أزهموا ((مرزوق)) يا ربعي عطيبين الضرايب؟؟؟

[أبو نجر النفيعي]

ارحب يامرزوق

واسمحلي باللعب معك

والاستفاده راجعه لي

واستلمـ /




يا سلام الله سلام(ن) عدّ ما هبّت هبايب=من هجوس الشاعر اللي ينعرف مجرا دروبه
أزهموا مرزوق يا ربعي عطيبين الضرايب=ودي اسولف عن العربان من شرق وجنوبه

[طلال الثبيتي]

طيب طيب ..

صح لساانك..

ازهل الصف يابو نجر..

[فراج القرقاح]

سلام عليكم



مساكم الله بالخير



صح لسانك يالنفيعي وطلبت علم فالشعر



من المتابعين

[نايف المطيري]

يا سلام الله سلام(ن) عدّ مـا هبّـت هبايـب
من هجوس الشاعر اللي ينعرف مجرا دروبه

أزهموا مرزوق يا ربعي عطيبين الضرايـب
ودي اسولف عن العربان من شرق وجنوبـه

طيب طيب
ابداع يابو نجر|165|

[أبو نجر النفيعي]

طيب طيب ..

صح لساانك..

ازهل الصف يابو نجر..


ارررحب

ياملك احساس
وصح ابدنك


والصف عامر بوجودك يا ذيباان

تقديري

[أبو نجر النفيعي]

سلام عليكم



مساكم الله بالخير



صح لسانك يالنفيعي وطلبت علم فالشعر



من المتابعين

وعليكم السلام

مسيت بالنور

,,,صح ابدنك يافراج,,,

وانا داري اني طالب علم

ولاهنت على المروووووور
تقديري
.

[أبو نجر النفيعي]

يا سلام الله سلام(ن) عدّ مـا هبّـت هبايـب
من هجوس الشاعر اللي ينعرف مجرا دروبه

أزهموا مرزوق يا ربعي عطيبين الضرايـب
ودي اسولف عن العربان من شرق وجنوبـه

طيب طيب
ابداع يابو نجر|165|


ارررررررررحب

يانايف المطيري


والابداع تواصلك طال عمرك


لاهنت على المرووووور

تقديري..
.

[زحل]

صح لسانك يابونجر
ونتظرالهمرابومحمد
متابع لابداع
تقديري

[أبو نجر النفيعي]

صح لسانك يابونجر
ونتظرالهمرابومحمد
متابع لابداع
تقديري


صح ابدنك يازحل

وفي انتظار ابو محمد

تقديري

[الأمــير]

اللييييييييييييييييييييييييييييييييييييييييييل

[يوسف عبيد]

صح لسانك ابو نجر
وفي انتظار ابو محمد

[البتّار]

الله الله يبونجر وصح لسانك ولسان مرزوق مقدما

[مرزوق حمدان العتيبي]

البقا يابو نجر
والمعذره على التأخير



مرحبا ترحيبة التقدير مافيها ضرايب = عد مايبدي شروقه عد مايبدي غروبه
انت في دنيا العجايب والمصايب والغرايب = جعل ربي يستر المسلم ولا يكشف عيوبه

[مرزوق حمدان العتيبي]

..
.
بالجميع
نقول يامرحبا ...
تشرفنا برؤية حروفكم الغاليه .

..
كل الود .

[نايف المطيري]

البقا يابو نجر
والمعذره على التأخير



مرحبا ترحيبة التقدير مافيها ضرايب = عد مايبدي شروقه عد مايبدي غروبه
انت في دنيا العجايب والمصايب والغرايب = جعل ربي يستر المسلم ولا يكشف عيوبه

متابعين واصلوا|165| |165| |165|

[مرزوق حمدان العتيبي]

...
.

متابعه نحمل لها التقدير يانايف
شكرا على التواصل..

..

.

[سهم العضيان]

واصلوا
متابعين وصحة السنتكم
وتقبلوا التحيه

[مرزوق حمدان العتيبي]

...
.

صح بدنك ياسهم العضيان .
..

تحياتي الجمّه .
...

[فيصل القثامي]

الله الله

بين الصفوف

واصلو يبن عمي

[مرزوق حمدان العتيبي]

..
.
مرحبا يافيصل ..

نورت الصفحه .
....

[سعد بن مطلق المقاطي]

صح لسانك يابومحمد


صح لسانك يابونجر

تقديري

[مرزوق حمدان العتيبي]

...
.
مرحبا يابو مطلق
الحمدلله على سلامة الوصول :)

نورت الصفحه ياسنايدي.
...

اخوك
...

[أبو نجر النفيعي]

صح السانك

واستلم



البقا ياللي ترحب من شروق ومن غرايب=والليالي طيّبه والليل ذا شبّت شبوبه
لوّ هاك اليوم عدّا ما جلب معه المصايب=كان شفت الناس يا رجّال ماجتها العقوبه

[أبو نجر النفيعي]

مشكوورين على التوااصل

ولاهنتو

[مرزوق حمدان العتيبي]

احتسب للامر واصبر كان ضدتك النوايب = من شكى همه لغير الله .. خلقه مادروبه
كل دعوى ياقوي المعرفه وإلها سبايب = ماكتبه الله حاصلك ولو مارحت صوبه

[أبو نجر النفيعي]

طيب طيب




والله اني مادريت انّك من السبع العجايب=لا تجي من دونها والطيب بالطيب اشتروبه
بعض الاحيان الشجاعه بعدها ذل ومصايب=عان صدّام المسمّى بعد ما نفّخ ذروبه

[.@.صقر عتيبه.@.]

الله الله


رااااااااااااااااااائع واكبر من رااااائع

النار الناااااااااااااااااااااار اكملوووووووووو وازهلو الصفووووف

[أبو نجر النفيعي]

لاهنت يا صقر عتيبه على المرووووووووووووور




تقديري

[مرزوق حمدان العتيبي]

الركاده ياولد عمي معك ويش انت جايب = قال الاول غلطت الشاطر عن العشر محسوبه
من يدوّر للنشايب يبشر بكثر النشايب = وانت لاتمشي بدرب ٍ خير ربعك مامشوبه

[أبو نجر النفيعي]

طيب طيب



ضاعت الاولى وشكل الثانيه فيها نصايب=يا ولد عمي ترا الرجّال علّه ما رضوبه
المواشي يا صحيبي مالها غير الزرايب=اذكرو من قبل مدّه يا ولد ويش انشروبه

[الخــراص]

متابعين

واصلوا الأبداع

ماأعرف اللعب بالصف

بس ابشرو بالشاهي

قبل منسى صف مرزوق شاهي خااااااص

[أبو نجر النفيعي]

ارررررررررحب


يالخرااااص

وصف مرزووق مثل صفي كلنا ربع وجماعه


تقديري

[مرزوق حمدان العتيبي]

في كلام اهل الرديّه ماحسبنا اية حسايب = اللي فالصبح اسرحوا به ... فالعشيه ماضووبه
كل رجل ِ ما يقدم خير فالناس القرايب = اعرف ان اللي بعيد بيشتمه ويشق ثوبه

[مرزوق حمدان العتيبي]

..

صقر عتيبه

والخراص
لاهنتوا

وترحيب خاص لك يالخراص :)

....

[أبو نجر النفيعي]

الله .. الله


كان يا رجّال فيها ولّعت نار و لهايب=ابشر اني لحتمي سيفي على ضلّ العروبه
صارت الدعوه مشاكل وابتدا شر ومصايب=عود دقق يا وسيع العرف به نوبه ونوبه

[البدر2006]

صحت السنتكم ومشكورين
وتقبلو تحياتي

[أبو نجر النفيعي]

البدر 2006

صح ابدنك

ولاهنت على المتاابعه...

.

تقديري..
.

[مرزوق حمدان العتيبي]

:)
استلم وصح لسانك
ياراااااقل




كم رجل ٍ ودّه ايصيب الهدف ماهوب صايب = ودّه وودّه ولكن حاجة ٍ فيها صعوبه
كل شي ٍ عن نظر عيني ترى ماهوب غايب = وان بغينا ضربته.. نضربه لين يقول توبه

[مرزوق حمدان العتيبي]

..
.

صح بدنك يالبدر
لاهنت على التواصل
..
..
.

[أبو نجر النفيعي]

صح ابدنك

واستلم


ابتعد عن دربها قدّام تشتبّ الشبايب=عان هاك الرجل يا مرزوق ممرح في كروبه
كيف تضرب دام سيفك ياولد ما له نصايب=خلّك امسالم هنيّا دام ربعك مقدروبه

[مرزوق حمدان العتيبي]

ابك والله لو اخمك راحت اضلوعك حطايب = ربعي اللي كل قمة مجد بالطاله رقوا به
انت يالحاشي محلك تختفي بين الركايب = لاتعرض للجمل بلهان ثم تغدي نهوبه

[أبو نجر النفيعي]

طيب يامرزووق لا تلف وتدوور هههههههه


استلم



انت دمّك يابن عمّي تالي الايام رايب=والله ونعمين في ربعي ليا جات الحروبه
وابك انا توّي غليّم بس في تفكير شايب=اعرف انزل من شداد الركب ومجهل في ركوبه

[خالد محمد النفيعي]

ابونجر ومرزوق صح لسانكم








ولاهنتم







. . ت . .
. . ق . .
. . د . .
. . ي . .
. . ر . .
. . ي . .

[أبو نجر النفيعي]

ارحب

سابو محمد

ولاهنت على المرووور



تقديري

[راع السويدا]

ارحب

سابو محمد

ولاهنت على المرووور



تقديري


صح لسان ابو محمد...وصح لسان سابو نجر

بس على الطاري يا ابو نجر..وين دارس املاء انت؟؟؟

[أبو نجر النفيعي]

صح لسان ابو محمد...وصح لسان سابو نجر

بس على الطاري يا ابو نجر..وين دارس املاء انت؟؟؟


ههههههههههههه


وابك لا تدقق هذي اخطاء مطبعيه عاادي

شف الياء جنب السين

[راع السويدا]

ههههههههههههه


وابك لا تدقق هذي اخطاء مطبعيه عاادي

شف الياء جنب السين


<<<<<هذا نجر وكسر الكيبورد ...والولد طالع على ابوه
كسر الكيبورد = مثل ماسوى ابوه .. حرف السين جنب الياء
بس الولد وده يذبح ابوه؟؟؟ ليش

[أبو نجر النفيعي]

<<<<<هذا نجر وكسر الكيبورد ...والولد طالع على ابوه
كسر الكيبورد = مثل ماسوى ابوه .. حرف السين جنب الياء
بس الولد وده يذبح ابوه؟؟؟ ليش
والله مدري

[عيد الروقي]

صح لسانك يابونجر|165|

[عيد الروقي]

ماشاءالله عليك

[أبو نجر النفيعي]

صح لسانك يابونجر|165|

ارحب
يا عيد وصح ابدنك

والله لا يهينك


تقديري

[عيد الروقي]

حنا عتيبه كاسبين المديحه ونذكي الرجال مثل اذبيحه