سفير الجذعان مطلوب

[صامل الغنامي]

ياشاعر الجذعان قرب ياسفير= يالدبلوماسي يالسفير المعتمد

حياك ربي في محلك وانت غير =لنك من الجذعان وافين العهد

[سلطان الحافي]

ياسلااااااااااااااااااااااااااااااااااااام

راااااااااااااااااائع

ياصامل

صح لسانك

وننتظر السفير

تحياااااااااااااتي

[سلطان الجـذع]

الله من علم طرالي فالضمير =من يوم شفت اسمك على الشاشه ورد
لا ياولد غنام واصل فالمسير=والطيب اللي عن لزومه مارقد

[صامل الغنامي]

اليا رمينا الطير والله مايطير= باذن الإله الواحد الفرد الصمد

انتم هل الطالات والسيف الشطير= وحباب ومناحي لهم كل شهد

[الأمــير]

شكرا على المحاوره والطاروق الجميل ياشباب




والى الامـــــــــــــــام

[صامل الغنامي]

سلطان الحافي// صح بدنك

بارك الله بك , شكراً أخي الكريم

مرورك أسعدنا 00 تحياتي

[صامل الغنامي]

ذيب الحنابج//صح بدنك

بارك الله بك , شكراً أخي الكريم

مرورك أسعدنا 00 تحياتي

[سلطان الجـذع]

اليا رميته عايش اليوم المرير=يبي يجيك الشر حبل ممسد
وانتم ونعم ان ولعت نار وسعير=حمايه الساقه محلله العقد

[سلطان الجـذع]

ذيب الحنابج ---وسلطان الحافي(شكرا لتواجدكم)


صامل الغنامي(اشهد بالله انك بحر)

[صامل الغنامي]

جاتك رساله عاجله عبر الأثير= مفادها يالله تحيي من وفد

ياشاعر الشعار يالبحر الغزير = سكر سموعك عن مزامير الحسد

[سلطان الجـذع]

اليا بغيت الشر ماحصلت خير=واليا بغيت الخير تبشر بالسعد
معك السلاح وحارب سليم ومطير=مع ملفي ومستور شيخان البلد

[صامل الغنامي]

هلت برد والسيل جايله هدير=وعيني تشوف البرق ووحيت الرعد

وانتم تهاوشتو على جال الغدير=أنته واخوك احمد وابن عمك حمد

[سلطان الجـذع]

سحابه هلت على واد الجرير=مالد فيها ناظري قبل وبعد
يوصيك للمسناد رجال خبير=مابغاك تقعد ياولد مع من قعد

[ذيب الشيباني]

ياسلام عليكم واصوا وحنا متابعين

[صامل الغنامي]

شفت العدو ياربعنا جاكم مغير=يبغا الجحيم اتشب في مذخر سعد

وانتم سفهتوه وقعد ماله شوير=ذيب وسفير أخوان صفا متحد

[طلال الثبيتي]

كلااااام كبير..

واصلواا ابداعكم..

[صامل الغنامي]

ذيب الشيباني // شكرا لمتابعتك

تواجدك تشريف لاعدمتك

تحياتي وتقديري

[صامل الغنامي]

ملك احساس//شكرا لمتابعتك

تواجدك تشريف لاعدمتك

تحياتي وتقديري

[سلطان الجـذع]

مدري على ايا درب يالطيب تسير=حدرت لك مع وادي مافيه احد
انا وذيب اخوان فاليوم الكبير=هذا الكلام اللي له الواقع سند

[طلال الثبيتي]

طيب طيب..



مدري على ايا درب يالطيب تسير حدرت لك مع وادي مافيـه احـد
انا وذيب اخوان فاليـوم الكبيـر هذا الكلام اللي لـه الواقـع سنـد


كفو انت وذيب
وصح لسانك

لكني في صف صاااامل

[صامل الغنامي]

كوميديا عادل إمام 0احمد بدير=نضحك عليها والصحافه تنتقد

اضرب مثل واثرك تحور وتستدير=في دائرتك المغلقه كرر واعد

[الطوفان]

صامل الغنامي: صح لسانك

سفير الجذعان: صح لسانك

تحياتي لكما

[الــوآفــي]

اقف احتراما لكلا الشاعرين



صحت السنتكم

[فهيد مقعد الرويس]

صامل الغنامي\\\سفير الجذعان

صحت السنتكم ياشعار

لعب يستحق التميز


تقديري للجميع

[طلال الثبيتي]

كوميديا عادل إمام 0احمـد بديـر نضحك عليها والصحافـه تنتقـد
اضرب مثل واثرك تحور وتستدير في دائرتك المغلقـه كـرر واعـد



صح لسااانك ياغناامي وترى الصف مازال مواصل من الباارح
والصفوووف الباقيه محملينها في باصااات وجايه من عفيف

[سلطان الجـذع]

خل النواقص يابحر مدري غدير=قدام لا ارد الجنازه فاللحد
كشفت لي سر مخباء وسط بير=لكن كفيت الطيور اعن الهدد

[طلال الثبيتي]

طيب طيب ..

خل النواقص يابحر مدري غدير قـدام لا ارد الجنـازه فاللحـد
كشفت لي سر مخباء وسط بير لكن كفيت الطيور اعـن الهـدد

[صامل الغنامي]

العلم مر اذنك وجايله صرير=اسمع دويه لاعطا الحزم الجلد

يانار شبي ف الترابي والبشير=تحاربو ا لكن ماجاهم مدد

[طلال الثبيتي]

طيب طيب..


كلاام كبير ومحاورة رائعة..

[صامل الغنامي]

ملك احساس// الصف عامر بوجودك لاعدمتك
سنايدي والله ياملك 0بس صفوف عفيف حاول
ترجعهم لو شافو سفير الجذعان بيروحون معه
لان شعبيته هناك اكثر وانا مايعرفوني انتبــــه
شكرا لتواصلك ياغالي000 تحياتي وتقديري

[صامل الغنامي]

الطوفان// هلا وغلا يابو عبد الرحمن

تواجدك يشرفنا لاعدمتك وصح بدنك

تحياتي وتقديري

[صامل الغنامي]

ذيبان//صح بدنك ولاهنت

تواجدك تشريف ياسمي الذيب

تحياتي وتقديري

[صامل الغنامي]

المبتدي // صح بدنك ولاهنت

تواجدك تشريف والتميز من صفاتك

تحياتي وتقديري

[سلطان الجـذع]

ملك احساس جيب صفوف ظلم حتئ تعادل الكفه
لان صفوف عفيف صفوفي



وعلى العموم متابعتك لما دار بيني وبين اخوي صامل شرف لي وله

اشكرك من كل قلبي وبيض الله وجهك

[سلطان الجـذع]

مافاتني والله قليل ولاكثير=ياصامل الوقفه ورئ عظمك برد
الفرق واضح بين الاول والاخير=بالكيف والا يابن عمي بالعدد

[صامل الغنامي]

اللعب معك أعظم شرف يااغلى وزير=ومنك نتعلم ياغظنفر ياأسد

وصلوا على طه المبشر والنذير=وكفارة المجلس قرائتها لابد

سفير الجذعان/بيض الله وجهك سعدت بمجارات شاعر عملاق بمستواك

واستفدت منه بلا شك سامحني لو حصل مني قصور غير متعمد

تحياتي وتقديري واحترامي لك يابن العم

أخــــــــــــــــــــــــــــــــــــــــــــــــ ـــــــــــــــوك

[طلال الثبيتي]

والله ابدااااع في ابداااع


صامل و سفيررر


حنا الي استفدنا من محاورتكم ماهوب انتم بس

وصفوووف عفيف وظلم وصفوووف الحجاز بعد جبناهااا لعيوونكم

[سلطان الجـذع]

بيض الله وجهك اخوي صامل
والشرف لي باللعب وصدقني اني معك مثل النقطه
فالبحر ولكن ينقصك التركد نوعا ما
والا انت شاعر كبير مافيها كلام
الم اقل لك

معك السلاح وحارب سليم ومطير =مع ملفي ومستور شيخان البلد
فهذا البيت يعتبر وصيه لك بخوض غمار الساحه لاني رايت فيك انك قد
المهمه


على العموم محاوره استفدنا منها لاني ارتحت للعب معك
وسوف نعيد الكره عن قريب






اخوي ملك احساس الف شكر
وبيض الله وجهك
صدقني ان كلامك يشرح الخاطر

ولولا متابعتك لمحاورتنا وتعليقك
على بيوتها
لما تحمسنا اكثر و ماوصلت ابياتها الى هذه القوه







تحياتي لكم

[خلف بن مرزوق]

...
..

محااااااااورة عماااالقة


استمتعنا بمتابعتهم


مووودتي

.

[صامل الغنامي]

خلف مرزوق// شكرا لمرورك التشريفي لاعدمتك

تحياتي وتقديري

[نواف العطاوي]

مشكوورين على المحاوره الرووعه

يا صامل الغنامي امش في الدرب وحنا معك والله يوفقك وتصير شاعر الغنانيم

حنى ما عندنا غير فالح نقاء وفهد طلق كمل المسيره والله يوفق بكره نشوفك مع حبيب ورشيد ومستور انشاء الله

[صامل الغنامي]

نواف العطاوي // العفو يابن العم تواجدك أسعدنا
شكرا لمرورك التشريفي والله لايهينك ياغالي
تحياتي واحترامي وتقديري

[الايداء1]

,

,,,,

عمالقة الشعر

سفير الجذعان

صامل الغنـــــــــــامي

أتحفتونا بمحاورتكم القيمه بلا شك

وقد يستفيد منها الكثير لأنها محاورة كبــــار

الى الأمام جميعكم وأنا أرى فيكم شعراء عتيبه

الكبار وسوف نسعد بأذن الله بكم قريبا في ساحات الشعر والشعراء ,