قصيدة الهذيه الدوسري

[الدوسري]

بسم الله الرحمن الرحيم
هذه قصة الشاعر الهذيه ابن شيبان الدوسري ارسلها الى مترك ابن قويد [شيبان] بعد غزوتين اتت على الدواسر في عام واحد وكانت متقاربه احداها على المساعره والاخرى على المخاريم والغزو من قبايل يام فقتلوا منهم شيخهم بصيص وخاله السيلمان فقال الهذيه هذه القصيده

قم يانديبي ورتحل عمليه............نقش العقيلي ينبهه فقارها
تلفي لنا ريف الهشال مترك.........اميرنا اللي عارفاًوقارها
شيخاًعلى شيخاًمورث شيخه.......مهوب من اللي شيخته يعتارها
حييت يامن سفرته مركيه ...........لاعلقت بعض السفربغبارها
جمع عصياًوفتكر في كسرها......وفرق عصياًمن منا كسارها
يازينكم يمشي سلفكم واحد .......حتى العدوا منكم يجيه اذعارها
لاصاح في عالي الجذيبه صايح.....لازم تجيه اعيادها ومهارها
ياهيتيناًفي زمان واحد................ مايستحي من عدها ذكارها
جانا سلامه من جنوباًصايل ..........يبغي صخاف الشول في مصدارها
وعين هل البل حاضريناًعندها ......وقاموا بحق ازيارته اللي زارها
ياما رعا في سدها من فاطر ........يعجبك غب الكون صك صرارها
ماخليت شيب المناكب عفه............فالقفر ترعى دقها وعشارها
يكون خوفاًمن سيوفاًدرب ............وموصلاتاً من منا دفارها
ياما ومن في سدها من خايف.........جر المويلي يوم شاف اثارها
خمسه وسبعيناًغدوا في شقه........ماعاديحصي دفانها قبارها
ياذيب لاتاكل لحوم بصيص............والا اللحوم الباقيه ودارها
خله وخل السيلمان اهل الصخا ......كبار الصحون ومكرمة خطارها
زلت علوم اهل الجنوب وزلفت .......وجتنا علوم اهل الشمال اذكارها
ياقوم ما قوادكم بمشبب ........والله انكم امحق من تعلا كوارها
ياقوم طحتوا في مورث سالم........لاد المنيعي مرخصت عمارها



ولكم مني كل الحب والاحترااااااااااااااااااااااااااااااااااااااااام

[ابن مشيب]

ياذيب لاتاكل لحوم بصيص............والا اللحوم الباقيه ودارها
خله وخل السيلمان اهل الصخا ......كبار الصحون ومكرمة خطارها
المذكورين اعلاة هل هم دواسر او من يام , لان الصورة لم تتضح عندي.

ونعم والله فيكم يالدوسر من غير قاصر في الجميع.

الف شكر اخي الدوسري على هذة القصة والقصيدة الرائعة والمعبرة في نفس الوقت.

ولي طلب صغير , سمعت قصيدة لشاعر دوسري نسيت اسمة وهو مشهور عندكم يالدواسر , ولكن اكثر قصائدة في الابل والربيع , اتمنى اذا عرفت الشخص ان لاتبخل علينا بقصائدة المتميزة.


تقبل تحياتي , اخوك:
ابن مشيب...........الشيباني العتيبي.

[الهيلاء]

حي الله الدوسري وحي ماجاب

يا شبه صفراً مع ابن قويد
شيخ الدواسر هل الوادي

ونعم بالاد زايد
وجودك يشرفنا

ابن مشيب
الظاهر انك تقصد الدندان والله اعلم

[الدوسري]

بسم الله الرحمن الرحيم
الاخ ابن مشيب والاخ الهيلا اما بصيص فهو من شيوخ يام والسيلمان هو خاله وذكر الشاعر لكرمهم وجودهم دليل على الشهامه وذكر فعول الطيبين حتى ولو كانوا اعداء
اما الشاعر الذي تسألني عن اسمه فالشعراء كثير ومن ضمنهم كما ذكر الاخ الهيلا الشاعر الكبير الدندان وهو من جهبذة الشعر خصوصاًفي وصف الابل وهو من الحرارشه من الرجبان وقد كتب عنه احد المستشرقين الهولنديين الذي عاش معه فترةً من الزمن والف عنه ثلاثة كتب اخرها كتاب بأسم [البدوي الاخير]عاش مع قبيلته في الصحراء مع ابله التي كان من اشجع الفرسان في الذود عنها ولم يتزوج وتوفي قبل ثلاث سنواتومن قصائده
يالله ياللي كريم اعراك ماثوقه........ياغافر الذنب ياخلاق ياهادي
اطلبك ليلاً سحلبه خايط افتوقه......كن التهامي حماره فيه منقادي
نوه اعروضاًيشوق الناسببروقه.....واللي يشوفه يضنه ماقعد وادي
تفرح به اللي لجر الصوت مطفوقه......خطوات سوداًسناداًحجزها بادي
اثفانها ماتحس البطن وصفوقه......مثل الجمل عينها في كل مقادي
فجحاًمن الرجل سودا اللون معنوقه......كن راسها بادياً فالرجم بينادي
عريضة المتن تشرب كل مبنوقه.......تركا نهل حوضها في يوم الارادي
ترزم الى اوحت صبيب الدلو مشلوقه.......تذرع وتفرع ولا للضرب تنذادي
لاوردت هارباًماهيب ملحوقه.........تزله وتمله لو أ ن احوارها غادي
تبرا لقلباًتورد كل مفتوقه ......تقضع شكايم لعنه تحت الاولادي
لا لحقوا البل على الدخان مسيوقه ......مثل الحديا بمركاضاً ومسنادي
تركض على الموت الاحمر لا احتمى سوقه...لا جا لعج المك فالجو عمادي
والجيش ديست وقحص الخيل ممحوقه .....والنهزم مقطباًتبلاه طرادي
تلافتت للعزاوي كل مشفوقه.......وترايعت يوم توحي صوت الاجوادي
هذا منيعاًوذا الطير انتكس فوقه....وهذي قليعاًبطلع الحبل تنقادي
وان جا نهار يشوق العين بحقوقه......يوماًعبوساًيفتر دفر الازنادي
صك الجمل بالحديد وركدوا سوقه....ينطح جموعاًتسير بغير عدادي
دواسراًكل فعلاًفعلهم فوقه........الاد زايد هل العيلات والقادي
كم بندراًمحتميناًبالقنا سوقه...........مثل السليل مع الافلاج والوادي

ولكم مني اجمل الاماني

[ابن مشيب]

مشكور اخي الدوسري على توضيح الصورة , وكما قلت هذة من عادات العرب ان يمدح راع الطيب ولوكان معادي , فمن عادات العرب انهم يذكرون الي لهم والي عليهم.

ومشكور على زيادة معلوماتنا بهذا الشاعر العملاق الدندان , وتشهد له هذة القصيدة , التي هي في قمة التميز , ولكن قصدي ليس هذا الشاعر الذي اقصدة في العصر الحديث وكان على قيد الحياة لوقت قريب ويمكن مازال على قيد الحياة الله اعلم , ولكن ان ماخانتني الذاكرة انة ابن قويد , وايظن يذكر في قصائدة القهوة.

[الدوسري]

بسم الله الرحمن الرحيم
الاخ ابن مشيب المحترم
لا ادرى من تعني من الشعراء علماً بأنهم كثير والقوده اغلبهم شعراء ومن ابرزهم الامير شارع ابن قويد والامير دخيل الرديني وايضاً الامير شيبان ولعلك تذكرني ولو ببيت من احد قصائد الشاعر حتى نستطيع ان نصل اليه وبالتالي نكتب جميع ما نعرفه عنه لعموم الفائده ولك مني اطيب الاماني

[^المقاطي^]

حي الله الدوسري
وتسلم على القصيدة.. وحبيت اعرف سبب عدم وجود موقع على الانترنت عن قبيلة الداوسر!!

[الدوسري]

بسم الله الرحمن الرحيم
الى الاخ المقاطي مع التحيه

هناك اكثر من موقع على الانتر نت للدواسر اذهب الى مواقع الانساب والقبائل في اي موقع وستجده انشاء الله
لك مني احلى الاماني

حنا بني زايد وساع البنايد....صوارماًطير السعد يبرالها
حمراًمضاربنا بروس اعدانا........لامشعت بين الرجال اسلالها
ومن كان يبغي ينتصر بلسانه....حنا بضرب ايماننا نحتالها
قم يانديبي وارتحل عمليه.....يعجبك ياركابها سربالها
لاروحت من ديرة الزايديه ......تلفي على قوماًيضل اضلالها
....... لاذكرة افروع القبايل.. يانعم بالاجناب لاجا مجالها
نوخ الى من جيت بيت اميرهم ....وسلم على خيالها رجالها
وسلم على منكان فيه نعاره.....اللي ثقيلات الحمول ارتكالها
ياكاسبين العز جانا منكم ......كم خامله شفنا الردا من خلالها
من شاعراًيضرب بزيره عندكم ...نفسه على الدرب الخبيث امهالها
يقول في سمحين الوجيه ال زايد...هرجة ردى ماغيره احداًقالها
ونتوا معرفتكم تكذب مقاله .....لاصحصح البين وراح اخبالها
جادوركم ياكاسبين النفايل.....وين انت يافتالها حلالها
تقدموا بالراي والميز والذكى ...قبل النفوس ايبيعها دلالها
ياشين ذاك اليوم في حومة الوغى..مجازراًتكثر يتامى طفالها
منا ومنكم والصحيح اقوله ...والغيب خلف ايامها مع ليالها
اما خذينا الطايله ونتصرنا...والا تساوينا بذي ومثالها
حنا هل الوادي معفين المدر ...كالغيث يسقي الارض بعد امحالها
نرعا بحد السيف وندوس الخطر...وبلادنا حنا قمرها هلالها
ترسي رواسيها بفعل ارجالها ...ونعدل العاصي الى من جالها
هاذي مواقفنا وهاذي افعالنا ...ياللي طواك الياس حط ارحالها
خل المزابد والمهابد وفلح ....وترك شغاميم الرجال وفالها
ان كان فيك من الرجال طبيعه ...فترك معاياها وهات جزالها
تمت بختمان الصلاة على النبي..0.ما لاح برقاًفي رفايا خيالها

ولك مني احلى الاماني اخي المقاطي

[^المقاطي^]

حنا هل الوادي معفين المدر ...كالغيث يسقي الارض بعد امحالها

صح لسانك وياليت لو تعطينا على الاقل نبذة عن قبيلة الدواسر وديارها

[الدوسري]

بسم الله الرحمن الرحيم
الى الاخ العزيز المقاطي
قبيله الدواسر غنيه عن التعريف عند قبايل نجد فهي تحتل الجزء الجنوبي من نجد ولها صولات وجولات مع بقية القبئل وكل من لديه اهتمام بتاريخ الجزيره العربيه وحركات قبائلها فأن قبيلة الدواسر سوف يكون لها الحض الاكبر من حيث الشهره اما موقع القبيله فهو وادي الدواسر والسليل والافلاج والخرج ويتبع لهذه المدن بقية قرى المنطقه اللتي تقدر بالمئات فالدهناء تحدهم من الشمال وبني رمح تحدهم من الجنوب وقوز الشريف يحدهم من الغرب ويدخل في حدودهم من الشرق معضم مراعي الربع الخالي وقد شهدة لهم هذه المناطق بوقعات كبير ومعارك ضاريه مع معضم قبايل نجد فمن الشمال حصل بينهم وبين العجمان وسبيع ومطير كثير من الحروب ومن الشرق حصل بينهم وبين المره والهاجر وغيرهم من قبايل المنطقه عدة حروب ومن الغرب فأ الحروب تكون بينهم وبين عتيبه وقحطان ومن الجنوب الصيعر ويام ودهم وغيرهم من القبايل
وتعتبر مناطق الدواسر من اجود المراعي في منطقه نجد ومن اخصبها للزراعه ومن اوفرها للمياه فالدواسر اهل باديه واهل حاضره فأذا جاء القيض قيضوا في غروسهم واذا اتا الربيع خرجوا الى المراعي
قال شاعرهم
حضراً ًليال القيض ون جا المخاضير بدواًنطرد فالوسامي زهرها
ولك مني احلى الاماني

[^المقاطي^]

والله ونعم فيكم..

ويقول الشاعر القثامي العتيبي:-
وجنوبنا وادي الدواسر نزلناه وشمالنا يم المدينة يميني


وشكرا على الرد

[الدوسري]

الى الاخ المقاطي ماعليكم زود

والوادي ما نزله غير اهله