تسجيل الدخول

مشاهدة النسخة كاملة : مطلق الثبيتي ***رشيد الزلامي (لايطوفكم)

سهم العضيان
03-Aug-2006, 12:14 AM
هذه من درر عمالقة المحاوره

وهي بين شاعرين من اقوى شعراء المحاوره على الاطــلاق

واساتذه للمعنى القوي

وهي بين كلأ من الشاعر / مــطـلق الثبــيتي رحمه الله

والشاعــــر / رشـــيــد الــزلامــي حفظه الله








مــــــطــــــلــــــق
يالزلامي فوق راسك شجـرة مزروعـه
غصنها مايل على راسـك ولا لـه فيـه
ارم عن جنبك هذيك الجبـه المرقوعـه
ولك عنـدي جبـةٍ تسـوى ميـة ربيـه

رشـــــــــيـــــــــد
لاتقربهـا لراسـي خلـهـا مرفـوعـه
نيتـك ماهـي سليمـه ياخبيـث النـيـه
حسنةٍ من يمكم يا أهـل التهـم ممنوعـه
والزلامـي تعرفـه مايلبـس العـاريـه

مــــــطــــــلــــــق
دخنوا في الجحر لين انه نقز جربوعـه
الرجال اللي تعرف الحسنه مـن السيـه
مانبا نعطيه شـي ليـن يلحـس كوعـه
واحد يزحف ونابـه مثـل نـاب الحيـه

رشـــــــــيـــــــــد
انت مثل بعيـر 0000ماتزيـن طبوعـه
لـو نزيـن راس بـو عـرام بالطاقيـه
السلوك اللي تجي من يمكـم مقطوعـه
من زمان العـام ماهـي بالسنـه هاذيـه

مــــــطــــــلــــــق
الزلامي لو بكالـي مامسحـت دموعـه
لو فرشلي يوم اجي عنـده ميـة زوليـه
ان نصحته عن سواليفه يصك اسموعـه
ماانتبه لي ليـن ذاق الرمـح والجنبيـه

رشـــــــــيـــــــــد
لاتحاول في صناعـه قبلكـم مصنوعـه
وانت ماتضمـن نجاحـك ميـة بالميـه
واحسوفي يااليتيم اللي هشمت ضلوعـه
كلما صيحت في اذنه طاح في الصينيـه

مــــــطــــــلــــــق
لاترجـا خيـر مـن سيـارة قربوعـه
وان مشت في دربها شيصانهـا ملويـه
لو عطاك الشيخ درعٍ من خيار دروعـه
قلت ياعاقل مـن العقـال ماانـت بعيـه

رشـــــــــيـــــــــد
انت مثل الذيب مااعرف شبعته من جوعه
والعرب تقنع بشـرب الطبخـه البريـه
لو قبلك البنك ماسكّـر جميـع فروعـه
فتحت الابواب في الوسطى وفي الشرقيه


0000000000000000000000000000000
$@المقاطي@$
03-Aug-2006, 12:22 AM
ووووووووووعة شعااااااااااااار كباااااااااااااااااااااااااااار.


تسلم على المحاورة الرائعة أخوي سهم العضيان.









تحياتي اخوك
المقاطي
أبو نجر النفيعي
03-Aug-2006, 01:07 AM
مشكوووووووووووووووور اخوي



سهم العضيااااان

على النقل الرايع



وننتظر المزيد منك



تحياتي
الفراهيدي
03-Aug-2006, 06:48 AM
الله يعطيك العافية

محاااوره جميله وقويه

لاهنت على النقل يالغالي

تحياااااااااااااااتي
سهم العضيان
04-Aug-2006, 12:49 AM
تشكر على المرور الرائع يا المقاطي
وتقبل تحياتي
سهم العضيان
04-Aug-2006, 12:50 AM
تشكر على المرور يا ابونجر
وبأذن الله سأتي في محاورة الجلاوي وزيد
وتقبل تحياتي
سهم العضيان
04-Aug-2006, 12:51 AM
تشكر يا الفراهيدي
ويعطيك الف عافيه
وماقصرت
وتقبل تحياتي
سهم العضيان
07-Aug-2006, 10:22 PM
تشكرون
تحياتي
الرشيدي
11-Aug-2006, 04:19 PM
واحسوفي يااليتيم اللي هشمت ضلوعـه ....كلما صيحت في اذنه طاح في الصينيـه
.
.
.
.
.
.
رشيد الزلامـــي ومن غير رشيد؟


مبدع دائماً


.
.
.

وأنت مبدع باختيارك لهذه الرائعه ياسهم العضيان
سهم العضيان
11-Aug-2006, 04:28 PM
تشكر يالرشيدي
ودكتور الشعر والاسطوره مطلق ماقصر
تقبل التحيه
فهد العطاوي555
30-Aug-2008, 02:17 AM
بارك الله بك , شكراً أخي الكريم