نشدت القوم عنه وقالوا اسمه ذيب شيباني

[ابوتيجان]

خلووووووووووووها


سلام الله بــرديه علـــى العتـــــــــبان والزوار............ تعم اكبارهـــا وصغارهـــــا وانـــــا ابوتيجاني


اشوف الشاعر اللي يلتهب في ساحة الشعار ..........نشدت القوم عنه وقالوا اسمه ذيب شيباني

[علي الثبيتي]

ابو تيجان صح لسانك

وذكرتني بالشاعر الراحل خلف الحساني

مازلنا بنتظر الشاعر المقابل

[مرزوق حمدان العتيبي]

...
.
صح لسانك يابو تيجان ...
وصح لسان ذيب ... وخلوها سماري ...
وصفوف الملعبه حاضرين ..
...

[ذيب الشيباني]

طيب طيب يابو تيجان :) ولو اني اشره على الشطر الاول من البيت الثاني :)
هلا يامرحبا واعجل وعطنا نشرة الاخبار = ترى جدي رحم اللاه قبل يموت وصاني
مادام انك تشوف النار جنب لاتجي فالنار = انا ماني عميلك مار دوّر واحدٍ ثاني

[فهيد مقعد الرويس]

ابوتيجان\\\ذيب الشيباني

صحة السنتكم

وعلى القوه

تحيتي وتقديري

[ابوتيجان]

صحة ابدانكم جميع

[ابوتيجان]

استلم ياذيب


يدوم الك البقا يالصاحب الي جيت للمضمار............نبـــا نـــــاخذ علومك لاتقول الجـــــــد رباني


ليــــــا شفت الحريقه تشتعل طفيتها ياجــار ...........مابيك تموت حامي فيك وانته نسل عتباني

[ذيب الشيباني]

هذا سلم العرب والضيف له حشمه وله مقدار = ولا يقدر ينسيني زماني سلم جداني
انا مدري وراك معزمٍ تاطا عى المسمار = ترى حفرة جهنم مايجيها غير نصراني

[ابوتيجان]

اييييييييييييييه


نعرف اسلومها ورجــالها ونكـــرم الخطار..............لكن المشكلة ياصاحبي في فعلة الجاني

اجنب عن دروب(ن) كلبوها شلة الاشرار..............واحب الــــي علومه غانمه والقول برهاني

[مرزوق حمدان العتيبي]

....
..
.
هذا سلم العرب والضيف له حشمه وله مقدار
ولا يقـدر ينسينـي زمانـي سلـم جدانـي




انا مدري وراك معزمٍ تاطا عى المسمار
ترى حفرة جهنم مايجيها غير نصراني
الله الله ياذيب صح لسانك ...



نعرف اسلومها ورجــالها ونكـــرم الخطار..............لكن المشكلة ياصاحبي في فعلة الجاني

اجنب عن دروب(ن) كلبوها شلة الاشرار..............واحب الــــي علومه غانمه والقول برهاني
ياسلام يابو تيجان ...
محاوره تستحق المتابعه ...
واصلوا ...

[ابـن نـعـيـس]

صح السنتكم


واصلوووووووووووو


في صفك يابن مشيب ولا يهووون ابو تيجان