تكفون نبي ابيات شعريه من هذا الشاعر

[عتيبي بقعاء]

السلام عليكم

الي عنده ابيات شعريه للشاعر مرير بن حبيل العتيبي

انا اعرف لي كم بيت وهذولن ثلاث ابيات

الليله الي قمرها ساطع نوره ***** يضفي على الارض نور كانه الشاشي

ولو ما تعشى عشاي غير شابوره **** الخير من وجبت عند العرب حاشي

في مجلس للنشامى كثرة حضوره **** من بينهم ما توحى كلمة الواشي

[أبو مرحبا]

عتيبي بقعاء

لاتقول تكفى ياابن العم

ابشر باللي يجيب لك القصيد الرائع لشاعر مرير الحبيل


سوف اذكر قصيدة مرير اللي يتكلم عن الفتاة صاحبت (الكنود) التي تستخدمه لمغازلة الشـباب والأيقاع بهم



يابنت قلبــك يفعل العيب ما حــس=وان ما هــداه الله عسـى الله يحســـه

يكفــي غـزل للناس ياخــاينه بــس =خلي حــلالك قفـر لأحــد يعســــه

أبليس لك يابنـت في الشـــر وسـوس =تعــوذي بـالله لعلــه يخســــــه

الســتر لـه ثــوب مــن العـز يلبـس =وجســم الشــرف ما كل رجل يجســـه

عـار ونـار مذهـب البنـت يلمـس =وعـرض المـره ادنـاة شـيء يهســـه

يابنـت عرضــك بالمجـالـس يدنـس =حـدر النصـايب جعـل ربعـك تدســـه

ولا جـايك الا مثل ما قيـل واخـــس =واللـي شــرفها غـالي ما نمســــه

ياورع ياللي عنـدها بان لـك حـــس =قلبك على امـك يوم خـانتك نســــــه

امـك تغازل من ورى ابـوك بالــدس =والله مـن رجـــل تلــذذ بحســـــه

قله تـراخي الحبـل يحتـاج له مــس=وعلـم لأبـوك الحبـل لازم يمســـه

ولا يشـيل العـارلاعـاد يجلــس =في وســط بيت عـاش ما فيـه هســــه

قلـه يجـوز عن النجــس لا يتنجـس=ثـم يقلعـه ياليـن يقلـع مرســــه

ولا تلحقونـه مـن حسـايف ليـا طــس=عسـى العمى في نون عينه يطســـــه

[أبو مرحبا]

مرحبا ياابن العم


ابشر ابشر بكل شي


ذي قصيدة لشاعر مرير الحبيل جميلة عن السوق وما قد يعترض رواده من المواقف حيث قال:



يارجل عن عالم السوق صدي بي =الناس مالي لوزم في محارمها

أبعد عن المعصية والشك والريب =واكرم النفس مادام الله مكرمها

يكفيني اليوم عن عيب العرب عيبي =خوفي يجي فرصة للعين وأتهمها

والسوق فتنة ومجمع للرعابيبي =اللي بعضهم عدو الناس قاومها

[أبو مرحبا]

ذي قصيدة اخرى للشاعر مرير الحبيل

الوصف حيث قال في وصف الابل (المغاتير) من قصيدة طويلة:



اباصف وصوف اللي لها في الوصايف شان =وصوف هل المغاتير تغليها

طوال الخشوم اللي تعزوى بها الشجعان =سماح الوجيه اللي طوال لواحيها

طوال الرقاب من اللحم عظمها عريان =عراض الخدود اللي تفاهق في اذانيها

تطاول غواربها تجازل بها الذرعان =جلال العضود اللي صغار مواطيها

سناب وسنام منفهق والجنوب متان =تحارس وبرهن ليظلل ويدفيها

قصار الفقار فخوذها كنها بيبان =عسى نظرة من راعي العين تخطيها

[ابـن نـعـيـس]

لاهنت ياقحص



وبيض الله وجهك



تحياااااااااااااااااااااااااااااااتي

[أبو مرحبا]

ولانت ياابن نعيس

ربعنا يستاهلون

[شامان]

لاهنت يا قحص وبيّض الله وجهك ..

وأبوياسر شاعر معروف وقصايده جزله ..

تقبّل تحياتي ،، أخوكـ/ أبوشمروخ الحافي ......

[ابو براك]

تسلم ياقحص ولاهنت
وصح لسان الشاعر أبو ياسر
وتسلم يمينك على النقل
وأبغى قصيدته في الفكسار

[الشجيع]

ا
ل
ش
ج
ي
ع

[الشجيع]

وأشهد أن البر طب لأبو قلب عليل
والمرض فاللي جلس فالمكيف وازكمه

ابو ياسر-مرير الحبيل


مع تحيات - الشجيع

[@البراق@]

هذا بعض من ابيات الشاعر مرير الحبيل
يقوووووووول

راكب الي لا مشى الخط الطويل
لو مشى يومين ماجاب الملل
اسمحولي باصفه وصفن قليل
عقبي وصفي ياعسى دربه سهل
اقصد الفيكسار مقيره بديل
لعنبو من صنعه لين اكتمل


وسامحونا على القصور

مع تحيات اخوكم@ البراق@