بن برقا
19-Jul-2006, 01:45 AM
السلام عليكم ورحمة الله وبركاته
كيف الحال ياربعي..
عساكم بخير..
ما أطول عليكم يالربع.. هذي قصيده ولها سالفه وهي إني كنت ساكن
فالأحساء مع شباب في شقه وكان أكثرهم زبارا -اللي مايعرف الزبارا الزبارا
هم ناس أجدادهم هاجروا من نجد إلى مدينة زبير في العراق ثم عاد عيالهم
وأحفادهم إلى المملكة العربية السعودية - المهم إن عاداتهم وعاداتنا تختلف .. وصدق اللي قال ((البدوي ما يعيش إلا مع بدوا))...
الزبده.. إني في يوم من الأيام كنت راجع من الأحساء إلى الدمام وطبعاً الزبارا
كانوا معي وفجأه دق علي رقم غريب ويوم رديت إلا المتصل أو بالأصح المتصلة
من الجنس الناعم... قلت لها الرقم غلط وصكيت السماعة لكن القلب خضر
ودار بيني وبين أخوياي نقاش حول البنت اللي دقت وقلت هالقصيده:
طاري طرالي على الطاره=ناصي ديار(ن) بها داري
الصبح لاشعت أنواره=مالي مع الحب مسياري
عزلت دربه ومشواره=يا ناس ماهوب مشواري
يا متصل غير الغاره=لاعاد تغزي على أفكاري
إن شيت أنا الزين أبختاره=من نسل الأقوام الأخياري
قالوا علاقة طهاره=صفوة نقا ما بها أكداري
مثل الذي بآخر الحاره=ماغير ينشد عن أخباري
قلت الرجل يا خذ أحذاره=ما ياقف بجرف ينهاري
بدايت النار شراره=والخاتمه لاهب الناري
قلبي بشبت مناره=في تلعة(ن) بين الأقفاري
ومعيه خوي(ن) عن إيساره=دله تبهر بالبهاري
الماء موزون بعياره=وزود(ن) على الهيل مسماري
يطرب لها كيف من داره=عنه بعيدات الأقطاري
في رفقة اللي له الشاره=بالطيب والعز والكاري
أقدره وأقبل أعذاره=ويعرف مقامي ومقداري
القرم يعرف من أخباره=ولو بالدراهم فأنا شاري
القرم لو تبعد أسفاره=فأنا على دربه الساري
مليت من خوة زباره=فالمرجله مالهم طاري
عفت الحساء عقب ما زاره=من الردا بايع وشاري
تبدل الوقت وأطواره=وبأكن في قلبي أسراري
وسلامتكم...
ولايزعلون مني الزبارا.. أنا اقصد الزبارا اللي سكنوا معي فقط لاغير
.
.
.
كيف الحال ياربعي..
عساكم بخير..
ما أطول عليكم يالربع.. هذي قصيده ولها سالفه وهي إني كنت ساكن
فالأحساء مع شباب في شقه وكان أكثرهم زبارا -اللي مايعرف الزبارا الزبارا
هم ناس أجدادهم هاجروا من نجد إلى مدينة زبير في العراق ثم عاد عيالهم
وأحفادهم إلى المملكة العربية السعودية - المهم إن عاداتهم وعاداتنا تختلف .. وصدق اللي قال ((البدوي ما يعيش إلا مع بدوا))...
الزبده.. إني في يوم من الأيام كنت راجع من الأحساء إلى الدمام وطبعاً الزبارا
كانوا معي وفجأه دق علي رقم غريب ويوم رديت إلا المتصل أو بالأصح المتصلة
من الجنس الناعم... قلت لها الرقم غلط وصكيت السماعة لكن القلب خضر
ودار بيني وبين أخوياي نقاش حول البنت اللي دقت وقلت هالقصيده:
طاري طرالي على الطاره=ناصي ديار(ن) بها داري
الصبح لاشعت أنواره=مالي مع الحب مسياري
عزلت دربه ومشواره=يا ناس ماهوب مشواري
يا متصل غير الغاره=لاعاد تغزي على أفكاري
إن شيت أنا الزين أبختاره=من نسل الأقوام الأخياري
قالوا علاقة طهاره=صفوة نقا ما بها أكداري
مثل الذي بآخر الحاره=ماغير ينشد عن أخباري
قلت الرجل يا خذ أحذاره=ما ياقف بجرف ينهاري
بدايت النار شراره=والخاتمه لاهب الناري
قلبي بشبت مناره=في تلعة(ن) بين الأقفاري
ومعيه خوي(ن) عن إيساره=دله تبهر بالبهاري
الماء موزون بعياره=وزود(ن) على الهيل مسماري
يطرب لها كيف من داره=عنه بعيدات الأقطاري
في رفقة اللي له الشاره=بالطيب والعز والكاري
أقدره وأقبل أعذاره=ويعرف مقامي ومقداري
القرم يعرف من أخباره=ولو بالدراهم فأنا شاري
القرم لو تبعد أسفاره=فأنا على دربه الساري
مليت من خوة زباره=فالمرجله مالهم طاري
عفت الحساء عقب ما زاره=من الردا بايع وشاري
تبدل الوقت وأطواره=وبأكن في قلبي أسراري
وسلامتكم...
ولايزعلون مني الزبارا.. أنا اقصد الزبارا اللي سكنوا معي فقط لاغير
.
.
.