لاسلام ولاتحيه للرجاجيل الرخومي

[نايف المطيري]

لاسلام ولاتحيه للرجاجيل الرخومي
0000000000000000000قلتها من خاطري يالربع والنيه مطيه
قوم يالنشمي وصلك العلم والصقاريومي
0000000000000000للصقورالي على الشاشه يبون الشاذليه

[فيصل القثامي]

النشمي وينك وينك ياولد عتيبه .

نبى ندرس امطير .

واللي مايعرف الطير يشويه يالمطاري .

القثامي

[نايف المطيري]

هلايافيصل حياك الله امسك صف النشمي
واليوم الشوي جايز لكل شيء!!!

[خلف بن مرزوق]

...
..

نايف المطيري


بدااااية ساخنة


ننتظر العملاق النشمي بشووووق


موووووووودتي
.

[علي الثبيتي]

ياعتابه مانرحب غار برجال ن قرومي= واقصره عن كل رخمه مايعرف المنقديه

يالمطاري هات علمك ويش عندك من علومي=اشرح اعلومك لنا حسب الحروف الابجديه

[أبن مسلم]

النشمي


صح لسانك

أنت ونايف المطيري



تحياتي

[نايف المطيري]

صحيح يالنشمي.. رد وافي مافيه كلام..

كان شاعرياطويل العمروتسد اللزومي
0000000000دون ربعك احبك السبحه ولاتزعل عليه

انت في الطايف متكي لادفاع ولاهجومي
00000000000ماتعديت الحجاز ولاوصلت اليا الحويه

المشاركين شكرا لكم جميعا وامسكوااالصفوف مع النشمي..

[فيصل القثامي]

النشمي ابشر بالصفوووووووووووووووووووف الصفوووووووووووووف

صح لسانك يالنشمي وانت يانايف .

ابداااع واصلو واصلوا .


تحياتي واشواقي .

فيصل القثامي

[طلال الثبيتي]

الله الله..


وسرى ليلكم ياشعااار..

وفي صف النشمي..

[علي الثبيتي]

طيع شوري يالمطاري لاتعرض لسهومي= وان عصيت الشور يانايف ترى الذمه بريه

في محلي وانت غرتك الهقاوي والحلومي=ضعت مابين القبايل لا هناك ولا هنيه

[علي الثبيتي]

الاخوان


فيصل القثامي

خلف مرزوق

ابن مسلم

ملك احساس

صحت ابدانكم وحياكم الله

ومتابعتكم المستمره من طيبكم

والله يكثر من امثالكم

[خلف بن مرزوق]

...
..

الله الله عليكم


مبدعين لله دركما


واااصلوووو

[نايف المطيري]

الزمان الي حدى الهيلايشدون العزومي
000000000000ما عينالك عزم معهم ولالك نارحيه

والوكاد انك تذرى عن عطيبات الثلومي
0000000من بني حارث الى شقصان لين اشراف ليه

[علي الثبيتي]

بعد هذي بين ربعك ماتسترك الهدومي= كلنا في منتدي الهيلا نبا نرفع قضيه

اذكروا فعل الرجال اللي على القبا القحومي= واذكروا راعي جلومد واذكروا راع العبيه

[نايف المطيري]

يالثبيتي مالكم تاريخ في ماضي السلومي
00000000000استريح وذرحبك واحصده صبح وعشيه

لاتحاول ترتقي وتصير مع صف النجومي
000000000حالف الحرث وخلك بين شمس وبين فيه

[علي الثبيتي]

الثبيتي مايضيع قسمته بين القسومي= قاد روق وصخر المطران وعزومه قويه

يوم سلطان البعير عافه القلب الرحومي= امنعه ولد العطاوي قدر مجلي الثنيه

[نايف المطيري]

لاتزيف للحقايق وانت ماتقدرتقومي
0000000000000ترتجف وسط المراح وتحتمي وسط الحنيه

انكسرعباس والباقين ضاعوافي الحزومي
0000000000000000من شبال امطيروالتاريخ يثبت كل هيه

[أبو نجر النفيعي]

صح اسانكم يالشعار

وواصلووووووو ونحن متااااااااابعين

[نايف المطيري]

صح بدنك ... وحياك الله يابونجر

[عتيبي بقعاء]

صح لسانك يالمطيري عز الله خوش ابيات

[علي الثبيتي]

انت قدام الثبيتي خاسر الحرب امهزومي= يشهد التاريخ في وقعت طلال العالميه

لو ماساد الامن والشعب حاكم ومحكومي= ربعي اعتابه يذكونك سوات البربريه

[نايف المطيري]

لاتمدح وانت في الطائف بعيد عن السمومي
000000000000000000000000اسال العتبان عن يومن جرى في الحرمليه

لوانادي في الكويت تجاوب اطراف الجمومي
00000000000000000000000000والدول تعرف مطير من العصور الاوليه

عتيبي بقعا شكرخاص

[علي الثبيتي]

حاشكم فارس من العتبان عفار الخشومي= وانت ماتصمد مع العتبان في الحرب اضحويه

نزحو قحطان والمطران وشيوخ البقومي= نزحوهم بالقنا والسيف عن نجد العذيه

[نايف المطيري]

الحقيقه ثابته عندي تراك اضعف خصومي
00000000000000لوتحاول تدعي وتسلي النفس الشقيه

والكلام الي اقوله صدق ثابت ومحسومي
00000000000000حاسمينه بالسيوف الي تسكت كل عيه

[علي الثبيتي]

انت جاهل بالحقايق مار ريح ومخدومي= منت جايب من وراها لاكثير ولابليه

السلات احرم مطير النوم والله ماتنومي= وابن صلما من ثبيت اهل الفعايل والحميه

[نايف المطيري]

مانقول الاكلام الصدق والكذب معدومي
0000000000000لوتدربيها بحجم المملكه والفيصليه

الك يالنشمي هدية ضب في حبل مخطومي
000000000000اصلخه ثم اطبخه واعزم عليه الاجوديه

النشمي ماقصرت والخاتمه من عندك.

[مرزوق حمدان العتيبي]

...

ابداع ثم ابداع يابو فهد
لله درك
ولا يهون نايف ...

صحت السنتكم .....

[علي الثبيتي]

الجبل سنجار مايهتز من صوت اللغومي= ودي اعرف وش سبب مقلعك ياهضبة طميه

الك من عندي جمل يهدر وفي طبعه زحومي= حب راسه وركبه وانزل وتركبه الصبيه

[علي الثبيتي]

من ابو محمد ارحب مليون واجازه سعيدة

الاببداع متابعتك المستمره يا استاذ مرزوق وهذا دليل على حبك لقبيلة عتيبه الهيلا

نتمنا لك التوفيق في حلك وترحالك وترجع بالسلامه سالم غانم

ودي وتقديري

[سعد بن مطلق المقاطي]

النشمي صح لسانك وبيض الله وجهك
ماقصرت ولايهون نايف المحاوره الطيبه
تحياتي

[.@.صقر عتيبه.@.]

الله


الله

بيض

الله وجيكم الليل الليل يالررررررربع

[الأمــير]

شكرا على المحاوره والطاروق الجميل ياشباب




والى الامـــــــــــــــام

[عز العرب]

انت جاهل بالحقايق مار ريح ومخدومي= منت جايب من وراها لاكثير ولابليه

السلات احرم مطير النوم والله ماتنومي= وابن صلما من ثبيت اهل الفعايل والحميه
صح لسانك مليون يابوفهد ولا يهون نايف

واسجل اعجابي بقوة الرد على المطاري
لله درك يالنشمي
صراحه اعجبتني هذي المحاوره
ودي

[سعود العصيمي]

ما أقول غير بيض الله وجهك وطول الله في عمرك يالثبيتي على إبداعك في الرد على الشاعر
نايف المطيري بكل قوة لاهنت يابو فهـد
ولايهون الشاعر نايف المطيري وصحّت السنتكم . محاورة تتمير بالحماس والفتل والنقض.

اخوك ابوطــــــــايل / سعود العصيمي

[مرزوق حمدان العتيبي]

بعد هذي بين ربعك ماتستـرك الهدومـي
كلنا في منتدي الهيلا نبـا نرفـع قضيـه

:) :)
تراك حول الحروه .... ههههه

المهـــــــــــــــــم وهو الاهــــــــــم ......
....
.

بعد هذي وشتباني اقول يابو فهد ...
اشهد شهاده حق ماجابها زور انك ابدعت بكل ماتعنيه كلمة ابداع
...
فلله درك من بطل... وشاعر الله يكون بعون خصمك ....
ولا يفوتني ان اشيد بالمطيري
صحت السنتكم والله يعطيكم العافيه ..
......

[ابو لمار]

صح لسانك يانايف المطيري


وصح لسانك يالنشمي


والله مبدعين الى مالا نهايه


ومحاوره رائعه بل اكثر من رائعه


لاهنتم على هذا الابداع


والابداع ليس مستغرب من اهله


تحيااااااااااااااااااااااااااااااااااتي

[عمرالروقي]

المطيري
صح لسانك
ولاهنت
على المحاوره الجميله
0000000000
النشمي
صح لسانك يبن العم
ابدعت في الرد ثم ابدعت ثم ابدعت
لاهنت
0
ننتظر محاورات جديده بهذا الشموخ
000
وتراك يالمطيري ظلمت حظك وظلمت ثبيت
00000
لاهان كل من تابع ولاهنتم جميع
00000000000000000000000000

[عاشق المخايل]

صح لسانكم . . عز الله انها جزله

[علي الثبيتي]

النشمي صح لسانك وبيض الله وجهك
ماقصرت ولايهون نايف المحاوره الطيبه
تحياتي


صج بدنك ياسعد وجهك ابيض

الطيب وجودك ومتابعتك المستمره يالغالي

[طلال الثبيتي]

الــنـــشـــمـــي مازلت تواصل ابداااعك

يااخي انت انسان تعجبني محاوراتك

وصح لسانك

وصح لسانك يالمطيري
والله لايهينك

[الصبر جميل]

|165| |165| |165| |165|
|165| |165| |165|
|165| |165|
|165|

شد حيلك يانشمي وشد حيلك ينايف

معركة قويه وانا في صف نايف نجم المنتدى ولايهون النشمي

[فهيد الايدا المورقي]

يعطيكم العافيه على هالمحاوره الرائعه وهالطاروق الجميل
تحياتي

[علي الثبيتي]

الله


الله

بيض

الله وجيكم الليل الليل يالررررررربع وجهك ابيض ياصقر عتيبه

والله يعطيك العافيه

[أبو نجر النفيعي]

صح السنتكم

النشمي اشهد انك مبدع يالغالي
ومهما اقوول ستبقى شهادتي فيك مجروووحه
....
انت ورا ما تطلع على السااحه مثل الشعاار الثانين تراهم مهوب اطيب منك

لاهنت

[علي الثبيتي]

شكرا على المحاوره والطاروق الجميل ياشباب




والى الامـــــــــــــــام

حياك الله ياذيب والجميل مرورك ومتابعتك المستمره

[كاتب صحفي]

الشكر موصول لمطيري والنشمييييييييييييييييييييييييييييييييييييي

[علي الثبيتي]

صح لسانك مليون يابوفهد ولا يهون نايف

واسجل اعجابي بقوة الرد على المطاري
لله درك يالنشمي
صراحه اعجبتني هذي المحاوره
ودي صح بدنك يالغالي

[صادق الوعد]

محاورتين قويه واعتقد انها اقوى المحاورات في المنتدي

بدون قصور في باقي الشعارء

[بعيـد الهقاوي]

معرفات محاوره ومعرفات تطبيل والسوق مدحدر:)

[المورقي111]

ايو الله انك صادق يابعيد الهقاوي

وراها ماتفلق ها الصفحه اللي كل شوي طالعه من تحت الركام

[علي الثبيتي]

ما أقول غير بيض الله وجهك وطول الله في عمرك يالثبيتي على إبداعك في الرد على الشاعر
نايف المطيري بكل قوة لاهنت يابو فهـد
ولايهون الشاعر نايف المطيري وصحّت السنتكم . محاورة تتمير بالحماس والفتل والنقض.

اخوك ابوطــــــــايل / سعود العصيميوجهك ابيض يابوطايل وبارك الله فيك ياسعود

ولابداع انتم هله

اخوك ابوفهد