تسجيل الدخول

مشاهدة النسخة كاملة : ْ%% نايف المطيري مطلوب %%

مقعد الدغيلبي
30-Jun-2006, 04:43 PM
أقرب ياشاعر حمران النوظر نبا نتعلم معك


مرحبا في مرحبا والطيب فالهيلا مقره=مرحبا ترحيبت(ن) تبقى على طول الزماني
يالمطيري جر صوتك بعد ماجيناك جره=واحسبوها بالدقائق واحسبوها بالثواني
ذياب
30-Jun-2006, 04:52 PM
أقرب ياشاعر حمران النوظر نبا نتعلم معك


مرحبا في مرحبا والطيب فالهيلا مقره=مرحبا ترحيبت(ن) تبقى على طول الزماني
يالمطيري جر صوتك بعد ماجيناك جره=واحسبوها بالدقائق واحسبوها بالثواني




كفو يامقعد والجزاله عاده لك

وعتابه في صفك

ولا يهون المطيري

الليل الليل

|165| |165| |165| |165| |165| |165|
|191|
الأمــير
30-Jun-2006, 04:56 PM
مافهمت شي ؟؟؟؟
مقعد الدغيلبي
30-Jun-2006, 04:57 PM
أرحب
بالشاعر الكبير
والاستاااااااااذ
ذياااااااااااااب
هلا وغــــــــلا
والجزاله تكتمل
بوجودك يابن العم
لاكن خلك قريب
يمكن يجي فالعلوم
علــــــــــــوم
لك مودتي
وخاااااااالص تحياتي
مقعد الدغيلبي
30-Jun-2006, 04:59 PM
هههههههههههههه
ذيب الحنابج
ارحب
وشلون مافهتمت
شــــــــــــــــــــي
أقين =وضح
الوليد العتيبي
30-Jun-2006, 05:08 PM
ابو فيصل يعطيك الف عافيه

وفي إنتظار نايف المطيري

يابوفيصل هد شوي شوي ترا

الرجال ضيف علينا ولا نبيه

يزعل وصف ازهله طال عمرك
نايف المطيري
30-Jun-2006, 05:12 PM
البقاءثم البقاء والطيب للخاطرمسره
0000000000والمكان الزين يبقى زين ياذرب اللساني
يالعتيبي خلها بيني وبينك مستمره
0000000000000لاتنقص وقتها والعمريارجال فاني

شكرا لجميع المشاركين
(( المقاطي ))
30-Jun-2006, 05:13 PM
مقعد صح السانك مليون

جزل

والصف عامر باهله
الأمــير
30-Jun-2006, 05:17 PM
هههههههههههههه
ذيب الحنابج
ارحب
وشلون مافهتمت
شــــــــــــــــــــي
أقين =وضح


من هو المطيري ومتى طلب امنيا
مقعد الدغيلبي
30-Jun-2006, 05:43 PM
هلا يانايف وصح اللسانك وسسسستلم


ظيفنا يبقى معزز والظرر للي يضره=مابغيتك مار سلمي دون ظيفاني حداني
من يجيبلنا الحقايق ياعرب لله دره=والحقائق ماتزعل فالزمن يامودماني
مقعد الدغيلبي
30-Jun-2006, 05:51 PM
الوليد العتيبي
ارحب وابك والله
نترحب والظيف يبشر
بالعلوم الطيبه وهو من أهلها
*******************
المقاااااااااطي
هلا وغلا
يابن العم
******************
ذيب الحنابج
مافيه شي طال عمرك
والمطيري شاعر والطاروق
توه مبتدي بيني وبينه وامسك
الصف ياذيــــــــــــــــــــــــــب
ربح السبيعي
30-Jun-2006, 05:52 PM
هلا يانايف وصح اللسانك وسسسستلم


ظيفنا يبقى معزز والظرر للي يضره=مابغيتك مار سلمي دون ظيفاني حداني
من يجيبلنا الحقايق ياعرب لله دره=والحقائق ماتزعل فالزمن يامودماني


صح والله لسانك يامقعد
(( المقاطي ))
30-Jun-2006, 05:58 PM
ظيفنا يبقى معزز والظرر للي يضـره *** مابغيتك مار سلمي دون ظيفاني حداني
من يجيبلنا الحقايـق ياعـرب لله دره *** والحقائق ماتزعل فالزمن يامودمانـي


الله واكبر عليك يا مقعد

عز الله انك جامعها طيب ومرجلة مع جزلة شعر وقوة معاني


صح السانك يابن العم مليار ولا تكفي



(( المقاطي ))

.
نايف المطيري
30-Jun-2006, 05:59 PM
كلنا ضيفان عندك والخبر معروف سره
0000000000من يجيب اخبارغيرالصدق يبقي ظيف ثاني

كان الك لظيف فزعه مربيت البدوامره
000000000وسكت الجاهل عن العاقل مادام العلم باني
مقعد الدغيلبي
30-Jun-2006, 06:15 PM
مرحبابك أنت والسبيعي
والدعوى لعب ووناسه والزعل
بعيـــــــــــــــــــــد وسسسسسسستلم

المطاري ياعتيبه يصطفق ويسوق شره=وان قربته مايداني وان لمسته مايداني
نادوا المري ترى المري يطلع كل جرّه=عندكم جرّه غريبه لاحمار ولا حصاني
مقعد الدغيلبي
30-Jun-2006, 06:17 PM
ربح السبيعي
صح بدنك
مرورك يشرفنا
طال عمرك
مشكوووور
مقعد الدغيلبي
30-Jun-2006, 06:20 PM
المقااااااطي
هههههههههههه
صح بدنك ولاتطيرنا
فالعجه وتوهقنا مع الشعار
ترانا تونا نتعلم طال عمرك
علعموم تشجيعك ومتابعتك
يابن العم يمنحنا الثقه فالنفس
ولاهنت /////تحياااااااتي
نايف المطيري
30-Jun-2006, 06:39 PM
العتيبي ياجماعه تاه في وسط المجره
000000000000000وان وصلته مايباني وان قربته مايباني

ليش يامقعد تزوغ عن العلوم المستقره
000000000000بعدما قلتلك شوف العلم في ذاك المكاني
مقعد الدغيلبي
30-Jun-2006, 07:07 PM
طيب*طيب* أسسسستلم


العتيبي ماش علمٍ يابيض الشارب يغره=وانت دافع دون حالك فالزمان القلباني
بعد ماجتك الرساله ألتبس ثوبك وزره=استهلت فوق راسك واستضاقبك المكاني
مقعد الدغيلبي
30-Jun-2006, 07:08 PM
بع أذنك
الصلاه يانايف
معنا نبا نصلي
ونكمل الطاروق
مقعد الدغيلبي
30-Jun-2006, 07:23 PM
آسف
يانايف (المكاني)
ساريه من عندك
لاكن ماعاد يمديني أغيرها
ههههههههههههه
لاتحسبها علي
نايف المطيري
30-Jun-2006, 07:32 PM
حجتي فوقك قويه ثابته عشرين مره
000000000000والسوالف ياعريب الجد تثبتها المعاني

لاتحاول تبتعد والحقد في قلبك تصره
000000000000ساو بين اظيوفك الي وسط دارك يافلاني
مقعد الدغيلبي
30-Jun-2006, 08:01 PM
أسسسسسسسسستلم


الكلام اللي تقوله مختلط حلوه بمره=وسمها بأعلى جبينك والعشر راحت ثماني
مانشيل الحقد يانايف وبدري للتشره=والزمان اللي وطاكم يالمطاري ماوطاني
نايف المطيري
30-Jun-2006, 08:19 PM
كان غرك دربها ثوبك علاك ولاتقره
00000000000جاك علم وراح علم وكلنا ربع وعواني

والسفينه درهمت مافوقها مثقال ذره
00000000000دام نطلت الحمول ودام تركت العناني
مقعد الدغيلبي
30-Jun-2006, 08:42 PM
والله أني ماضيعت يانايف
لاكن من لقاله حيله يحتالها
والليل بيني وبينك وسسسستلم


أستوى الطاروق والمعنى على راسك نفره=ياعريضين المتون وياطويلين الاذاني
المغطى بان والسارق نثر ملحه وبره=وانت واشكالك لك الله ماتزعزع في كياني
نايف المطيري
30-Jun-2006, 08:52 PM
استوى الطاروق والمخطي على السكه نعره
000000000000لو وسط دغيبجه والاعلى اطراف المحاني

ياعميل الخيرماعندي لكم خيرومبره
00000000000غيرتكحيل العيون وغير ضرب الجبخاني
الطيار..
30-Jun-2006, 08:58 PM
استوى الطاروق والمخطي على السكه نعره
000000000000لو وسط دغيبجه والاعلى اطراف المحاني

ياعميل الخيرماعندي لكم خيرومبره
00000000000غيرتكحيل العيون وغير ضرب الجبخاني



صح لسانك يانايف المطيري

هاذا الكلام ولا بلاش

انا في صفك ولايهون مقعد

دمت بخير
مقعد الدغيلبي
30-Jun-2006, 09:10 PM
ههههههههه
أهب لاعاد ليلك وستلم


فيك من طبع الحصين ولاورى مثلي مسره=يامدّور للحناني ماورى مقعد حناني
أخت مره راحت بخمسه وجاتك بخت مره=شايله في حثلها حيه وداب وعقرباني
نايف المطيري
30-Jun-2006, 09:35 PM
يالعتيبي منت لاعاقل ولافي الراس قره
000000000000دام قمت تجيبها سوات ذاك الببهاني

ياعتيبه افزعوا لبعيركم الوقت كره
00000000000ضاع مابين البيوت وطاح مابين السواني

الطيارشكرا لمرورك ..تحياتي
(( المقاطي ))
30-Jun-2006, 09:45 PM
ما زلنا متابعين للابداع

وصحت السنتكم يالشعار

كبير يا مقعد كما عهدناك

وترنا ما زلنا في الصف يالقرم
مقعد الدغيلبي
30-Jun-2006, 09:57 PM
سامحك الله وستلم


أختلف مخ المطاري ضاقبه بحره وبره=والقضيه واضحه ماعاد تبغى ترجماني
أم ظرفين أمرحت والوقت بيّح كل سره=والغبي لامن رسب ممكن يجيله دوّر ثاني
ذياب
30-Jun-2006, 10:03 PM
ههههههههه
أهب لاعاد ليلك وستلم


فيك من طبع الحصين ولاورى مثلي مسره=يامدّور للحناني ماورى مقعد حناني
أخت مره راحت بخمسه وجاتك بخت مره=شايله في حثلها حيه وداب وعقرباني


هههههههههههههه

|189|يامدّور للحناني ماورى مقعد حناني |189|

لا والله ألا الموت الحمر يامقعد|189|

أسر والصف عامر يالذيب

|165| |165| |165| |165| |165|
|191|
نايف المطيري
30-Jun-2006, 10:04 PM
مالقينا في دروبك شيءللعالم نقره
000000000وانت اعلم وش وراك وش خلافك من هواني
الغشيم الي بناله بيت طين بجنب حره
00000000000مايبا يسلم سموم القيض لوجرالغناني
مقعد الدغيلبي
30-Jun-2006, 10:34 PM
أسسسسسسسستلم


سمنا الفتاك ينهي نملة الوادي وذره=ولا وراي الا سهوم الموت يافرخ السماني
الغشيم اللي بناله صندقه والماء تخره=علمها في كف رايس وانشره كوفي عناني
مقعد الدغيلبي
30-Jun-2006, 11:03 PM
التغطيه
عندك يانايف
واتشرف أني
لعبت مع شاعر
عنيف بحجمك
وانا والله أني
مرتبط في موعد مع
رياجيل شرواك
واستاذنك والعذر
والسموحه وتراك
مسااااااااااامح
يالمطاااااااااااري
ولنا لقى أنشالله
والشكر موصول
للي شجعنا وكان متابع
معنا*** تحياااااااااااتي
للجـــــــــــــــــــــــميع
مطرح البعارين
30-Jun-2006, 11:19 PM
محاورة راااااائعه

شكراً لكم
نايف المطيري
01-Jul-2006, 05:59 PM
روح يامقعد وسامحك الله...وشكرا ولنالقاءانشالله.
تحياتي لك ولمن شاركنا..وسامح الله الجميع
خلف بن مرزوق
02-Jul-2006, 02:15 AM
...
..

الاستاذ : مقعد الدغيلبي

صح الساااانك ودمت منبعا للابداع


الشاعر : نايف المطيري


صح لسااانك ولااااااااااهنت


دمت بهذه الجزاله والاخلاق العالية


مودتي

.,
مقعد الدغيلبي
02-Jul-2006, 03:30 PM
مطرح البعارين
حياك الله
مرورك شرف
يالذيــــــــــــــــب
تحياااااااااااااتي
مقعد الدغيلبي
07-Jul-2006, 06:17 PM
خلف مرزوق
أبيض وجه يابو مرزوق
لاهنت على المرور
شرفتنا بمتابعتك
الأمــير
12-Jul-2006, 04:46 PM
شكرا على المحاوره والطاروق الجميل ياشباب




والى الامـــــــــــــــام
مقعد الدغيلبي
24-Jul-2006, 12:49 AM
أرررحب
يالمقاطي
والصف عامر بوجودك
لاخلا ولاعــــــــــــدم
لك موووووووووودتي
عبدلله بن شلاح
25-Jul-2006, 04:19 AM
صح لسانك يابن العم نايف المطيري كفيت ووفيت ولاهان الدغيلبي
مقعد الدغيلبي
10-Oct-2006, 06:51 PM
المقاطي
صح بدنك
وشهادتك
وسام على صدري
عاشق المخايل
11-Oct-2006, 03:54 AM
صح لسانكم

عز الله مااقصرتم
سعود العصيمي
13-Oct-2006, 08:02 PM
صح السانك يابو فيصل على هذه المحاورة الطيبة