وكالة يقولوووون !!!!!!!!!!!!!!

[فيصل المسعودي]

الشاعر مسلم بن شعيل الهذلي

شاعر قدير وقصائده تتميز بالحكمة




مدري متى بعض الأوادم يجزون=
عن غيبة الغياب والكذب والـذم
أثره صحيح حثالة الناس يبطون=
شابت لحاهم مير ما عندهـم دم
بالقدح فأعراض العباد يتسلـون=
ما عندهم غير إبتهات العرب هم
من الأكل فلحوم البشر ما يملون=
مثل الذباب اللي على الجرح يلتم
فلان فيه وفيه وفـلان مجنـون=
وفلان شغله وين ؟؟ ومرتبه كـم
إذاعة أسمع من وكالة يقولـون=
متـى مـا تباهـا تكلـم تكلـم
في ما مضى على الأصابع يعدون=
وفي وقتنا الحاضر طوابير بالكم
أشوفهم في كل عـام ٍ يزيـدون=
يالله عساهم بالطواعيـن والغـم
الشله اللـي بالنفـاق يتعـادون=
المجتمع بأسبابهم صار من سـم

[ابـن نـعـيـس]

كالعاده من رائع الى اروع


بيض الله وجهك


ولك فايق المحبه والتقدير



تحيااااااااااااااااااااااااااتي

[نواف بن منصور]

في ما مضى على الأصابع يعدون >>>>>>>>> وفي وقتنا الحاضر طوابير بالكـم

صح لسان قايلها

وبيض الله وجه ناقلها

[ربح السبيعي]

ياسلا على الابداع


صح والله لسان شاعرها


لاهنت يافيصل المسعودي

[الفراهيدي]

صح لسانك وسلم بنانك


وصح لسان قايلها


بيض الله وجهك


والله يعطيك العافية


على النقل الموفق



تحيااااااااااااااااااااااااااتي

[ابو رايـد]

صح لسان القايـــل والله اللي كفى ووفى
وتسلم يمين الناقل اختيار اكثر من رائع

ولاكن لي مأخذ على الشطر الثاني
ماني هاضمه مدري ليه
يمكن لقوة الشطر الأول
او اني ماعرفت اقراه تمام

إذاعة أسمع من وكالة يقولـون
,,,,,,,,,,,,,,,,,,,,,,,,,,متـى مـا تباهـا تكلـم تكـلـم


ياليت اللي يدري يوجهني واكون شاكر له وممنون

[عبدالمجيدالشمري]

شكرا يافيصل وشكرا للشاعر مسلم الهذلي على هذه الرائعة التي تحمل في طياتها رسالة سامية مضمونها الحقيقة ولا غيرها في مجتمع يئن بآلام مستعصية يستوجب تدخل الجراح لاجتثاثها من عروقها او بعادها من المجتمع التي بدا ينخر في جسمه او على الاقل الابتعاد عن المجتمع بما فيه الى آخر تتوفر فيه الشفافية وبالحب والاخلاص .
وتقبل احترامي

[نبض المشاعر]

صح لسانك وسلم بنانك