عتيبه ياعتيبه ياعتيبه عزوت (ن) ليه

[خالد العصيمي]

سلام الله على أهل العز وأهل البيرق المنشور = عتيبه ياعتيبه ياعتيبه عزوة (ن) ليه
يقولون العرب لو البحر يرسيبه البابور = لابد الموج يطغى في زمانن يخلف النيه

[ذياب]

صح السانك يالشقاوي

وفيه طلب عندي بسيط

ياليت تثبت فالهيلا على اسم

عشان نعرفك:)

وعشان ماتضيع مشاركاتك عليك

أخوكــــــــــــــ ذياب ــــــــــــــــــــــ

[خالد العصيمي]

صح بدنك ياذياب


.........
ومن ناحيه الاسم خلاص ثبتنا على هذا مره معاد نضيع الرقم السري ههههههههههه

الشقاوي ---------------> بعيد الدار لمن يهمه الامر




تحياتي

[صامل الغنامي]

الشقاوي حياك الله واستلم

هلا يامرحبابك يامسا الخير ومساء النور= من العارض الى الحره تراحيبن جماعيه

ديرنا كلها بران مافيها نهر وبحور= ومد وجزر وش يعني وتيارات بحريه

[خالد العصيمي]

يدوم الك البقا مخلوط بالكادي مع البنور = ياربع(ن) للكرم والجود والطالت ماريه
ديرنا كلها غبت بحور وجالها هامور = لاكنك ماتروح ابعيد فالروحات والجيه

[صامل الغنامي]

استلم
كرمت ودمت يابناي قصر عن ثمان قصور= وانا أنشد عنك والمح صورتك مع كل طرقيه


تقوله وانت ماتدري عن الي خلف ذاك السور= تركد زين صح النوم يابو أحلام ورديه

[الايداء1]

’

’’’

الشقاوي

وصامل الغنامي

صحت السنتكم مليون

وهذا المركى والدله .

الليل

الليل

|165| |165| |165| |165|

[صامل الغنامي]

هلا وغلا يابو تركي/ صح بدنك ... وحياك الله

حيك وحي صفوفك 0 وجودك التشريف بعينه

تحياتي

[خالد العصيمي]

وعافاك الولي ياصاحبي ثم استمع لشور = انا اخدم من بغا حسنه واضد الي بغا سيه
تقوله وانت توك ياهذا مالك ثلاث اشهور = لاكنك لد عينك في خيمك اشلون مبنيه

[خالد العصيمي]

’

’’’

الشقاوي

وصامل الغنامي

صحت السنتكم مليون

وهذا المركى والدله .

الليل

الليل

|165| |165| |165| |165|




صح بدنك


ياطويل العمر نورت الصفحه




تحياتي

[صامل الغنامي]

استلم

بعد شفت السحابه فوق راسك جالها شختور =لاتامن لاهب الكنه وبرد المربعانيه


ثلاث اشهور في ماذا؟ وكم خدمتك يادكتور= وخيمنا ثابته والوزن فيها ذو أهميه

[خالد العصيمي]

الله الله


لاتقرب للقشر ياصاحبي ثم تاكل الخابور = لاكنك سوقها ياهيه فدروب(ن) نضاميه
ثلاث اشهور فالبيضه ! بعدها اطلعك عصفور = واغطك في بحور الشعر واكتب فيك مرثيه

[صامل الغنامي]

استلم ياغالي

قشرك بوجهك وخابورك اولابه ولك موفور= مثبت في قفاك مصلح بيرارتوازيه

تبي تصفق على خدك ومن بين العيون تثور = وترضخ لـ مرنا وشروطنا غصبا وجبريه

[خالد العصيمي]

استلم



وعجل لايجينا مرزوق ولا الايدا هههههههه

,
,,
,,,


دخلك الجور قمت اتفور من لامك ياذا الفرفور = تصيح وبيركم قد نشفوها ألك الشقاويه
يدينك كيف تصفق وانت مبلي بالعيون العور = لاكنك هد وضعك لايجي من بينها كيه

[صامل الغنامي]

الشقاوي // تحياتي وتفديري وحبي واحترامي لك يابن العم

شهاده لله انك شاعر بحر وافتخر فيك وما في خاطري عليك اي شي

بس يجب ان نحترم أذواق المتابعين ونوقف المحاوره

سامحني يابن العم 0 وانشاء الله نلتقي قريبا في ضروف أفضل

[ذياب]

الله الله

بس أرفوعها ياربعنا لا يجيكم

ابو تركي يثعي فيكم

ههههههههههههه

والله محاوره رائعه بكل المقايس

حرام تتسببون بحذفها

[مرزوق حمدان العتيبي]

....
.

صحت السنتكم .... والف شكر لكم على تعاونكم
لما فيه المصلحه ....
صح لسان الشقاوي ....
ولسان صامل الغنامي ...
لاهنت ياصامل ولك الشكر على سمو اخلاقك ...
من غير اقصور فالشقاوي ...
يبقى الشعر شعر ولكنّه يعكس اخلاقنا وتعاملاتناااا ..
اخوكم ....

[خالد العصيمي]

وبراسك ياصامل


الدعوا لعب ومزوح والقلوب صحاح

وسامحني وانا خوك وانت بعد مسموح


ونلتقي على خير ان شالله

[خالد العصيمي]

الشاعر الغالي ذياب


شكرا على الاطراء الاكثر من رائع

تحياتي

[خالد العصيمي]

....
.

صحت السنتكم .... والف شكر لكم على تعاونكم
لما فيه المصلحه ....
صح لسان الشقاوي ....
ولسان صامل الغنامي ...
لاهنت ياصامل ولك الشكر على سمو اخلاقك ...
من غير اقصور فالشقاوي ...
يبقى الشعر شعر ولكنّه يعكس اخلاقنا وتعاملاتناااا ..
اخوكم ....


صح بدنك يامدرير والمعذره منك خاصه

ومن المتابعين لنا




وتصبحون على الف خير

[صامل الغنامي]

ذياب /// تواجدك هنا هو الروعه

شكرا لمرورك التشريفي

تحياتي واحترامي

[صامل الغنامي]

مرزوق العتيبي// العفو ياغالي

وصح بدنك ولاهنت وسامحنالو حصل منا تجاوز

تقديري واحترامي وشكري لتواجدك الدائم مع الكل

ومره ثانيه أسفين يابو محمد 00 تحياتي