ياذياب سر الليل ...

[مرزوق حمدان العتيبي]

شرفتنا بقراءتك والتعليق



....

..

مجرد اعلان ..
اذا انت قريّب سجل حضور يابن العم نبا نتعلم منك
ونوسع صدورنا شوي ..
..

.

.

[ذياب]

يالله حي ابو محمد

هاذي الساعه المباركه

الي جابتك

وذياب على طول قريب

مايبتعد عن الهيلا

[مرزوق حمدان العتيبي]

...
حنا اللي لنا الشرف..
واستلم ..


بعد الغياب اللي قطعنا عنك ياذيب الذياب = سلام ردية محبه ماتغيّر لونها
هات العلوم المستجدّه هاتها بعد الغياب = سوالف ٍ يقرونها الحضار مايوحونها

[ذياب]

يامرحبا ياهل الوفى والطيب ضافين الثياب=أقولها وابو محمد عارفن مضمونها

كل الدعاوي طيبه بين العقارب والدواب=وانته تعرف العقربه دايم تحد اسنونها

[الــوآفــي]

نحن هنا ومتابعين



صح السنتكم

[مرزوق حمدان العتيبي]

..
.

الله اكبــر



دام البقا لك ياوسيع العرف ياسمح الجناب = ايه المعاني كلها دارس جميع افنونها
ان كان شفت العقربه كوّم علاها بالتراب = من بعد ماتقطع ذنبها ثم تطس اعيونها

[مرزوق حمدان العتيبي]

..
.

مرحبا ثم مرحبا ثم مرحبا
ياذيبان

[ذياب]

درستها وأنته وأنا كلن درس له في كتاب=لكن ليلى ماتعزوى غار في مجنونها

العقربه حطيتها مابين ضرس وبين ناب=لو كان بعض احيان ياقف صاحبي من دونها

[مرزوق حمدان العتيبي]

.
..
.



ليلى لها رجل ٍ تحبه عن محبتها ماتاب = ويقول انا يا اهل المحبه ما اغتني من دونها
العقربه محد ٍ يدانيها عساها للذهاب = واللي وقف من دونها يمكن ماشاف اجنونها

[ذياب]

المعذره يابو محمد خارج لضرف طاري

ولنا بكره لقاء

واكرر اعتذاري

أخوك/ذياب

[سلطان الحافي]

الله الله

الله

عليكم

يابو محمد
$

ويا ذياب

على القوه

واصلوووووووووووو وحنا متااااااااااااااابعين

تحياااااااااااااااااااااااتي

[مرزوق حمدان العتيبي]

...
.


لنا ان شاء الله غداً لقاء
>>>>>>> ماصدق يبي يروح يرقد :)

...
..

[مرزوق حمدان العتيبي]

..
.

مرحبا ومسهلا ياسلطان
....
تشرفنا بحضورك يابن العم ..
...
.


كل الود .
..

[فيصل الثبيتي]

صح لسانك يا مرزوق .. وتوّ ما نوّر المنتدى ...

وصح لسانك يا ذياب .. الشاعر اللي يمتعني كثير ...

والله يبعدنا عن الداب والعقربان ويكفينا شرّها ... !!

باقة ورد فيصلية ...

فيصل

[الايداء1]

..
.

الله اكبــر



دام البقا لك ياوسيع العرف ياسمح الجناب = ايه المعاني كلها دارس جميع افنونها
ان كان شفت العقربه كوّم علاها بالتراب = من بعد ماتقطع ذنبها ثم تطس اعيونها






درستها وأنته وأنا كلن درس له في كتاب=لكن ليلى ماتعزوى غار في مجنونها

العقربه حطيتها مابين ضرس وبين ناب=لو كان بعض احيان ياقف صاحبي من دونها


,

,,,

الله

الله

علاكم يالمبدعين

شعار كبار وأمتعونا .

وين الأبداع عنا ياذياب

ماجاء الى بوجود أبو محمد

صحت السنتكم ,

[ذياب]

أليا فتحنا باب يامرزوق بالله فك باب=حتى تزين السالفه يوم العرب يقرونها

العقربه لونين ما تلقا طعام ولا شراب=فالخيمه الي يرتكي مرزوق بين أركونها

[ذياب]

ذيبان @ سلطان الحافي @ فيصل الثبيتي @ ابو تركي

متابعتكم وتعليقاتكم ومروركم

أكبر شرف لنا

[مرزوق حمدان العتيبي]

كل السوالف قدم عينك ماجعلنا إلها حجاب = واهل العلوم الطيبه لا جو لنا يلقونها

انته وانا واهل الوفاء اللي مايحبون الخراب = دار المعزّه من مقاريد البشر يحمونها

[مرزوق حمدان العتيبي]

..
.


فيصل..
وابو تركي .

...

نورت الصفحه بوجودكما..
شكراً ياعيال العم .
...
.

[ابـن نـعـيـس]

صح السنتكم



واصلوووووووووووووو


ابداع كالعاده


وفي صفك يا ذياب ولا يهووون المدير

[ذياب]

تحريبها يا سيفنا البتار مصقول النصاب=يالله لا تخلف عشم بعض العرب وأضنونها

دار المعزه في ذرى مرزوق و وخيه ذياب=حنا ترانا ما نبوق اهل الوفا و أنخونها



هههههههههه

[ذياب]

صح السنتكم



واصلوووووووووووووو


ابداع كالعاده


وفي صفك يا ذياب ولا يهووون المدير


حياك يابن انعيس

ووجودك في صفي شرف لي

أخوك

[مرزوق حمدان العتيبي]

من باق جعله للعدام ومن عياب ٍ في عياب = وانتم مواقيف الشجاعه والوفا توفونها
امسليمه كذاب وجهه مثل جنحان الغراب = اشكال هذا ليت عقال البلد ينفونها

:)

[مرزوق حمدان العتيبي]

...
.

اررررررررررحب يابن نعيس..
يكفينا تواجدك
..
.

[ذياب]

تبغونها تركب علانا مار يبطون الشباب=واللي سرق حاجه من العربان لا ينسونها

زانت وشانت وضهرت لي كلها وسط الجواب=ولا منول كان حكام البلد يخفونها

هههههههههه

[مرزوق حمدان العتيبي]

انته وراك اتحيد يارجال عن درب الصواب = خل القضيه بيننا لا ينكشف مكنونها
اللي ظهر عطنيه وانا اكفيك في حل الصعاب = كلمه بليا بينه يخسون من يطرونها

[أبو نجر النفيعي]

الله .. الله ..الله


محاوره جزله وتجبرنا على المتابعه


وااااصلو وحنا متابعين




وانا بين الصفين لانهم كلهم اعيال عم



تحياتي للجميع

[ذياب]

أشتالها يا صاحبي وأزتمهـا وسـط العيـاب=الناس تركض بالبـلا مـار البـلا فبطونهـا
أما هديتك بشت ولا عندنا بدله و كاب=ولا رماح(ن) ماتطيب (أ)من النحور أطعونها

[مرزوق حمدان العتيبي]

يالربع وين اذياب هالليله توجه بالركاب = ياكبرها ياصغرها ياصعبها ياهونها
المشكله فاللي يصب القاز يقدح بالثقاب = بعض العرب لاشبوا النيران مايطفونها

[أبن مسلم]

مرزوق العتيبي


الحمدلله على السلامه


وصح لسانك ولسان شاعرنا ذياب


مبطين من المحاورات


تحياتي

[مرزوق حمدان العتيبي]

..
.

مرحبا يابو نجر متابعتك شرف لنا
هلابك الف .
...
.
كل الود ..
..

[مرزوق حمدان العتيبي]

..
.

ابن مسلم الله يسلمك ..
..
نورت الصفحه بحروفك وتعطرت .
...
حضورك مهم بالنسبه لي يابن العم.
...
دمت عزيز وعالي
..
.

[ذياب]

مزحت رفيقك لا توصلها الثريا و السحاب=مونه على مرزوق من ماض الليال أنمونها
:)
ولا الحقيقه لا غبار ولا سراب ولا ضباب=ياجعل يفداك الردي يأمينها مامونها

[ذياب]

ابو نجر @ ابن مسلم

حياكم مروركم أسعدنا

أخوكم

[مرزوق حمدان العتيبي]

..

.

حنا هل المزحات واهل المنهج اللي مايعاب = وانته بعد رجل ٍ ملا زيم الرجال اتصونها
صحت لسانك ياقوي العرف طاب الكيف طاب = ياحبني لهل البيوت اللي تعز اركونها

..

[مرزوق حمدان العتيبي]

...
.

.

المبدع ذياب تشرفت باللعب
وصح لسانك مدد بلا عدد..
..
القفله من عندك والى اللقاء في
محـــــــــــــراف اخر ......
...

اخوك ..
....

[خالد العصيمي]

صح السنه الشعار مرزوق وذياب



امتعتونا دمتم ودام تواصلكم للمنتدا




تحياتي ومودتي

[مرزوق حمدان العتيبي]

..
.

صح بدنك يالشاوي
والله يديمك ياغالي
...
..
.

[ذياب]

..

.

حنا هل المزحات واهل المنهج اللي مايعاب = وانته بعد رجل ٍ ملا زيم الرجال اتصونها
صحت لسانك ياقوي العرف طاب الكيف طاب = ياحبني لهل البيوت اللي تعز اركونها

..



الاخ العزيز مرزوق

صح السانك وسلم بنانك

واللعب معك فايده و نوماس

ونلتقي في طاروق آخر يابو محمد

دمت لنا وللهيلا

أخوكــــ/ ذياب

[ذياب]

صح السنه الشعار مرزوق وذياب



امتعتونا دمتم ودام تواصلكم للمنتدا




تحياتي ومودتي


صح بدنك يالشقاوي

ومرورك أسعدنا

أخوك

[مرزوق حمدان العتيبي]

..
.
ماعليك زود يالذيب .
..
.
.
تقديري .
...

[الايداء1]

,

,,

أبداع ... ولكن ؟

.

.


.

.


..

.

غير مستغرب

من أبو محمد . . وذياب

لله دركمــــــــــــــــــــــــــــــــا ..