الطـــارف ســديــد..

[طلال الثبيتي]

مجرد دردشه..



يامساء الخير يارجال اللزوم..
قلتها من ضميري والوريد..
التحية على الحاضر عموم..
قلتها دامني معكم جديد..

[خلف بن مرزوق]

...
..

ملك الاحساس


صح لسااانك وننتظر من يكمل الدردشة معك


متابعتي للابداع هنا


مودتي
.

[مشعل الحافي]

صح لسانك ملك تحساس بس ماتلاحظ ان عجز البيت الثاني فيه ثقل يعني لو خليتها


قلتها لك دامني معكم جديد

او

قلتها لكم دامني معكم جديد

كان تصير تمام ولا شرايك مجرد وجهة نظر وابداء رأي قابل لصواب وللخطا

[خلف بن مرزوق]

صح لسانك ملك تحساس بس ماتلاحظ ان عجز البيت الثاني فيه ثقل يعني لو خليتها


قلتها لك دامني معكم جديد

او

قلتها لكم دامني معكم جديد

كان تصير تمام ولا شرايك مجرد وجهة نظر وابداء رأي قابل لصواب وللخطا


عذرا اخوي رجم النوايف


البيتين موزونه 100%


والشطر الذي اتيت به يختلف عن لحن البيتين

مودتي

.

[صامل الغنامي]

مساء الخير
يامسا النور ياصقر تحوم= يكسر الحوم والماكر بعيد

أنت من وين ومن أي القروم=ياملك منك نبغا نستفيد

[مشعل الحافي]

الاخ خلف مرزوق انا ابديت وجهة نظر فقط وذكرت انها قابله للصواب وللخطا
قد اكون مخطي وقد اكون مصيب اذا كانت البيوت موزونه فكل الاعتذار لملك الاحساس

وجهة نظر فقط وتحياتي للجميع

[الــوآفــي]

صح لسانك يا ملك احساس



صح لسان صامل



متابعين يا الطيبين


ذيبان

[مشعل الحافي]

صح لسانك ياصامل الغنامي بس انا يوم رديت على ملك احساس ماشفت بيوتك
عموما صح لسانكم وواصلوا

[طلال الثبيتي]

ابو مرزوق .. رجم .. ذيباان

مشكوورين على مروركم

اخوي رجم يمكن انك ماعرفت اللحن بالضبط على العموم كلنا نخطي ومرحباابك


اماا انت يااخوي الصااامل فامرحبا بك ترحيب خاص
وصح لسانك ياكفوو
والمعذره على التأخير

[طلال الثبيتي]

استلم لا هنت..

مسلم لربي اصلي واصووم..
واحتمي ان طق حيد براس حيد..
شخص ماهو بشاري لايسوم..
لايجي السوق غير الي عنيد..

[صامل الغنامي]

استلم طال عمرك
كان ضيعت وسمك فالوسوم= أنشد الي يحفضون القصيد

المخاليق معطا ومحروم = وأنت وشكثر تملك من رصيد

[طلال الثبيتي]

صح لسااانك ياكابتن..

واسلتم يادكتور..


الجدي واضحآ بين النجوم
واضحآ حتى للشخص البليد
وانته اصبر عسى عمرك يدوم
واحمدالله رصيدي في مزيد

[صامل الغنامي]

استلم يامبراطور

الجدي نجم في كوكب يعوم = يطلع أيام وايام(ن)فقيد

ياحليلك لاربع ولاسلوم=حر تفعل بنفسك ماتريد

[خلف بن مرزوق]

...
..

كل الابداع في هذا المتصفح

واااصلواااا يامبدعين


.

[طلال الثبيتي]

استلم ياكنق..

طاح حظك ياجعله مايقووم..
تجحد القوم لو ماانت بجحيد..
يالعطاوي لاجاء وقت اللزوم..
تعرف ثبيت فاليوم الشديد..


وصح لسااانك ياصامل وبيض الله وجهك ولي الشررف باللعب معك ويعلم الله اني استمتعت بلعبي معك
واعتبرها بالنسبه لي حصه عند استااذ محاوره
تقبل تحياااااتي

والخااااتمه عندك يابرفسور

[طلال الثبيتي]

اخوي خلف بن مرزووق

الابداع هو مرورك
ولنا الشرف

[صامل الغنامي]

صح بدنك يابن العم وبيض الله وجهك والشرف لي بالإستمتاع بمجاراة عملاق بمستواك الراقي
شعرا وأخلاقا0أشكرك لمجاملتك ولسمو اخلاقك ولثقتك بنفسك وعسا الطيب من ربعنا وأنت الطيب
أكيد ومن ربعنا00 من المفترض أن المحاوره أنتهت لكن لأن البيت يحتوي على اعتذار وأخوكم أناني
شويه أسمحولي

حظنا مايطيح ولا ينوم=مير عذرا وعفوا علم أكيد

ليه ياجدناواصل العموم=ماتعزويت بالجد العقيد


تحياتي وتقديري واحترامي لمقامك المهيب وتصبح على خير

[طلال الثبيتي]

ووجهك ياالذيب

ومايحتاج معاذير

[صامل الغنامي]

الأخوان // خلف مرزوق 00 رجم النوايف00 ذيبان

صحت ابدانكم والله لايهينكم شرفتونا بمروركم

تحياتي وتقديري للكل

[الأمــير]

شكرا على المحاوره والطاروق الجميل ياشباب




والى الامـــــــــــــــام