القول الأكيد في اصابت فاجر بن شليويح لفيصل الدويش

[الغربي]

الى جميع الأخوه قد وعدتكم في الموضوع الذى كتبه الأخوان عن هذا الموضوع بأن ابحث عن مايفيد في حسم القضيه في هذا الموضوع واليكم ماجدته .....
..............
قال المؤرخ ابراهيم القاضي :

كان فيصل الدويش عند اغارة ابن سعود على شمر( باين شينه)ويضهر عليه التضجر من عبد العزيز بن سعود

وهمّ ابن سعود بقتل فيصل الدويش وإذا قومه الذي معه من البادية مطير وعتيبة ؟؟
ثم أحضر كبار العرب وقال وش ترون؟

وهو مدخل العلم مع محمد بن حميد وكبار عتيبة.

وقالوا ما لك إلا تنكف.

ابن رشيد دخل ديرته، وشمر هجوا، وأنت لاحق عليهم، قال انكفنا. ثم انكف

القوم. والمقصد نكوفة مطير لا ينذرون. وواعد عتيبة يلتوون من قفا القصيم

ووعدهم الأسياح.. ثم ركب ابن سعود وسار مجنب يزعم أنه منكف لديرته ثم

عارضوه عتيبة وعدا في فيصل الدويش وأغلب علوى معه هاك الوقت. انتذر

الدويش، وزبن المجمعة وهي في هاك الوقت قوم لابن سعود، ونزل تحت

الجدار ، وظهروا أهل المجمعة مساعدين الدويش .؟

ابن سعود زتّها عليهم، وتهيا ملحمة وكون جيد، وكسرهم ابن سعود، وحجرهم

داخل الجدار: البدو والحضر والطالعي أخذه كله. صوب فيصل الدويش صواب

شين، والذي صوبه فاجر ولد شليويح. ثم انكف ابن سعود ودخل ديرته في ربيع

آخر سنة 1325هـ." اهـ .
قال ابوعبدالرحمن ا لظاهري في كتابه تاريخ نجد في العصور العاميه


ولشليويح العطاوي ولد فارس اسمه فاجر قتلته سبيع في واديها رغم انه هزمها

وقد شرب فنجال فيصل الدويش في حرب المجمعه رمز لتعهده بقتله واصابه بشلفا اخترقت جسمه ورغم هذا شفي منها


وقال ابوعبدالرحمن الظاهري في ترجمه محمد بن هندي وبعض احدياته

اورد هذه الاحديه للشيخ بن هندي

ياربعنــا شــدوا علــى الزلبات.. جـتــنـا منـاديــب الامام

ليت الحصان اللي عطي مافات..ماسر بالباير عطاه العام

وقال الظاهري عن تفسير هذه الاحديه مايلي

ذكر الامير محمد السديري رحمه الله ان الملك عبدالعزيز ارسل إلى بن هندي يطلب منه حضور معركة المجمعه فإستجاب لذلك .....

وذكر رئس مركز عبلاء الشيخ خالد بن مشعان بن فاجر بن شليويح العطاوي بجريدة الرياض أن ماذكرة العصيمي بروايته أن جدي فاجر بن شليويح العطاوي ضرب فيصل الدويش بشلفاء في ظهره مخالف للحقيقة وقصته بالبندقية وليس بالشلفاء
المصدر جريدة الرياض عدد 10148 الصادرة يوم السبت 18/ 11/ 1416

ونضرا لما ذكر في الموضوع اعلاه وغيره من روايات كبار السن والرواه يتأكد ان من اصاب الفارس الكبير فيصل الدويش هو الفارس الكبير فاجر بن شليويح

اخوكم
محمد بن عبدالله الغربي

[مطلق الشيباني]

سلمت ولاهنت يا ولد روق دائماا متميز ولا تاتي الا بالجزل

## الى الامام يالهيلاااااا##

مع تحيات :- مطلق الشيباني ................

[ejoz]

الاخ الغربى/
لقد كفيت ووفيت.
الحقائق واضحة كالشمس
والغربال ما يغطى الشمس
وما ذكرتة هو ما تناقلة رواة الامس

جعلك الله من الذين يوضحون اللبس

وعلى درب التواصل نلتقى

وكل شئ................... ايجوز

[ابن مشيب]

مشكور اخي الغربي على هذا التوضيح الوافي , واصابة فاجر العطاوي لفيصل الدويش واضحة مثل الشمس ولاتحتاج لاي تأويل.


تحياتي.

[متعب العضياني]

بيض الله وجهك
وهذا على فكره معروف لقبائل نجد كلها
ومشكورررررر

[اخو شطنى]

كفو على نقل

وصدق شيخ ذوي عطيه خالد بن مشعان بنفاجر بن شليويح العطاوي
الاصابه بالندقيه وليست بالشلفا لان الشلفا زمنها راح

اخوك الفراهدي العطاوي

[الدقيق]

بغيتوها بشلفا .. ولا بندق

المهم اخذ حقه .. مثل غيره

تحياتي

[غيمار العطاوي]

مشكور يالغربي على الايضاح

واكرر ما قالوه الاخوان الشمس ما تحجب بغربال

[فيصل البرقاوي]

يعطيك العافيه

[عبدالله الجـــذع]

بيض الله وجهك يالغربي..

[ولد حبرود]

وفيصل اللي ضربته تشلع الراس = تغانمه فاجر ومكن صوابه
ابا الفراسه جاه فارس الافراس = خصاه لين النسل قطع عقابه
ولقا البلاوي والدواير والاتعاس = وعزم على المحدار يم اللهابه

[داهية المريخي]

اول مره اسمع فيها

مشكور اخوي

[زبن الدخيل]

اول مره اسمع فيها

مشكور اخوي

:) :) :) :) :)

[عتيبـــــ ولد ــــــــة]

اول مره اسمع فيها

مشكور اخوي

:rolleyes:

[اخو شطنى]

اول مره اسمع بالمريخي خابره مغار بشاعر المليون وانا اخوك
ويما ويما سوينا لاكن زي دايم جحيد لاحول

اخوك العطاوي

[الامير حريبيش]

ونعم في فاجر قصته مع الدويش معروفه عند اهل نجد وحصلت في المجمعه
وفاجر من اشهر الفرسان واقواهم حتى قيل انه قتل 67 رجلاً وهذا شئ نادر عند الفرسان

[ذيب النفود]

شكراً لك أخي الغربي على هذا الموضوع ولدي هذه المداخلة على الموضوع وهو عندما صوب فاجر (وكنت أعتقد أنه فاجر السلات) صوب فيصل الدويش زبن الدويش المجمعة هارباً وكان المنصوب في المجمعه آنذاك هو العسكر ولم يكن موجوداً في ذلك الوقت ولكن بنات العسكر أمير المجمعة فتحاً البوابة للدويش وزبننه.
ويقول الشاعر:


عديت راس الهضبة اللي لها رواس=اللي يرد إبها المغني جوابه
لا جيت هاك الدار تلقى بها أوناس=أما دبش وألا طوارف إعتابه
يتلون إبن هندي حمى قب الأفراس=كم واحد(ن) في غبت الموت جابه
يثني جواده للمتلين نكاس=يثني جواده والرمك من حطابه
إلى أن قال:’’’’’’’’’’=’’’’’’’’’’’’’’’’’’’
وفيصل بسيف(ن) ضربته تشلع الراس=تمكنه فاجر ومكن صوابه
وزبن على اللي تثني الذيل للراس=وفتح له العسكر مغاليق بابه

[محمد العويفي]

والله انا استغررب

الي اعررفه ان فيصل الدويش فاارس وشيخ قبيلة عظيم

ماادري ليش مااشوف هالشي هناا ..!!

الياا نويت الطرق والنور مابان ... خااوي الذياب الجررب دون العتبيي

[عبدالرحمن الهيلوم]

والله انا استغررب

الي اعررفه ان فيصل الدويش فاارس وشيخ قبيلة عظيم

ماادري ليش مااشوف هالشي هناا ..!!

الياا نويت الطرق والنور مابان ... خااوي الذياب الجررب دون العتبيي


وشهد شاهد من اهلها

الله اكبر

توك تعرف يالمطيري !!!!
حاط نفسك اعتيبي قبل شوي

اباعرف ليه حركاتكم يامطير ماتتركونها
\اتقوا الله في انفسكم

[صقر النواصر]

اول مره اسمع فيها

مشكور اخوي


أخي العزيز داهية المريخي ... عدم سماعك لخبر من الاخبار لايعني بالضرورة أنه كذب ... ... ... والقانون العقلي البديهي يقول (جهلك بوجود الشئ لايعني عدم وجوده) .......فيا أخي العزيز .. البترول موجود منذ الاف السنين تحت الارض ولم يعرفه البشر الا قبل عشرات السنين .... وحتى تصل للحقيقة في المعارك القبلية تعوّد دائماً أن تسمع من الطرفين ولاتكتفي بالسماع من قبيلتك فقط ...... بهذه الطريقة ستصل إلى الحقيقة الكاملة ........ وستكتشف حقائق عن قبيلتك لم تكن تعرفها .... أتمنى أن تصل هذه النصحية لمنتدى قبيلة مطير خاصة ... ومنتديات القبائل عامة ...........

[صقر النواصر]

والله انا استغررب

الي اعررفه ان فيصل الدويش فاارس وشيخ قبيلة عظيم

ماادري ليش مااشوف هالشي هناا ..!!

الياا نويت الطرق والنور مابان ... خااوي الذياب الجررب دون العتبيي




يامحمد العويفي ... كون فيصل الدويش (الله يرحمه ويرحم جميع المسلمين) شيخ قبيلة عظيم لايعني انه لايهزم ولايهرب من ساحة المعركة .....مادري ليش بعض اخوانا من مطير الا شوي ويعبدون شيوخهم ... استغفر الله ..... والله يالربع اني اسمع من شيباننا ان بعض المطران يقدسون شيوخهم ويخنعون لشيوخههم ويطيعونهم طاعة عمياء ........ كنت اسمع هالكلام من شيباننا وماني مصدق ولاهي داخلة مخي ................ بس والله بعد ماقريت لكتّاب مطير في منتداهم بديت اصدق .............. وتذكرت رد احد مشائخ القبائل للشيخ فيصل الدويش في مجلس الملك عبدالعزيز .. يوم قال له انا حصان وسط حصن ..... وانت يافيصل الدويش حصان وسط رمك ..... مع احترامي الشديد لقبيلة مطير العزيزة ولاتهون القبائل .....لكن يااخواني في منتدى مطير ... هذا الكلام ماهو كلامي .. هذا كلام شيخ من شيوخ القبائل يعرف وش يقول .... لا .... وبعد في حضرة الملك عبدالعزيز المؤسس ...


ياعزيزي محمد العويفي ...... الشيخ فيصل الدويش شيخ عزيز لقبيلة عزيزة .. ولايهونون باقي القبائل وشيوخهم ...... ولكل شيخ كبوات وهفوات وهزائم ... المصطفى صلى الله عليه وسلم انهزم جيشه في معركة أحد ... وحنين في اولها ..... فمن باب أولى أن يهزم فيصل الدويش وأتباعه ورعاعه وعبيده وخدمه ومواليه .... خصوصاً عندما يتقابلون مع فاجر بن شليويح وبقية فرسان عتيبه....ويهربون خلف الأسوار ويتوسلون إلى أمير المجمعة أن يدخلهم في بيته ...

مادري وش في شيوخكم ياعويفي .. اذا تقابلوا مع فرسان عتيبه تضيع علومهم وتتبخر معجزاتهم ..ههههههه .. اللي ملا سرواله ( خمسين مهرة في الجرير ... والسور سرواله ملاه ) ههههههه ......... واللي هج وخلا بيته وورعانه (الضال) ............ واللي شب ناره في الليل وهرب وخلا حرب حلفاه اللي جايين ملبين دعوته للفزعة .. خلاهم لحالهم يواجهون المصير المحتوم .....

أقول اشبع رز بس ياعويفي واحمد ربك على العافية انت ومنتدى قبيلة مطير ..... وخلونا نتفرغ لبني علمان والليبراليين والرافضة اذناب الفرس خلونا نركز سهامنا لهم ... فلاتشغلونا بمعارك قبلية جانبية لاتقدم ولاتؤخر ولن تغير شئ في حاضر بلدنا .. لاتبدوون حيلكم وحيلنا وتستنفذونه بينكم وبيننا .. وتقدموا بغبائكم هذه الخدمة المجانية لهم ......... انظروا الى الأمام .. ولاتلتفتوا إلى الخلف حتى لاتتعثروا وتسقطوا على وجوهكم ...........