المسيره طويله [الأرشيف] - الهيـــــــــــــلا *** منتدى قبيلة عتيبة

الطيار..

29-Jun-2006, 04:43 PM

السلام عليكم ورحمة الله

واستلمو يالشعار

في بداية كلامي
جيت ارد السلامي
عدوبل الغمامي
والمسيره طويله

سلام رديه من الطيار= يبديبها ويعز جانبها

تظفي على الحضار والشعار= واهل المناصب في مناصبها

ذياب

29-Jun-2006, 06:04 PM

وعليكم السلام والاحترام

مرحبا وأنت طيب=مير خلك قريب

ذيب ما تنتعيب=والمسافه طويله

يامرحبا وأبشر ببن أبهار =والسابقه تطلع براكبها

في حلت أهل الطيب وأهل الكار=تعرف تجاربك وتجاربها

ربح السبيعي

29-Jun-2006, 06:14 PM

الطيار وذياب

صحت السنتكم

واصلو وانا متابعين

الطيار..

29-Jun-2006, 06:34 PM

نكسب الطيب كله
وانته دربه تدله
مير حذرا تزله
والمسيره طويله

ابك البقا يالفارس البيطار= والطيبه من حظ صاحبها

ماذمكم لاجوكم الزوار= تعطون للزوار واجبها

ذياب

29-Jun-2006, 06:48 PM

طيبكم فوق حده=يوم كل(ن) بمده

مثلكم مثل جده=والمسافه طويله

سر السوالف من يمين أيسار=واللي ماتصلح لك تجنبها

على الوفا حنا طوال أشبار=واللي معه نيه لا يقلبها

الطيار..

29-Jun-2006, 07:03 PM

جيت اهني وابارك
قايد أم المعارك
جمركوه الجمارك
والمسافه طويله

من ساحل البصره ليا الانبار= بين العرب شبت شبايبها

اناعطيتك موجز الاخبار= افطن ونفسك لاتعذبها

ذياب

29-Jun-2006, 07:16 PM

وأنت قايد قبيله=شالها في شليله

يعتزي بالجليله=والمسافه قريبه

أن ولعت بين النشاما نار=تحماك قحطان بمخالبها

وحده بوحده والوفا ياجار=والارض لا تامن عقاربها

الطيار..

29-Jun-2006, 07:34 PM

في الحديده وصنعا
اكثر الناس قنعا
فى ذرى اخوان منعا
والمسيره طويله

لو سد مأرب ياولد ينهار=اهل اليمن جفت مشاربها

مادام حلت زيجة المسيار= جوها رياجيل بشواربها

ذياب

29-Jun-2006, 07:54 PM

مانت غاوي طريقي=هرج ماهو حقيقي

مانشف منه ريقي=والمسافه طويله

الناس تعرف خافي الاسرار=يا وصيفر العرقوب راقبها

الارنب اللي تعشق الاسفار=حنا عشانا فوق غاربها

حمد بن جوباح

29-Jun-2006, 08:34 PM

.
..

الله الله
ابداع ابداع منكم
الطيار.. + صقيقي ذياب
صحت السنتكم وانا مزهب لكم القهوه
مير الصفوف مالي دخل فيها حلزي الليله معطوب
|179|

متااااااااااااااابع ..

.
.
.

اخوكمـ ,,

الطيار..

29-Jun-2006, 08:54 PM

ماغويت الحقايق
مع جميع الطرايق
مار مانت برايق
والمسيره طويله

الناس تهوى الطبل والمزمار=ماني امفتش في مذاهبها

وانته وصلك الكوكب السيار= خل الارانب في خناتبها

الطيار..

29-Jun-2006, 08:56 PM

ربح السبيعي

صح بدنك
وشكرا على مرورك

الطيار..

29-Jun-2006, 08:58 PM

راس حربه

صح وبدنك وحياك الله

شاكرين مرورك

ناصر الدغيلبي

29-Jun-2006, 09:26 PM

السلام عليكم ورحمة الله وبركاته صح لسانك يا ذياب ابداع دائم الليل يا ذياب وازهل الصف

ذياب

29-Jun-2006, 09:35 PM

أنت طيار وقع =علم ما ينترقع

ليش ثوبك مبقع=والمسافه طويله

الناس من ماض الزمان أكبار=أحرار في عالي مراقبها

ماشفت غير أطوير وقع طار=حرام بندقنا نزهبها

ذياب

29-Jun-2006, 09:38 PM

ربح السبيعي & راس حربه & ناصر الدغيلبي

حضوركم شرف لنا يالغالين

أخوكم / ذياب

خلف بن مرزوق

29-Jun-2006, 09:40 PM

000
00
الطيار

حياااااك الله في ربوع الهيلا

المبدع : ذياب

صح الساااانك جزل دائما والجزالة عنوانك

واصلوا متابعين

مودتي

.

ذياب

29-Jun-2006, 09:43 PM

يستاهل الترحيب الضيف يابو مرزوق

مير خلك قريب حضورك داعم لنا للابداع

يالغالي

أخوك / ذياب

الطيار..

29-Jun-2006, 10:00 PM

انت مانت مهندس
ليش طايح مدنقس
ثوبك اشهب ويندس
والمسيرهطويله

لو الله الا ساع دمك فار= جاتك قضايا مانت حاسبها

احذر تنوش القاطع البتار= اللي عطيبات مضاربها

الطيار..

29-Jun-2006, 10:04 PM

حييت ياخلف بن مرزوق

والهيلا للجميع

وناخذ فيها ادراجه ونمشي
شكرا على مرورك

ذياب

29-Jun-2006, 10:26 PM

أنت مانت أبخصيمي=ياوليد القصيمي

طبعكم فالصميمي=طيبين و نشاما

أن فار دمي نطرحك في غار=صيده عتيبه ما تسيبها
تال الدهر قامت تهوش أحضار=دنياك يا مكثر عجايبها

الطيار..

30-Jun-2006, 03:44 AM

ياذياب وعلومه
ويش جاب الخصومه
والبلاد محكومه
والمسيره طويله

انت علامك تطفي الانوار=حملتك ماتقدر تهربها

كلمتك هاذيه بدون اثمار= مدري من ايا دار جالبها

مقعد الدغيلبي

30-Jun-2006, 01:57 PM

أنت طيار وقع =علم ما ينترقع

ليش ثوبك مبقع=والمسافه طويله

الناس من ماض الزمان أكبار=أحرار في عالي مراقبها

ماشفت غير أطوير وقع طار=حرام بندقنا نزهبها
ذيااااااااااااااااب
حي هالطله
يامبدع
أزهل الصف
عتابه كلها فالصف
أسر ياليل وانظبط ياصف

مقعد الدغيلبي

30-Jun-2006, 01:58 PM

الطياااااااار
حياك الله
وصح اللسانك

فهيد مقعد الرويس

30-Jun-2006, 03:25 PM

الطيار\\ذياب

صحت السنتكم

طاروق يستحق المتابعه

تحيتي للجميع

ذياب

30-Jun-2006, 05:28 PM

يوم تبغا السلامه=وش تبا بالندامه

والبعير و سنامه=والمسافه طويله

وشلون يطمع فالبعير أحوار=أجمال تهدر لا تقربها

اليوم حطيتك على المنشار=والناس مانجهل مناسبها

ذياب

30-Jun-2006, 05:30 PM

ذيااااااااااااااااب
حي هالطله
يامبدع
أزهل الصف
عتابه كلها فالصف
أسر ياليل وانظبط ياصف

مقعد وجودك فالصف شرف

لي يابن العم

لا عدمنا هالطله

أخوك/ذياب

ذياب

30-Jun-2006, 05:34 PM

الطيار\\ذياب

صحت السنتكم

طاروق يستحق المتابعه

تحيتي للجميع

المبتدي حياك يالرويس

متابعتك شرف لنا

أخوك\\ذياب

الطيار..

30-Jun-2006, 06:23 PM

منك ماني بخايف
والجبل فوق نايف
وانت اشوفك مهايف
والمسيره طويله

انته جمل في قبضة الجزار=ناحرك واقطع جوانبها

منشاركم عاجز يضر النار= ذابت سنونه في ملاهبها

ذياب

30-Jun-2006, 07:08 PM

أعتزى وأعتزينا=ثم جاء في يدينا

وألزمته اليمينا=والمسافه طويله

الحاشي الرغاي والهدار=يهدر على الحشوان يدبها

نصرف جنيهات الذهب مليار=الساريه لا عاد تجلبها

مقعد الدغيلبي

30-Jun-2006, 07:33 PM

الله
الله
ياذياب
والسا ريه لاعاد تجلبها
والساريه لاعاد تجلبها
والساريه لاعاد تجلبها
دمت للفتل والنقض
ياهامور المحاوره

الطيار..

30-Jun-2006, 07:36 PM

انت شفتك تحلم
دايمٍ ماتعلم
ثم قمت اتألم
والمسافه طويله

مادام هاذي تجرة التجار= نكبتها والله ناكبها

أتقول وانت مامعك دينار= والثانيه هاذا انت كاتبها

مقعد الدغيلبي

30-Jun-2006, 07:42 PM

الله
الله
الله
الساريه لاعاد تجلبها
والساريه لاعاد تجلبها
والساريه لاعاد تجلبها
أذهين ذياب مايطوف
عليه شي
دمت للنقض والفتل
ياهااااااااااامور المحاوره
متاااااااااااااااابعين ولايهون الطيار
الليل* الليل*يالطيار
الصفوف أتعبت

الطيار..

30-Jun-2006, 07:46 PM

ههههههههههه

ربطو مقعد يالربع

صار يجامح

ياكافي الشر

ههههههههه

ذياب

30-Jun-2006, 08:06 PM

شوف مدك و مدي=يوم راحت تحدي
ياولد زيد هدي=والمسافه طويله

لازم نزر اللوح بالمسمار=للناس حاظرها وغايبها
عطني دنانيرك وأخذ دولار=والفرق وأضح لا تنشبها

ذياب

30-Jun-2006, 08:11 PM

الطيار..

30-Jun-2006, 08:46 PM

هب يابو دلامه
لو تقوم القيامه
وانت مثل النعامه
والمسيره طويله

نركي على غاربك بالمخطار= من بعد ماهبت هبايبها

ماعطيك غير الماس فى المضمار= وانفساك اللي فيك يذهبها

مقعد الدغيلبي

30-Jun-2006, 08:52 PM

الحقيقه
شعار كبااااااار
وطاااااااااااروق
يستحق المتابعه
وتشكرون يالطيار
وياذياب على هالمحراف
متاااااااااااابعين

مقعد الدغيلبي

30-Jun-2006, 08:56 PM

ههههههههههههههه
الله يقطع ابليسك
يالطيار
أبك الجهاز عندي
مايطلع المشاركه
واظطريت أعيد كتابتها وطلعت فالاخيردبل
لاكن مقبوله يالطيار

الطيار..

30-Jun-2006, 09:46 PM

هههههههههههه
امزح معك يامقعد
الله يحييك
وذياب يستاهل تقف في صفه

ولايهمك

ذياب

30-Jun-2006, 09:51 PM

وش علامك تهبي =ياحضري يا متربي

لو عطيناك ضبي=فالمسافه طويله

الحر يشهر والحمار أحمار=مامعه جنحان(ن) يطير أبها

حنا بلشنا فيك ياسمسار=طوبه تنزلها تركبها

ذياب

30-Jun-2006, 09:52 PM

مقعد & الطيار

أشكركم على روحكم الرياضيه

وحسن أخلاقكم

لا عدمتكم

مقعد الدغيلبي

30-Jun-2006, 10:12 PM

الطيار وانت والله
تستاهل
والشك زايل
والدعوى مزوح
وتشكر على
رحابة صدرك
ودمث أخلاقك
لازالت المتابعه
جاريه للطاروق
تحياتي للجميع

الطيار..

30-Jun-2006, 10:14 PM

هههههههه
عودت للضبان

ياولد مانسبك
طيعني خاف ربك
قبل نوكلك ضبك
والمسافه طويله

ثنتينها في خدمتي تندار= تمشي على كيفي وارتبها

انته تحسب اللعب قطف ازهار=خلك تقلب في متاعبها

ذياب

30-Jun-2006, 10:35 PM

هههههههه
عودت للضبان

ياولد مانسبك
طيعني خاف ربك
قبل نوكلك ضبك
والمسافه طويله

ثنتينها في خدمتي تندار= تمشي على كيفي وارتبها

انته تحسب اللعب قطف ازهار=خلك تقلب في متاعبها

هههههههههههههههه

سلمت اخوي الطيار

على رحابت صدرك وجزالت بيوتك

أستمتعت كثيراً باللعب معك

ياسنايدي

وسامحنا على القصور

أخوك /ذياب

مقعد الدغيلبي

30-Jun-2006, 10:41 PM

الله
لايهينكم
أمتعتونا
بطاروقكم
ومحرافكم الشيق
لاهنتوا على كل حال
وبيض الله وجيهكم
وتقبلوا تحيااااااااتي

الطيار..

30-Jun-2006, 10:50 PM

ههههههههههههههههه

تسلم اخوي/ذياب

وبيض الله وجهك لونك اركيت علينا يالحضر شوي لاكن مقبوله منك

سعدت وتشرفت باللعب مع شاعر بحجمك

تقبل تحياتي

اخوك/الطيار

ذياب

30-Jun-2006, 10:50 PM

وجهك ابيض يابو فيصل

وحضورك ومتابعتك

قمت المتعه

يالغالي

أخوك

الطيار..

30-Jun-2006, 10:54 PM

جزيل الشكر لك يااخي مقعد على متابعتك وتشجيعك

ووجهك الابيض يالغالي

تقبل قائق تحياتي

ذياب

30-Jun-2006, 10:55 PM

ههههههههههههههههه

تسلم اخوي/ذياب

وبيض الله وجهك لونك اركيت علينا يالحضر شوي لاكن مقبوله منك

سعدت وتشرفت باللعب مع شاعر بحجمك

تقبل تحياتي

اخوك/الطيار

ومن قال سالم يالغالي

وبعدين هالحين مافيه بدوا كلنا حضر

بس حنا نتسما بالبدواه والحضاره لاعبت(ن) علانا

هههههههههههه

وبعدين أنا ماركيت عليك أنا ابا الفكه والسلامه:)

ويالله حصلت

تقبل كامل أحترامي

أخوك / ذياب