طاحت مثل ما طاح بـرج التجـارة

[ابو ضيف الله]

الله لا يجـزاك ياسـوق بالخـيـر =أنا اشهد انـه راح مالـي خسـارة

عوّدت اجر الصوت عقب المخاسير =واقول انـا مالـي ومـال التجـارة

اصبحت عقب المال مديـون للغيـر =وعقب الجيوب اصبحت راكب غمارة

والراس شيّب واشتغـل بالتفاكيـر =والفقر في بيت الغنـا شـب نـاره

والراتب أقسـاط وايجـار وفواتيـر =لاعندي ارض ولا بملكـي عمـارة

رحنا ضحايا فـي يديـن الهواميـر =الحـظ تـارة والهواميـر تــارة

في سوقنا الغاشـم أكلنـا خوابيـر =سوقٍ مع الهزة تناثـر غبـاره

الشعب صاروا في صفوفه طوابيـر =لكنـه أعلـن للجميـع إنهـيـاره

هـذي زراعيـة وهذيـك تعمـيـر =طاحت مثل ما طاح بـرج التجـارة

قلنا يبي له وقـت ويصيـر تغييـر =يرتـد وضعـه ويتعـدل مـسـاره

لكن تعلقنا ... ويالله عسـى خيـر =مادام راسك حـي مابـه خسـارة

الشـاعر خالد الزهيري

[الــوآفــي]

مادام راسك حي مابه خساره


اختيار رائع يابو ضيف الله


اخووك

[ابـن نـعـيـس]

رائعه من رائع


لاهنت


تحياااااااااااااااااااااااااااااتي

[فهيد مقعد الرويس]

صحيح سبقنا عليها ذيبان

مادام راسك حي مابه خساره

لاهنت يابوضيف الله على حسن الاختيار

وصح السان شاعرها

تحيتي وتقديري