يا راس حربه .. لا هنت

[فيصل الثبيتي]

مساكم الله بالخير ...

شفت اسمك مع الحضور

وودي ألعب معك .. من دون قصور فالجميع ...




يا مرحبا واهلين .. والشعر كحل العين=ويزين بين اثنين .. صافي على صافي

راس الحرايب صعد .. فالمنبر وفالبلد =يا ليت وانّه قعد .. صافي على صافي

[فيصل الثبيتي]

المعذرة من الجميع ...

ومن اخوي راس حربه ...

ما انتبهت للطاروق اللي ابدعه ابو نجر ...

اللي يشبه هالطاروق ... !

مير غنّه .. هم في ديرة وحنا بديرة ... :)

[أبو مرحبا]

مساكم الله بالخير ...

شفت اسمك مع الحضور

وودي ألعب معك .. من دون قصور فالجميع ...




يا مرحبا واهلين .. والشعر كحل العين=ويزين بين اثنين .. صافي على صافي

راس الحرايب صعد .. فالمنبر وفالبلد =يا ليت وانّه قعد .. صافي على صافي


يسلاااااااااااااااااام عليك يالثبيتي

ابشررررررررررر بالصفوووووووووووووووف

ولايهون راس حربه

|165| |165| |165| |165| |165| |165|

|191|

[الفراهيدي]

صح لسانك يافيصل


لاهنت على البدعه الجميل


وننتظر راس حربه

[خلف بن مرزوق]

...
..

مرحبا مليون يافيصل

وصح لسااانك

ويبدولي ان البيت الثاني يحتاج لحرفنتك:)


مووودتي

.

[حمد بن جوباح]

.
..

حياك الله يا فيصل
مشتاقين لك يا الغالي
واعذرني ما انتبهت للطاروق

واستلم ..

حيا الله الغالي ... ياللي على بالي = فالك على فالي ... صافي على صافي
دنياك دواره ... يا عمدة الحارة = لا تخطي الشاره ... صافي على صافي

[حمد بن جوباح]

.
..

حيا الله من شرفنا بتعليقه
ونورتم المتصفح يا الغالين
والصفوف يا جماعة الربع لا تطفي ناركم
|165|

[شيباني للأبد]

نعم نعم ... واصلووووا يالمبدعين وحنا متابعين..


وابشروووا بالصفووووف ...

وتحياتي

[فيصل الثبيتي]

ابقاك الله يا ابن العم ...

بشرني عنك ان شاء الله طيب ... ؟


خلووووووووووها


الله لو تدري .. وش يختلج صدري=من حب ومن قدري .. صافي على صافي

يالشاعر العملاق .. لا تدخل الاسواق=اخاف لو تنباق .. صافي على صافي

[حمد بن جوباح]

.
..

ابشرك .. بخير يا مال الخير

خلووووووووووووووها
قدرك على حله ... لا تقرب الزله = ثم ينقلب كله ... صافي على صافي
يا محسن الدبره ... خذ مني العبره = بالمال والخبره ... صافي على صافي

[حمد بن جوباح]

.
..

حيا الله شيباني للابد
والابداع هو متابعتك وحضورك
عليك بالصفوف ترا فيصل دمه حار يزعل بسرعه
:)

[فيصل الثبيتي]

ههههههههههههه

ما نزعل من الغالين .. والدعوة سواليف ومزوح

خلووووووووها



اللي يحب اليوم .. بين العرب مضلوم=والصدق : ما به لوم .. صافي على صافي

يا صاحب الخزنه .. والمال ممتحنه=قرّب لنا شحنه .. صافي على صافي

[حمد بن جوباح]

الا لازم نزعلك عشان بكره نراضيك وتتغلا علينا
هههههههههههههههههههههه

خلووووووووووها


عنتر يبا عبله ... والبنت تقرب له = والوقت ناشب له... صافي على صافي
المال في حقه ... في جله ودقه = مير امسك الرقه ... صافي على صافي

[فيصل الثبيتي]

انا قلت غالين ما هوب انت هههههههههههههه

بعدين تراني لا برطمت ومديت بوزي ما احد يقدر يراضيني

هههههههههههههههههههه

خلووووووووووووووووووووووووها




البنت غشّاشه .. تطلع على الشاشه=وتقلد الباشه .. صافي على صافي

المال غربلكم .. من يوم قربكم=حفّر مقابركم .. صافي على صافي



لا تباطاني انا طالع من النت عندي كم شغلة

وعقبها ابروح لمستور وحبيب فالحوية .. ابتعلم منهم واجي احشرك

ههههههههههههههههههههه

فمان الله

[حمد بن جوباح]

انت تحاول تستفزني بكلامك بس قاعد على قلبك
ههههههههههههههههههههه

خلوووووووها


العقل له وزنه ... في ضحكه وحزنه = يرحمتس يا مزنه ... صافي على صافي
الحبل شديته .. يوم انك ارخيته = والمال زكيته ... صافي على صافي

تروح وترجع بالسلامه
يمكن ارقد بدري الليله لا تباطاني
:)

[عبد الله القحطاني]

الله الله

واصلو يالنشاما


متابعين


وأنا في صف راس حربه من غير قصور في الشاعر الثبيتي



أخوكم
عز الرفيق

[فيصل الثبيتي]

هييييييييييييييييييييييه



في وسط ديرتنا .. نخبر خشيرتنا=ترفق بسيرتنا .. صافي على صافي


لا تقلب الجَرّة .. يا عاقل المرّة=وتضيع بالصرّة .. صافي على صافي

[حمد بن جوباح]

.
..

الله الله
استلـمممممم


اللي ظهر مستور ... دام العدو مدحور = بحبيب ومستور ... صافي على صافي
في كفة الميزان ... ما تقبل النقصان = يا طير ابن برمان ... صافي على صافي

[حمد بن جوباح]

.
..

عز الرفيق
حياك الله يا الغالي
متابعتكم تزيد المحاوره متعه
ووجودك في صفي ينومس طال عمرك

..
.

[فيصل الثبيتي]

لو ثارت الهيّة .. تكفيك جنيّة=وانا معي ميّة .. صافي على صافي

احسبك تفهمها .. واثرك تلقّمها=مير اقفلو فمها .. صافي على صافي

[حمد بن جوباح]

.
..

اعذرني على التاخير
عندي ضيوف
:)


بالصوت والصوره ... في مجلس الشوره = كلمتك مكسوره ... صافي على صافي
الطيب رايتنا ... والحق غايتنا = هذي حكايتنا ... صافي على صافي

صح لسانك يا القرم
انت الاستاذ وانا التلميذ
|194|

[فيصل الثبيتي]

خلووووووووووووها




اختامها ورده .. ياللي قرا ورده=في صدره وورده .. صافي على صافي


صح بدنك يا راس حربه

عز الله انك شاعر كبير ...

والعذر كان فالخاطر شي ...

تحياتي العاطرة ...

فيصل

[الايداء1]

,

,,,

صحلسنتكم

يافيصل وياراس حربه

طاروق يستحق الأشاده به

لأنه من شاعرين قديرين ,,

[عبد الله القحطاني]

صحت ألسنتكم

وبيض الله وجيهكم يالربع على المحاوره الطيبه



أستمتعنا فيها وتعلمنا


أخوكم
عزالرفيق

[حمد بن جوباح]

.
..

الاخ الشاعر / فيصل الثبيتي
المقصود من اللعب هو المزح وسعة الصدر
وما جاء منك الا كل علم(ن) غانم

لك مني كل الود ..

اخوكـ /

[حمد بن جوباح]

.
..

مشرفنا / الايداء1
صح بدنك يا شاعرنا القدير
ومرورك واشادتك وسام فخر على قلوبنا



اخوكـ /

[حمد بن جوباح]

.
..

الغالي / عز الرفيق
صح بدنك وكلك على متابعتك
ومشكور كل الشكر على مجاملتك
نتعلم منكم ونستفيد ... وتهمنا انتقاداتكم


لك مني كل الود ,,

اخوكـ /

[فيصل الثبيتي]

الشكر الجزيل لجميع من شاركنا

ومتابعة الجميع تشعرنا بالكثير الكثير

والشكر موصول للاستاذ خلف بن مرزوق ..الاخ القدير والشاعر الكبير

وايضا ً لاخي راس حربه .. ودمتم ذخر وفخر ...

فيصل

[مرزوق حمدان العتيبي]

...
.

فيصل ... وراس حربه ..
والابداع كله ...
واصلوا والحمدلله على السلامه يافيصل
نور المنتدى ...
...

[كاتب صحفي]

لك مني يفيصل الثبيتي تحيات
على ماقدمت من القصيد
واشكرك على ترتيب الابيات
ويليتك مره ثانيه تعيد
ليتك تقلط يمبرك السعات
علشان نسمع شعرك الجديد

[فيصل الثبيتي]

مديرنا .. مرزوق العتيبي

النور نورك طال عمرك .. ونور عتيبه

تواجدك يضفي الكثير ...

وحنا تلاميذك ...

لا هنت يا ابو محمد ...

فيصل

[فيصل الثبيتي]

ولك مني يا كاتب المنتدى اعطر باقات الورد

على حروفك التي اخجلت تواضعي

وما أنا إلى تلميذ لأساتذة هذا المنتدى الذي يكتظ

بكبار الشعراء ...

لا هنت على ردك ورفع المعنويات ...

تحياتي لك ...

فيصل