الــوآفــي
29-Jul-2006, 11:23 PM
هذه احدى القصص التي حدثت بين الاخوين شالح بن هدلان واخوه الفديع
ويذكر انه من بر الفديع بشالح انه اذا بغى ينام قام وغسل المعاميل والدلال والابرايق وكسر الحطب وزين النار وحط الزند جنب الحطب لين يوم يجي شالح يلقى كل شي جاهز ماعليه الا يقدح ويشب النار وشالح معروف عنه انه ما يخلي احد يصلّح له القهوه حتى اخوه الفديع لانه ما يشرب الا القهوه اللي يصلحها لنفسه فكان الفديع يعرف هالامر عن اخوه ويجهز له كل شي عشان يضبط قهوته وهو مرتاح
وفي احدى الليالي رأى شالح بالمنام ان فيه ديك نقر عينه اليمنى وهو يروح لواحدن كبير بالسن ورجال يفسر الاحلام وهو يسأله قال ابيك تصدق معي انا رأيت كذا وكذا قال الشايب من اغلى انسان عندك هالحين اليا عيال شالح صغار ولا ذاق نفعتهم في ذاك الوقت قال شالح اغلى ما عندي هو الفديع قال الشايب الفديع اغلى من عندك قال ايه قال يبا يموت :( يبي يذبح
يقولون وهو ينجن شالح وكل يوم يطالع في اخوه ليا اخوه طيب وفارس ويخدم اخوه خدمه زينه ويتابعه بالنظر وخايفٍ عليه بس ما يقدر يعلم بالحلم اللي شافه ولا يعترض على حكم ربي .... وفي ليلتن من الليالي والفديع قانص ما جاء الا تالي الليل تعبان ويبي ينام بس ما يقدر ينام لين ينضف المعاميل وهو يدور الماء يبي يغسلها واثر الماء مخلص .. المهم وهو يارد البير ويعبي القرب ويرجع ويغسل المعاميل ويكسر الحطب ولا خلص الا وجه الفجر ويوم تركى يبي ينام الا هذا اخوه شالح يوم قام واثر شالح يراقبه من يوم جاء وشالح يذن ويقوم الفديع ويصلي معه ويوم طلعت الشمس ويجي الفديع يبي ياخذ له غطّه وشالح يطالع فيه ويقول شالح :-
لا واخوٍ لي عقب فرقاه ابا اضيع = وكني بما يجري من الوقت داري
اخوي يا شوق البنات المفاريع = مطلق حجاج اللي بأهلها تماري
عزالله اني منك شفت المنافيع = اعدك مليكٍ لي ولاني بشاري
ليتك عصيت بمرةٍ قلت ما اطيع = حتى اني اصبر يوم تجري الجواري
ويذكر انه من بر الفديع بشالح انه اذا بغى ينام قام وغسل المعاميل والدلال والابرايق وكسر الحطب وزين النار وحط الزند جنب الحطب لين يوم يجي شالح يلقى كل شي جاهز ماعليه الا يقدح ويشب النار وشالح معروف عنه انه ما يخلي احد يصلّح له القهوه حتى اخوه الفديع لانه ما يشرب الا القهوه اللي يصلحها لنفسه فكان الفديع يعرف هالامر عن اخوه ويجهز له كل شي عشان يضبط قهوته وهو مرتاح
وفي احدى الليالي رأى شالح بالمنام ان فيه ديك نقر عينه اليمنى وهو يروح لواحدن كبير بالسن ورجال يفسر الاحلام وهو يسأله قال ابيك تصدق معي انا رأيت كذا وكذا قال الشايب من اغلى انسان عندك هالحين اليا عيال شالح صغار ولا ذاق نفعتهم في ذاك الوقت قال شالح اغلى ما عندي هو الفديع قال الشايب الفديع اغلى من عندك قال ايه قال يبا يموت :( يبي يذبح
يقولون وهو ينجن شالح وكل يوم يطالع في اخوه ليا اخوه طيب وفارس ويخدم اخوه خدمه زينه ويتابعه بالنظر وخايفٍ عليه بس ما يقدر يعلم بالحلم اللي شافه ولا يعترض على حكم ربي .... وفي ليلتن من الليالي والفديع قانص ما جاء الا تالي الليل تعبان ويبي ينام بس ما يقدر ينام لين ينضف المعاميل وهو يدور الماء يبي يغسلها واثر الماء مخلص .. المهم وهو يارد البير ويعبي القرب ويرجع ويغسل المعاميل ويكسر الحطب ولا خلص الا وجه الفجر ويوم تركى يبي ينام الا هذا اخوه شالح يوم قام واثر شالح يراقبه من يوم جاء وشالح يذن ويقوم الفديع ويصلي معه ويوم طلعت الشمس ويجي الفديع يبي ياخذ له غطّه وشالح يطالع فيه ويقول شالح :-
لا واخوٍ لي عقب فرقاه ابا اضيع = وكني بما يجري من الوقت داري
اخوي يا شوق البنات المفاريع = مطلق حجاج اللي بأهلها تماري
عزالله اني منك شفت المنافيع = اعدك مليكٍ لي ولاني بشاري
ليتك عصيت بمرةٍ قلت ما اطيع = حتى اني اصبر يوم تجري الجواري