مرحبا يالنفاعي

[مرزوق حمدان العتيبي]

مرحبا يالنفاعي عد مبدا النجوم = هاجس الشعر توّه ينفتح بابها
كان عندك علوم اقرب وهاك العلوم = سالفه ماتسرّك واحسب احسابها

[أبو نجر النفيعي]

ارحب يامرزووق ..واستلم



البقا يالمرحب في محل القروم=من هجوس(ن)عميقه وانته ادرابها
ياصحيبي تراني محتمي باللزوم=وانته اتعرف منّا وشهو اسبابها

[مرزوق حمدان العتيبي]

ما احتميت ابلزومك يوم جوك الخصوم = وانت فيك الهزيعه مارضينابها
مامعك حيل تطلع نايفات الرجوم = حملتك للطويله كيف ترقابها

[أبو نجر النفيعي]

انت غايب عن الديره ولاحقك لوم=والا انا ياصحيبي فوق مرقابها
وابك انا حالف اني بلوة(ن) للرخوم=لين تنطق علانا ويش هو جابها

[مرزوق حمدان العتيبي]

انت تحلم وسبة نكبتك فالحلوم = عانها فوق راسك بان مضرابها
جبت معك المشاكل والبلا والهموم = واشغلتنا سببك الغرب وكلابها

[أبو نجر النفيعي]

بان هبد الجمل يوم اخترق بالسهوم=يشهدون العرب حضّار وغيابها
طيرهم يا صحيبي فوقنا ما يحوم=وانت خايف من اللي ترفع اذنابها

[فيصل المسعودي]

صحت السنتكم


يالغالين


في صفك يالنفاعي ولا يهون البناخي


الميل على صفوف المدير يا ابن العم


تحياتي

[خلف بن مرزوق]

انت تحلم وسبة نكبتك فالحلوم = عانها فوق راسك بان مضرابها
جبت معك المشاكل والبلا والهموم = واشغلتنا سببك الغرب وكلابها


دكتوور الشعر: مرزوق العتيبي

صح لسانك وسلم لبنانك :)

المتعة متابعتك

ولايهون الاستاذ : ابو نجر


موووووودتي

.

[مرزوق حمدان العتيبي]

..
.

.

ايو منيف
وابو مرزوق يامرحبا تراحيب الحبيب :)
نورتوا الصفحه ولا تقاطعووون ..
.....
.

[مرزوق حمدان العتيبي]

مابقى من مكانك غير بعض الرسوم = فوق دارك تصيح البوم وغرابها
دام نيتك شينه تاتعود مهزوم = والدروب الصحيحه نعرف اصحابها

[طلال الثبيتي]

محاوره منتازه جدأ..

وصعب انك تحدد مع اي صف فيهم..


لذلك انا محايد..


واصلوا ياأساتذه

[خالد اوصاهب]

طاروق اروع من الرائع

واصلوا وحنا متابعين


انا في صف مرزوق ولايهون ابو نجر

مرزوق...... مرزوق
مرزوق...... مرزوق
مرزوق...... مرزوق
مرزوق...... مرزوق
مرزوق...... مرزوق

[خالد العصيمي]

الله الله الله الله الله الله


طاروق رايع وانا في صف مرزوق ولا يهون ابونجر






واااااااااااااااااااصلو

[سعد بن مطلق المقاطي]

صح لسانك يامرزوق

وصح لسانك يابونجر

وانافي صف ابومحمد

متابعين

[أبو نجر النفيعي]

انته اصبر شويّه باقي(ن)كم يوم=ثم نكسر علاها روس مشعابها
نيني ياولد للدين واهل السلوم=مار به ناس جعل السوس في نابها



فيصل المسعوودي لاهنت يابن العم والله الله بالصف

ومشكووورين جزيل الشكر كل من مر الصفحه



تحياتي

[مرزوق حمدان العتيبي]

من تسمّع كلامك قال وصل النجوم = وانت خلف الستار اتشب مشهابها
انت شكلك لشقران العوارض خدوم = عارفين الدعاوي ماجهلنا بها

[مرزوق حمدان العتيبي]

...
.


ملك احساس \\ هلا الف يسعدنا حضورك وتواصلك ..
.....
خالداوصاهب .\\. مرحبا مليون ولي الفخر بوجودك في صفي ..

....
الشقاوي \\ مرحبا مليون ولي الشرف بوجودك في صفي..
..

سعد الكريزي \\ مرحبا مليون ولي الشرف بوجودك في صفي..
..
تحياتي لكم جميعا
وتواصل دايم بحول الله .
..

[أبو نجر النفيعي]

ابك انا في دروب الشر زارع لغوم=وانت قاعد هنيّا جعل تبلا بها
ودي ابهرجة(ن)تاصلّ لكم عالعموم=العرب جالسه واتفتّل اشنابها

[ذياب]

ما احتميت ابلزومك يوم جوك الخصوم = وانت فيك الهزيعه مارضينابها
ما احتميت ابلزومك يوم جوك الخصوم = وانت فيك الهزيعه مارضينابها
ما احتميت ابلزومك يوم جوك الخصوم = وانت فيك الهزيعه مارضينابها
ما احتميت ابلزومك يوم جوك الخصوم = وانت فيك (( الهزيعه)) مارضينابها



الله الله الله الله

سجل أعجابي في شعرك وشخصك

الكريم ولا يهون الغالي ابو نجر

أخوكــم / ذياب

[مرزوق حمدان العتيبي]

ابك حنا ليامنا نفذنا الكموم = كل ناس ٍ تذل وتمسك اترابها
وانت خنت الدفاع ولا نفعت الهجوم = مار سود المنايا جهز اثيابها

[مرزوق حمدان العتيبي]

..
.

تقديري واحترامي وشعور متبادل
ياذياب ...
...
..
.

[أبو نجر النفيعي]

سابحين البحور وفي بحرها نعوم=مار به ناس جعل الله يعنا بها
آ تِشرّه علاكم قوم منتم بقوم=يالله ارحم بناس(ن)وسط دولابها


مشكووورين جزيل الشكر على كل من سجل مشاركته بهالصفحه

[مرزوق حمدان العتيبي]

...
.

صح لسانك يابو نجر..
والله يعطيك العافيه .
.. ماقصرت ...
والف شكر لكل اللي شاركونا في هالصفحه .
.....
.

[أبو نجر النفيعي]

...
..
.
...صح ابدنك...
..
.
يالمدير ولي الشرف يوم لعبت معك وماقصرت يالاستاذ



.................

..

..

....


تحياتي