وان سلهم الليل ما جا للهوى سيره

[خيال وفارس]

ان سلهم الليل خليت الهوى ســيره
===========اطفي به الجرح الاول واشعل الثاني
والوم حظــي على شــحة وتقصيـره

=========== لامن نخيته يقول الوقت ما مداني

قمت اطلبه في سلوم الجار والجيره

========== من شــــان خلٍ ابي وصله ومن شاني

وانا اخبره قبل ما تاخذني الحيره

========= ما مرةٍ جـــاد لي في وصــــــل خلاني

من يوم كان المطريـجفى نواويره

========= والبرق يقــصف شــذا حرفي على لساني

ليته تجمل ولا قصرت مشــــاويره

=========== ماهو بحـــقٍ يـــــعاندني ويجفاني

كنت اتجــنب طريق الشـوك ماسيره

=========== دربٍ سقـــاني من اللوعات واظماني

وهبت بي الريح تجبرني تبــاشيره

========== وجيته وانا ماقصدت اجية بالعاني

لكن هويته وقلبي مارضا غيره

========= بتموت عــــيني وهو في وسط وجداني


حبه تمثنت على قلبي مساييره

======== لين اصفر الجــــــرح سميته وسماني

غديت له بيت لا لا صرت له ديره

========= وان ســـج طرفي معه لحظه تباطاني

تبعت قلبي على شـــفه وتدبيره

========= انا اشــهد انه كسب ذنبي وعناني

ادري بحـــبه الى دقت مزاميره

======== يزعج جروحٍ غفت وتقـــــوم تبلاني

والصدر مايحتمل دكة مغاتيره

========= يكفية مافية من لوعات واحزاني

وان سلهم الليل ما جا للهوى سيره

======== ياويل جرحي الاول من عنا الثاني


عبدالهادي الخليوي

[ربح السبيعي]

خيال


سلمت يمينك على النقل الرائع

[الفراهيدي]

صح لسانك وسلم بنانك

ولسان قايلها

تحياااااااااااتي

[ابـن نـعـيـس]

صح لسانك ولسان شاعرها


يعطيك العافيه


لاهنت


تحيااااااااااااااااااااااااااااااااااااتي