الادنا بالادنا والتعدي زريه

[بعيـد الهقاوي]

سلام تسليمتن نعدها للرجال=والناس نعرف حسانيها وسياتها

والشاعر اللي يباها فوق روس الجبال=مانمدح القوم لين أنشوف و قفاتها

[مرزوق حمدان العتيبي]

....
.

طيب طيب
>>>> قبل مايمشي اجازه يشرفه ان يكون
اخر قاف معك ياسنايدي ..
لاتبعد وصلك العلم :)

[ربح السبيعي]

صح لسانك يابعيد الهقاوي


على البدايه الطيبه


ننتضر مرزوق العتيبي


واصلو والصفوف ازهلوها عندي

[مرزوق حمدان العتيبي]

يامرحبا يالمسلم عد وبل الخيال = والرجل ماتمشي الا حسب مشهاتها
انته حري ٍ بفعل الطيب في كل حال = يامسندي هاتها حسب الطلب هاتها

[مرزوق حمدان العتيبي]

...
.
مرحبا مرحبا ياربح الساعه
المبروكه يوم نرى حضورك ...
..
اخوك ..

[ربح السبيعي]

بعيد الهقاوي

سـلام تسليمتـن نعدهـا للـرجـال=والناس نعـرف حسانيهـا وسياتهـا

والشاعر اللي يباها فوق روس الجبال=مانمدح القوم لين أنشوف و قفاتهـا


مرزوق

يامرحبا يالمسلم عد وبـل الخيـال=والرجل ماتمشي الا حسب مشهاتها

انته حري ٍ بفعل الطيب في كل حال=يامسندي هاتها حسب الطلب هاتها

[مرزوق حمدان العتيبي]

...
الليل الليل ..
..
وين الصفوف نباها مباشره ...
اذا موافق يابعيد الهقاوي عطني رقم (1) :)

[بعيـد الهقاوي]

وين الجمال الاصايل مانشوف الجمال=ولا منول تسير و تنفخ ألهاتها

وأكبر عتبنا على مرزوق قرم العيال=هو ليه مالمها من مجمع أشتاتها

[ذياب]

أسر يابو محمد والليل ليلك

والصف صفك

ولا يهون

بعيد الهقاوي

[بعيـد الهقاوي]

ربح السبيعي & ذياب

يامرحبا يالغالين

حضوركم شرف لنا

أخوكم

[ربح السبيعي]

وين الجمال الاصايل مانشوف الجمال=ولا منول تسيـر و تنفـخ ألهاتهـا


وأكبر عتبنا على مرزوق قرم العيال=هو ليه مالمها من مجمـع أشتاتهـا


ياسلام ياسلام


الليل الليل

[مرزوق حمدان العتيبي]

سؤال انا بسأله مثلك ياعذب المقال = يوم ان عينك تشوف الناس وسواتها
مرزوق طبعه يدوّر للعلوم الجزال = لكن بعض العرب ياكبر غلطاتها

[مرزوق حمدان العتيبي]

....
.

الشاعر العملاق ذياب ..
وجودك غير عادي يابن العم ..
زدتني شرف ..
.....

[بعيـد الهقاوي]

ياهل المناصب ترى ماعاد فيها مجال=الناس ترمي على الكرسي بتهماتها

من لا تحمل رفيقه في حرام وحلال=ولا تضيع العرب و تضيع شيماتها

[مرزوق حمدان العتيبي]

اللي رما تهمته ضايع وسيئ خصال = يابعيد خل القضيه في ملفاتها
من لايعينك على درب الوفاء والعدال = وش فايده من وجوده وسط ساحاتها

[مرزوق حمدان العتيبي]

...
.
اخي العزيز بعيد الهقاوي..
مشوار لايتعدى نصف ساعه بحول الله وراجع لك .

[بعيـد الهقاوي]

ياراعي الموتر اللي ضاع تال الليال=ليته يناظر على الدار و مطباتها

ياناس لا تجحدون الطيب شرق و شمال=الناس تال الدهر كثرت حركاتها

[مرزوق حمدان العتيبي]

الموتر اسير في دربه ويقطع رمال = لكن بعض العرب وش لون نياتها ؟
نقد المعاني مثل نقد الذهب والريال = اصرف ذهب واترك الهزله ولفاتها

[بعيـد الهقاوي]

موترك هذا نعرفه يا كريم السبال=أمسجل(ن) رقمك الثاني بلوحاتها

البرق يبرق وناظر في صدوق الخيال=لكن ما ياتي العالم بغراتها

[مرزوق حمدان العتيبي]

يالله يالله يالوالي عزيز الجلال = ايامنا انك تعدل كل ميلاتها
يابعيد اودعك انا بكره بشد الرحال = للديره اللي ترد الروح نسماتها

...
صح لسانك واعذر اخوك بكره وراه
سفر ... والسفر مايتخاوى هو والسهر ... هههه
تحياتي لك ولكل اللي شرفونا في هالصفحه .
........

[بعيـد الهقاوي]

يالله يالله يالوالي عزيز الجلال = ايامنا انك تعدل كل ميلاتها
يابعيد اودعك انا بكره بشد الرحال = للديره اللي ترد الروح نسماتها

...
صح لسانك واعذر اخوك بكره وراه
سفر ... والسفر مايتخاوى هو والسهر ... هههه
تحياتي لك ولكل اللي شرفونا في هالصفحه .
........




الله يستر عليك يابو محمد

تروح وترجع

بالسلامه

وأعذرنا على القصور

أخوك

[حجيلان]

الله لايهينكم وصحة السنتكم طاروق رائع ويعطيكم العافيه

[الــوآفــي]

من لايعينك على درب الوفاء والعدال000وش فايده من وجوده وسط ساحاتها



الله الله الله الله


كبيــــــــــــــــــــــــــــــــــر يابو محمد


صح لسانك وصح لسان الغالي بعيد الهقاوي


اخوكم