سلام ردية تطير مع الطيور الطايرات

[سعود البرقاوي]

القريّب ياللحوات الغانمة

سلام ردية تطير مع الطيور الطايرات
........................... لها جناح ومخلبين وريش والمخرج ملي
اقولها من هاجس مرتاح ياهل الطايلات
.......................... من يشبك الاسلاك وسط الفيش ؟ والمخرج ملي

[طلال الثبيتي]

طيب طيب..

مبدأ كايف يالبرقاااوي..

وفي صفك دون مااعرف خصيمك..

[عز العرب]

يامرحبا من فارس ن يمشى على عز وثبات=وليا غزى يغزي بخيل وجيش والمخرج ملي

ياصاحبي ما طايرات الا وهن اموقعات= والعقل مايقبل كلام الطيش والمخرج ملي

[سعود البرقاوي]

راحت بك الايام ياعز العرب والحين جات
.................................... لكن دام الك البقا وتعيش والمخرج ملي
إن كان لك عقل ذهين وفطن ويحفظ الوصات
.................................. لاترتبش من نقطة التفتيش والمخرج ملي

[عز العرب]

قود المعاني يالعتيبي والسواير سايرات= وعتابه الهيلا خوال اقريش والمخرج ملي

الجدي وسهيل اليماني فوق راسك مرقبات= احذر يجي فالسالفه تشويش والمخرج ملي

[سعود البرقاوي]

تقول ياعتيبي ... أجل منته من اهل الموجبات ؟
......................... ما ينفعك لا ليه والا ليش والمخرج ملي
انا عيوني عاينت في عيونك انت الناعسات
...................... وفكرت أنا اسميك باسم عميش والمخرج ملي

[عز العرب]

ترى العقيمه ماتخلف لا عيال ولا بنات= واللي فقد يمناه ياكل بيش والمخرج ملي

ابا اطلب الله ياعرب والباقيات الصالحات= ياربعنا مشره على الدرويش والمخرج ملي

[سعود البرقاوي]

ياكبرها ياعبرها صارت علومك هينات
......................... لاتحسبنك معي تاكل عيش والمخرج ملي
خل السوالف راكده خل العلوم مصلحات
........................ وفكة ترى ياصاحبي مافيش والمخرج ملي

[عز العرب]

تفكون ياربعي عتابه يالسيوف المرهفات=الرجل اضنه ضاري ابخشيش والمخرج ملي

عز العرب راسي كما ترس الجبال الشامخات= ماهمه التهديد والتهويش والمخرج ملي