قرّبوا ياربعي

[السميــــــري]

ودنا بشاعر موجود قريب



يامرحبا يامرحبا بلي هنا والي قرب = ترحيبةٍ مثل السحاب اللي نزل ربانها
ياربعنا جيبوا حطب حطوا على النار الحطب = الليله الليه نباها يرتفع دخانها

[محمدابوشهاب]

دام البقا واللي يوردها على الجمه شرب = ياذرب خلك ذرب مع ربعك ومع ضيفانها
ياللي تشب النار لاداعي تصايح للعرب = الليله الدنيا على راسك رقص شيطانها

[مرزوق حمدان العتيبي]

...
.
اررررررررررررررررررررررررررررررررررررررررحبوا
اقول المنتدى منوّر اثر ابو شهاب موجود..
...

الرائع ذرب اليمين صح لسانك
ابو شهاب صح لسانك
...
واصلوا ..

[السميــــــري]

ضيفاننا يلقون في حلة عتيبه الشبب = والكيف وادسم شواربها وطيب شانها
حنا ترانا ماعلانا لو يجي أطلق شنب = أن كان يحذف بالهروج وهرجته ماصانها

[محمدابوشهاب]

ماقول غيرالعين يارجال من تحت الهدب = بس الرساله لاتطرشها بلا عنوانها
على حسب لاتحسبنها دايما على حسب = كم حية رقطا على الشارع تمد لسانها

[سهم العضيان]

صحة السنتكم
وننتظر المزيد متابعين معكم
وتقبلوا التحيه

[السميــــــري]

اللي قرى واللي كتب يعرف عناوين الكتب = وانته يابو شهاب الرساله عندك وفهمانها
على حسب صحيح .. لكن الذهب أصله ذهب = ماتختلف بازمانها ماتختلف بأثمانها

[السميــــــري]

,,,,,
,,,,
,,
مرزوق العتيبي
الرائع وجودك
بيننا
ياولد العم
نورت الصفحة
بمرورك
...........
........
,,,,
,,

الغالي
سهم العضيان
صح بدنك
ومشكور بمتابعتك

أخوكــــــــــــــــــم/

ذرب اليمين

[محمدابوشهاب]

اللي قرا واللي كتب ياللعجب ياللعجب = لكن عان الناس كانك منت داري عانها
على حسب والنارمثوا ابوجهل وابولهب = ياللي تعرف فروض ربي تمها باركانها

[السميــــــري]

يامحمد انته وش تقول الماء يخر (أ) مع القرب = الناس وش نبى بها راضيها مع زعلانها
ابو جهل وابو لهب ماجاهم الا ماكسب = الارض تدعي فوقهم شعبانها وضلعانها

[محمدابوشهاب]

لاهنت طاروق جيد




لنا لقاء

[السميــــــري]

استأنسنا
معك
يابو شهاب

لاهنت يالطيب

لقاءآخر ان شاء الله
........
تقبل تحياتي
ذربــــــــــــــــــــــــــ اليمين