المساعد الشخصي الرقمي

مشاهدة النسخة كاملة : بناء على طلبكم محاورة سلطان الشيباني وتركي2000 كاملة


فرناس
22-Jun-2006, 10:28 PM
حياكم الله يالربع وانتم طلبتو مني محاورة سلطان الشيباني ومحاورة تركي2000 الي فيها يذكر الشيباني 2000 بلي صارله من العتبان

والشريط ماكان معي كان مع ولد عمي واخذته منه اليوم وضربتلي بحبة مع الرز برياني قلت علشان اكتبها وانا على اخر ترويقة |20|

المحاورة يوم السبت 14 / 5 / 1427 هـ


يقول سلطان الشيباني


الليل ياتركي عطالله سرا الليل

احزم حزامك واتعب الجيش والخيل

بيني وبينك زان سوق الفناجيل

ياعنك مايزعل من الحق رجال

يالمطيري تقدم واحتزم فالمسير............والمسيرة ياتركي عاوين ذيبها

طاح من راس ضلع طويق شاعر مطير..........وعزوته للاسف موفت مطاليبها



تركي 2000


عطني علومك كلها يالجلاوي

واحسب حسابك في جميع الدعاوي

وعرف هقاوي مبعدين الهقاوي

ياعنك مايزعل من الحق رجال

فيه للشر شر وفيه للخير خير.......في مشاريقها ولا مغاريبها

مايطيح المطيري لوعظمة كسير ....... مير جيب العلوم الثانية جيبها


سلطان الشيباني

انا علومي يالمطيري تسرك

وحينا ياتركي لاوالله تضرك

لكن خيرك جعله يزيد شرك

ياعنك مايزعل من الحق رجال

انت مالك عن الواقع منير ومطير........تشره اللحية الشمطا فاشانيبها


كل واحد بسكينة لا طاح البعير.........وفي يدي بندقي وعرف مضاريبها


تركي 2000


مامنك ياسلطان غير المسرة

ولا المضرة منت راعي مضرة

لكن ثوبك بالازارير زره

ياعنك مايزعل من الحق رجال

رحت كلك مصايب يالزمان الاخير.........راس بقعا تلوى في عراقيبها

لاتنوش الخطر والوقت وقتاً خطير........رد بعض الثياب الي تصليبها


سلطان الشيباني

خصمي ليا شفته نفخ في ذروبه

والله لاضيق قدم وجه دروبه

ياشاعرن ماعرف تفصال ثوبه

ياعنك مايزعل من الحق رجال


في يدي ياولد ميزان سيفن شطير........كان نارك تلاحق في مشاهيبها

انت طبعن عن المطران جاين سفير..........مار عينك من العتبان وشيبها


تركي 2000

انته شمالك يصطفق في جنوبك

والمشكله ضيقت فوقك دروبك

والناس كلن شاف تفصيل ثوبك

ياعنك مايزعل من الحق رجال


ابن شيبان سيفك رجعه فالجفير......لاتجيك الذيابة من مراقيبها

انت منت سفير ولاطبعن مدير......غير سبحتك فالحفلة توميبها


سلطان الشيباني

ثوبي على قدي وثوبك مضوق

لكن طعني يالمطيري وروق

قدام تسري يالمطيري معوق

ياعنك مايزعل من الحق رجال

انت مالك من سلاحي مطير ومنير.......والله انك من عتيبة لتسريبها

الجلاوي غناوي وانت طبعن فقير........خل عنك العصاة الي تواميبها


تركي2000

مدام ردت للعلاوم الدقاقة

انت وانا معاد حنا رفاقة

حطيت دقنك تحت موس الحلاقة

ياعنك مايزعل من الحق رجال

شوفلك يالجلاوي من عتيبة شوير........انت يكفيك فالدنيا تجاريبها


ثم غير تركي2000 , وطلب الشاعر ملفي المورقي


وسلامتكم

طلال الثبيتي
23-Jun-2006, 03:01 AM
الله الله..



سلمت يمناااك ياغالي..


وصح لسان الشعار..

الفراهيدي
23-Jun-2006, 06:37 AM
الله يعطيك العافية

على النقل والمجهود الطيب


لاهنت يالغالي


تحيااااااااااااااااتي

دكتور الشعر
23-Jun-2006, 01:55 PM
الله يعطيك العافية
على النقل الجميل

مرزوق حمدان العتيبي
23-Jun-2006, 02:02 PM
...
.
مشكور وبيض الله وجهك
وهالمره تركي غير .... استغرب منه هالاسلوب المتزن..
وان بقى على هالحال فأنه قد سلك المسلك الصحيح الذي
سيكسب بسببه تعاطف اكثر الجماهير ... واحترام الكثير ايضا .
...

فتى وادي الرشا
23-Jun-2006, 02:17 PM
الله يعطيك العافيه على النقل الجميل للمحاوره وماقصرت .

فرناس
25-Jun-2006, 10:46 AM
الله يبيض وجيهكم كلكم

وارضاكم غايتنا |197|

عتيبي معاصر
25-Jun-2006, 01:40 PM
|194| بيض الله وجهك يا فرناس|194|

عتيبي معاصر

مقعد الدغيلبي
25-Jun-2006, 07:50 PM
لاهنت
يافرناس
على النقل
ونتمنى لشاعرنا
سلطان التوفيق
في محاوراته
تقبل تحيااااااتي

فيصل القثامي
28-Jun-2006, 09:51 AM
اشكرك فرناس .

تحياتي واشواقي .

فيصل القثامي

منصور بن فهيد
29-Jun-2006, 12:09 AM
يعطيك الف عافيه يافرناس ..
وتسلم يمناك يالغالي ..
تحياتي وتقديري..

البرفسور
29-Jun-2006, 12:19 AM
[يعطيك العافيه على مجهودك نبي منك اكثـــــــــر

الحاير
29-Jun-2006, 02:41 AM
السلام عليكم ورحمة الله وبركاته
يعطيك العافية وماقصرت
الحفلة مسجلة فديو وكاسيت
وهل هي محتكرة على محل؟

فرناس
03-Jul-2006, 03:40 AM
الله يبيض وجيهكم كلكم

فرناس بيك|197|

فتى الروقه
04-Jul-2006, 11:56 PM
ماقصرت والمطيري ذا يبي من يوقفه عند حده

سلطان الجـذع
09-Jul-2006, 02:17 PM
بيض الله وجهك 000 وواضح ان الجلاوي يبي يطلع ان شاء الله 00



ونباح مطير هذا يبي من يتفاهم معه صح



انا يضغطني والمصيبه من ويش لاقي المورقي فيه يوم يجامله
مع العلم ان يقدر يلعن سنسفيله