الكذب عاشت دوم ممهوره
وناس(ن) وجيهه من الطاعات ترضاهـا=وناس(ن) وجيهه من الدخـان منخـوره
وناس(ن) هروج السفالـه مـا توّحاهـا=وناس(ن) على طول من هرجّه بدا خوره
وناس(ن) من العز والنومـاس مجناهـا=وناس(ن) معا شيـن فعلـه دوم مثبـوره
وناس(ن) على الشعر مشروبه ومغذاهـا=وناس(ن) على الشعر مبلّيه ومحشـوره
وناس(ن) تموت النشامـا مـا تعشّاهـا=وناس(ن) تغلّفص ولوهي دوم بجحـوره
وناس(ن) كلامه عـن الـزلات ترفاهـا=وناس(ن) تبربر بكثر الهـرج مسحـوره
وناس(ن) مماشي قدمهـا خيـر ملفاهـا=وناس(ن) دروبه صحايف سود منشـوره
وناس(ن) من العلم طيّبـت(ن) مزاياهـا=وناس(ن) على العود مشحوطه ومجروره
وناس(ن) مع الوقت ما ضاعت سجاياهـا=وناس(ن) مع الوقت تصبح شبه غندوره
وناس(ن) على العـز تمشيبـه نواياهـا=وناس(ن) من الخبث مسقومه ومجـدوره
وناس(ن) يجيك الفخر من يـوم تتلااهـا=وناس(ن) على العار معروفه ومخبـوره
وناس(ن) قلوبه مريّحـت (ن) حناياهـا=وناس(ن) قلوبه تراجف تسرع الخـوره
وناس(ن) تتّعـب مـع البيـدا مطاياهـا=وناس(ن) تفاخر بزيـن الخـد وشعـوره
وناس(ن) كما الذيب في فعلـه ومسراها=وناس(ن) كما الكلب مذمومـه ومدحـوره
وناس(ن) كم الغيـث لا مـدّت عطاياهـا=وناس(ن) كما قياع شهب(ن) دوم مدهوره
طالت ابيوتـي وانـا الـزّلات مرضاهـا=تعيش نفسـي عـن الـزّلات محضـوره
فعـل الـرديّـه نخزّمـهـا وننحـاهـا=نقص عظـم الـردي ونـزود اكسـوره
والأرض لا جيـت بيّنـت(ن) حلااياهـا=تشوف شيح(ن) ونوار(ن) مع ازهـوره
ريح(ن) وحنا سـوات الريـش بحذاهـا=وأثر السحابه علـى العربـان ممطـوره
قلته وأنا ما رضيتـه يـوم انـا اشناهـا=لكـن مقاديـر وقــت(ن) لفـلـه دوره
بسم الله اكبـر علـى العـدوان قلناهـا=تقولـه النـفـس مبلّـيـه ومجـبـوره
وصـلاة ربــي بتاليـهـا ومبـداهـا=على محمـد بنفـس(ن) دوم مسـروره
إعداد وبـل المـزون إن نثّـرت ماهـا=واعداد مـا غـرّد القمـري وعصفـوره
اخوكم .... فهد الغنام الشمري
تحياتي للجميع .... واسعد الله مساكم بالمسرات ....
قصيدة ..... تحكي عن نفسها .... وانا .... اعتبرها نصيحه ..... ما عليش ودنا نطلعكم من جو الغزل شوي .. فتحملونا ... الغزل اخذ كفايته وزياده ....فلنعطي القصائد الهادفه حقها .......
<<<< نــاس و نـاس >>>>
بسم الله اكبـر علـى العـدوان قلناهـا=تقولـه النفـس مبلـيّـه ومحـشـوره
نبـي نجيـب الـدوا والجـرب نطلاهـا=وإن طال سقم المريضـه لـزم منحـوره
هاذي بيـوت(ن) مـن الأشعـار ننقاهـا=نجيب قاف (ن) عظيم(ن) يثبت احضوره
جملت ابيوت(ن) عـن الـزلات صناهـا=يديـره الفـكـر منهـيّـه ومـامـوره
اللـي بيوتـه علـى ميهـاف مبنـاهـا=تطيح لـو هـي بقـاع الارض محفـوره
ومن ساس بيته بصمد(ن) صلـد مبناهـا=تعجز صواريخ غيـره تهـدم اجسـوره
وأهل الرذايل ولو طالـت بهـا اخطاهـا=تمسي على ذاك وإن جا الصبح مقصوره
مثل الحبـاري إلـى وردت علـى ماهـا=وإن شافت الطير فـرّت منـه مذعـوره
الفـرق بيـن العـرب مربـا ومنشاهـا=يبين فرقـه ولـو طالـت بـه اشهـوره
ناس(ن) على الطيب والطـولات مرباهـا=وناس(ن) بفعل الخبايـث دوم مشهـوره
وناس(ن) إلى جيت تلقى الطيب بحذاهـا=وناس(ن) إلى جيت دخان(ن) وبربـوره
وناس(ن) يموت الردي ما يعرف اقصاها=,ناس(ن) مع المرّخمه تصبح كما الكوره
وناس(ن) إلى ضاقـت الدنيـا تنّصاهـا=وناس(ن) تضيق الوسيعه ما عطا سوره
وناس(ن) بيوتـه لكـل النـاس ملفاهـا=وناس(ن) بيوته من العربـان مهجـوره
وناس(ن) على الصدق والجزّمات تلقاها=وناس(ن) على الكذب عاشت دوم ممهوره
وناس(ن) وجيهه من الطاعات ترضاهـا=وناس(ن) وجيهه من الدخـان منخـوره
وناس(ن) هروج السفالـه مـا توّحاهـا=وناس(ن) على طول من هرجّه بدا خوره
وناس(ن) من العز والنومـاس مجناهـا=وناس(ن) معا شيـن فعلـه دوم مثبـوره
وناس(ن) على الشعر مشروبه ومغذاهـا=وناس(ن) على الشعر مبلّيه ومحشـوره
وناس(ن) تموت النشامـا مـا تعشّاهـا=وناس(ن) تغلّفص ولوهي دوم بجحـوره
وناس(ن) كلامه عـن الـزلات ترفاهـا=وناس(ن) تبربر بكثر الهـرج مسحـوره
وناس(ن) مماشي قدمهـا خيـر ملفاهـا=وناس(ن) دروبه صحايف سود منشـوره
وناس(ن) من العلم طيّبـت(ن) مزاياهـا=وناس(ن) على العود مشحوطه ومجروره
وناس(ن) مع الوقت ما ضاعت سجاياهـا=وناس(ن) مع الوقت تصبح شبه غندوره
وناس(ن) على العـز تمشيبـه نواياهـا=وناس(ن) من الخبث مسقومه ومجـدوره
وناس(ن) يجيك الفخر من يـوم تتلااهـا=وناس(ن) على العار معروفه ومخبـوره
وناس(ن) قلوبه مريّحـت (ن) حناياهـا=وناس(ن) قلوبه تراجف تسرع الخـوره
وناس(ن) تتّعـب مـع البيـدا مطاياهـا=وناس(ن) تفاخر بزيـن الخـد وشعـوره
وناس(ن) كما الذيب في فعلـه ومسراها=وناس(ن) كما الكلب مذمومـه ومدحـوره
وناس(ن) كم الغيـث لا مـدّت عطاياهـا=وناس(ن) كما قياع شهب(ن) دوم مدهوره
طالت ابيوتـي وانـا الـزّلات مرضاهـا=تعيش نفسـي عـن الـزّلات محضـوره
فعـل الـرديّـه نخزّمـهـا وننحـاهـا=نقص عظـم الـردي ونـزود اكسـوره
والأرض لا جيـت بيّنـت(ن) حلااياهـا=تشوف شيح(ن) ونوار(ن) مع ازهـوره
ريح(ن) وحنا سـوات الريـش بحذاهـا=وأثر السحابه علـى العربـان ممطـوره
قلته وأنا ما رضيتـه يـوم انـا اشناهـا=لكـن مقاديـر وقــت(ن) لفـلـه دوره
بسم الله اكبـر علـى العـدوان قلناهـا=تقولـه النـفـس مبلّـيـه ومجـبـوره
وصـلاة ربــي بتاليـهـا ومبـداهـا=على محمـد بنفـس(ن) دوم مسـروره
إعداد وبـل المـزون إن نثّـرت ماهـا=واعداد مـا غـرّد القمـري وعصفـوره
اخوكم .... فهد الغنام الشمري