الي بقلبه شك

[صامل الغنامي]

00000000000000000000000000000000000000000000000000 00000000000000000000
الي بقلبه شك يقرب لاتعذبه الشكوك= راع الخيال الواسع الي قام يشطح به سنود
إن قمت تضحك للعرب قالو هبيله وحقروك=وليا سكت اعن العرب شكو وقالو ذا حسود

[فهيد مقعد الرويس]

الشك عنك زايل

واستلم

خل التسرع توللمنصب ياصامل رشحـــــــوك’’’شاعر وبعض النقص يارجال من شئٍ يزود

وانكان مانت موسع الخاطر على الي زعلوك’’’اركب حصانك ثم اغر على المناحر بالعمود

[ذياب]

صح السانك ياصامل

وصح السانك يالمبتدي

والصف عامر

أخوكم/ ذياب

[مرزوق حمدان العتيبي]

...
.

ابداع ياصامل ... وابداع يالمبتدي
....
والصفوف وقوف .. والعالم تشوووف ..
والدرب طويل ... :)

واصلوا وعساكم على القوّه ..
...
.

[صامل الغنامي]

هلا يالمبتدي
المنصب الي تذكره ياخوك وينه ماخبروك = والمشكله وشهي من الاساس يانسل الجدود

أهديك باقة ورد طازه ساع وصلت من تبوك = واصدق وعلمني وشلي قوم الناس الرقود

[الايداء1]

,

,,,

الشاعرين القديرين

صامل الغنامي ......... والمبتدي

سعدنا بهذا الطاروق الذي به من الأبداع

مايجعلنا نتابعكم حتى النهايه ,,

[صامل الغنامي]

ذياب / صح بدنك ... وحياك الله

وسلم لي على ابو عدي

تحياتي واحترامي

[صامل الغنامي]

أبو محمد / مديرنا الغالي

سعدنا بمرورك العذب


وكانه قرب لاذنـك الكـذاب
خل اذنـك لْكلمتـه طرشـه

[صامل الغنامي]

الايداء (أبو تركي)
حياك ربي
وشكرا على الإطراء

إحترامي لك يابن العم

[شيخ القبيلة]

صح لسانك وسلم بنانك

[الوافي-925]

الله الله



محاوره من افضل المحاورات



وواصلوا وحنا معكم



وصح السنتكم جميع اخواني


صامل الغنامي

و


المنتدى

[ابـن نـعـيـس]

صح السنتكم


واصلووووووووووووو


طارووووووووووق رائع

[فهيد مقعد الرويس]

اسف على التاخير

استلم لاهنت

حنى بغينا الي على الطاروق ياصامل حدوك’’’ولافيه ظني مشكله عسى المشاكل ماتعود

والباقه الي تنسفط منهاالنشاعطــــــــــروك’’’الي مطرشهاعلى الوسطامن اطراف الحدود

[فهيد مقعد الرويس]

الاخوه الاعزاء

ذياب صح بدنك والصف عامر بوجدك

مرزوق صح بدنك ولاهنت على الوقفه

الايدا صح بدنك والا بداع تواجدك لاهنت

شيخ القبيله صح بدنك

الوافي صح بدنك وتشرفنا بحضورك

ابن نعيس صح بدنك وحياك الله يالغالي

[صامل الغنامي]

المبتدي
حنى بغينا الي على الطاروق ياصامل حدوك=ولافيه ظني مشكله عسى المشاكل ماتعود

والباقه الي تنسفط منهاالنشا ماعطــــــــــروك=الي مطرشهاعلى الوسطامن اطراف الحدود


صامل

ياشينها ياشينها لاجيت ربعك ثم جفوك = والمشكله فيهم جلافه زايده يابن الفهود

عان الجمال معقله ومقيده وايضا بروك= لاعاد تخشى يابن عمي من رموح ولاهبود

[صامل الغنامي]

صح بدنك ... وحياك الله

[صامل الغنامي]

الوافي-925 / صح بدنك ... وحياك الله

أرحب ياصبي يام

شكراُ لمرورك العذب

[صامل الغنامي]

ابن نعيس / صح بدنك ... وحياك الله

شكرا لتشريفك

[فهيد مقعد الرويس]

استلم

وشلون وانته تقضي الازم ليامنهم نصوك’’’وخل النعومه ياوسيع العرف لغضاض النهود

مع الجمال اجمال لونك تخفى شاهـــدوك’’’اظهر واناماشيل هم ان عودة زيدوحمود

[صامل الغنامي]

ا ستلم يالخشن

هاذي تراها الثانيه وافلح بها وانحش لبوك= تقدير لاسم المنتدى وان عدتها دنة رعود

يا المبتدي لاتعتدي تصعب على مثلك ياخوك = السيل جاك انحش وراك اطلع على راس النفود

[فهيد مقعد الرويس]

استلم لاهنت

هذي منول تنصرف واليوم يعني هات دوك’’’تفرض على الي ساعة الوقفه لياشطت شرود

والمنتدى محفوظ تقديره حسن سيروسلوك’’’والمعتدي شارون مهوب ابن عمك يالجحود

[صامل الغنامي]

00000000000000000000000000000000000000000000000000 000000000
تغلط على ربعك وتذيهم ولو ماناغشوك = وتنظر عضودك فـ المرايه ثم فتلت العضود

غلطان يامرزوق واحلف لك بربي غلطوك = قلته وانا لاخايف منك ولا أبغا منك فود

[فهيد مقعد الرويس]

ماقلت لونص الحقيقه والعرب ماوكلوك’’’لانت ابتمثلها ولاتنعد من ضمن الشهود

وجهة نظر والناس غاري كلهم لوصدقوك’’’مادام وصلت للمحالف صك بيبان الردود

الاخ صامل

تصبح على خير

[صامل الغنامي]

الليل توه لاتنحاش00 والا غلق الي حفظوك إياه
حطوك مرسال الردى هاذا أختصاصك وظفوك = يالجندي المجهول ذي شغلتك من بين الجنود

يامستخف في عقول التاس صادوك ولقوك = أصعد جبل وانطح هوى ثم غن 00يامل00 اوجود

[فهيد مقعد الرويس]

ماضريتها بالذله
انته مضرن بالرداعود على الى وهقــــــــــــوك’’’نعرف مغاشيش الضماير والنوايا السودسود

اهل العقول الراجحه تهرج معي وانت اسفهوك’’’واليا تغنينا نداوي اكبود واندمي كبود

[صامل الغنامي]

شفت انك مخفه كلمه تجيبك وكلمه توديك00 لاتزعل بس ثم أهجدك

أنا عتيبي وأعتبر 00برقا00 وروق 00 أبناء ملوك= ماسمح لحد يدخل حماهم وانت بواق العهود

ياهرجتي وشلون عميان البصاير فسروك= والركن لو تنساه مايكفي عنه حتى السجود

[صامل الغنامي]

الليل الليل الليل الليل الليل الليل الليل الليل

صناعة صاروخ 000 قفل الباب لااحد يطلع يامرزوق

[صامل الغنامي]

فرصه أخيره خمس دقايق إذا مارديت برد على نفسي

[فهيد مقعد الرويس]

المخفه والله خابره ربي

والزعل ماوصلت لازعل

انته مع الهيلا على سطح القمرمانزلوك’’’وانا حفضت اعهودها والحبل مثني ومعقود

تبى تعدلها تظلم والاوادم ماظلمـــــــوك’’’والله يديم الامن والامان في ظل السعود

وليتك تراجع البيتين الي جرا تعديلها الشطر الاول من البيت الثاتي

وادعوا امزوح تجي وتروح ياصامل

وفمان الله

[صامل الغنامي]

00000000000000000000000000000000000000000000000000 00000000000
يالمبتدي حضك ردي في حرب صامل ورطوك = تعال ابا أعلمك وشلون التحدي والصمود

لاوالله الي طحت ماسمو عليك اليرسلوك= عزاه ياعقول التخلف والتحجر والجمود

[مقعد الدغيلبي]

صحت
اللسنتكم
ياعتابه
وخلوا
الطلوع
سنوووووووووود
تحياتي للجميع

[مرزوق حمدان العتيبي]

...
.
الدعوى محاوره وتسليه ياعيال العم
ماتستدعي هذا الشد العصبي ...
وسعوا صدوركم الله يعطيكم العافيه مثل ماامتعتونا ببيوتكم
الجزله ...
مودتي وتقديري ...

ملاحظه فقط
غلطان يامرزوق واحلف لك بربي غلطوك.... قلته وانا لاخايف منك ولا أبغا منـك فـود

مرزوق في هالبيت منهو؟ لاني اشوف الشاعر المحاور المبتدي
الا اذا اسمه مرزوق ..... سؤال ابي اجابته من اخوي الغالي صامل ...

لتوضيح هذا الاشتباه فقط

[الايداء1]

,

,,

الأخوين القديرين

المبتدي & وصامل الغنامي

أرى أن المحاوره خرجت عن المضمون
بالتعليقات اللآذعه التي لاداعي لها ولا يجب
أن تكون في صفحة المحاوره .
.
كذلك أرى أن لا يكون الشعر مصدر أزعاج
من الشعار للمتابعين ممايفتح عليهم
باب النقد ممن يقيمون الشعر
ويعرفون معانيه .

آمل أن نرى محاوره تليق بكم كشاعرين
وتليق بالمنتدى التي تتحاورون به ,,

لكما مني كل الود ,,

[فهيد مقعد الرويس]

مقعدالدغيلبي\\مرزوق\\ الايدا

(ولاغلق الي حفظوك اياه)

هذي الي اتعذرني منكم يابني عمي فيه ابشع من هالاتهام الي انا متأكد ان ماحد فيكم يقبله

بغض النظر عن شاعريتكم لانه تعدا حدود الشعر الى المساس بالشخص نفسه وانا وجميع عاقل ضد

هالامور التي لاتمت للشعر بصله وانالارى اني تحاملت في ردي على بني عمي الباقين ولاجيت

للمنتدى اعتابه الا ادور الاناسه والاستفاده من الشعرا العمالقه خصوصن واني حديث عهد بالمحواره

والشاعر مهوب غاوي الكلام هذا قبل اقوله علشان كذا انا مقل من العب ولااطلب الاالشخص

الي اثق من سعة ادراكه وقوة شاعريته

بدت عاميه وانتهت فصحى

ولكم جزيل الشكر والتقدير

[مرزوق حمدان العتيبي]

...
.

اخي الفاضل المبتدي..
انت والاخ صامل شعار كبار واخوان وعيال عم
والمحاوره لابد ان يكون فيها شوي من الحماس والشد
والاخذ والعطاء .. ولا لاحقنا فيكم شك ... فعند انتهاءها ينتهي كل شي ..
ولكن هناك اناس بصماتهم السوداء موجوده في المنتدى
يحاولون عن طريق الرسائل الخاصه بعد عن نبذهم المنتدى واغلق عليهم الطرق
الايقاع
بين عيال العم وبث سمومهم ... وأنا لهم ذلك ...
اتمنى الانتباه لمثل هذه الاشياء ..

[صامل الغنامي]

مقعد الدغيلبي00 صح بدنك ... وحياك الله

وأبشرك صعود وللعلالي

ماهي على أولاد النعيري غريبه /// أهل الحميه والكرم والشجاعه

تحياتي

[صامل الغنامي]

ابن العم مرزوق (أبو محمد) تحيه بهيه 0 وأشواق قلبيه 0وموده وفيه

رجائكم مقبول 0 وسؤالكم مأمول0 والشك سيزول

00000000000000000000
أما المقصود من كلمة (مرزوق) التي وردت في البيت سالف الذكر

فليس القصود منها اسم 0بل قصدت بأن الشاعر المبتدي 0ملهم ومرزوق من ربه

ولو فرضنا أن المقصود مرزوق العتيبي مثلا فأعتقد أنه ابن عمي وأمون على اسمه

أتمنى أن يكون قد زال الإلتباس00 تقبلو تحياتي

[صامل الغنامي]

إبن عمي أبو تركي (الايداْء) رأيك هو الصواب 0وعدم رضاك عني هو العتاب


أعتذر الى جميع أبناء العم وجميع الأعضاء والزوار من جميع القبائل والعوائل

وأقول لكم لولا سعة صدوركم لضقت ذرعا من الإعتذار 0 وأستميحكم عذرا

عما فات وأعد بإصلاح ماهو أت 0 تحياتي للجميع

[مرزوق حمدان العتيبي]

ولو فرضنا أن المقصود مرزوق العتيبي
مثلا فأعتقد أنه ابن عمي وأمون على اسمه

اشهد بالله انك تمون ياصامل ...
وادام الله على الوجود بقاءك لمايحبه ويرضاه انت ومن يمر على هالصفحه ..
لاهنت على التبيان .... وجمل الله مساعيك ..
لك من اخيك وافي التقدير والاحترام ....

[صامل الغنامي]

الشاعر العلم المبتدي 00 لما هذه الحساسيه الزائده يارجل والكره في مرماك

الكلمات التي كنت أرميها عليك هي فقط لشن حرب نفسيه لإيقاف زحفك وتقدمك

والخروج بأقل خسائر 000 أعاتبكم على ماكان منكم /// عتابا ينقضي والود باقي


تحياتي المحمله بتيارات الإعجاب بشاعريتك

كن بخير بمشيئة الله

[فهيد مقعد الرويس]

حياك الله يابن العم

الله واعلم الكره في مرماي ولافي مرماك يالهداف هههههههههههه

والدعاوي من السان وجاي مايلحق العاقل شك في ذلك

تحيه طيبه

[مقعد الدغيلبي]

ماعليك زود ياصامل
والشك عنكم بعيد

ألاسم واحد كلبونا عتيبه=والصف واحد والرفاعه رفاعه

[الايداء1]

,
,,,

الأخ صامل والمبتدي

يعلم الله أنّـــا فخورون بكم

وبأبنا عمومتنا جميعاً وأنتم أهلاً

بذلك ,