محاورة جرت بين الشاعريـن سعيـد الفهـري وحبيب العازمي .... مكتوبة

[الذيب]

محاورة جرت بين الشاعريـن سعيـد الفهـري
وحبيب العازمي بمحافظة الطايف لعام 1425هـ
.
.

ســـعـــيـــد الـــفـــهـــري
.
.
ياسلام الله سلامً على النهـج الصحيـح=من ضميرً يدرك ان افضل الشعر اعذبـه
يا حبيب لو بقي (لتر) في ديس المنيـح=واستغاثك عود عطشان يمكـن تشربـه
.
.
حـــبـــيـــب الـــعـــازمـــي
.
.
مرحبا من صافي القلب ولسـانً فصيـح=والعباره للقصيـد (اعذبـه) والا اكذبـه
اللبـن ماينفـع العـود خلـه يستريـح=والشقـاوي مالـه الا نصيبـه واتعبـه
.
.
ســـعـــيـــد الـــفـــهـــري
.
.
اشغالونا اهل الدعايات باسعـار الفتيـح=والفتيحي معـه قرشيـن وآلـه حاسبـه
كل مسلم خاف رب البشر مـا يستبيـح=شي ما هو من حلالـه ولا هـو بسببـه
.
.
حـــبـــيـــب الـــعـــازمـــي
.
.
كل شي الا الذهب مير سعره مـا يطيـح=و الغني من الذهـب يكنـزه مـا يجلبـه
يا سعيد الطيب اللي علـى هبـات ريـح=ان لفيتـه وجـبـك ولفـالـك وجـبـه
.
.
ســـعـــيـــد الـــفـــهـــري
.
.
وان غدرك الوقت يا طير شلوى لا تصيح=يمدي التاريـخ عبـا رفـوف المكتبـه
كل ما هبـت عليكـم مـن الايـام ريـح=كل طيب مـن يمينـه ودقنـه واشنبـه
.
.
حـــبـــيـــب الـــعـــازمـــي
.
.
الكريم اللي عطاني وانـا مانـي شحيـح=وانت كبر واحسـن الظـن والله اطلبـه
كثروا العشاق كـلً يقـول انـي جريـح=واجد اللي يلبس الثـوب واللـي يقلبـه
.
.
ســـعـــيـــد الـــفـــهـــري
.
.
نعرف الوجه المبشر من الوجـه القبيـح=يمدي السكيـن تاكـل قشـار الحبحبـه
كثرة الغلطات واللي بقاء عيسى المسيـح=لو نزل في الارض طبعاً يقـوم بواجبـه
.
.
حـــبـــيـــب الـــعـــازمـــي
.
.
الحليم اليا غضب محتمـل سـده يبيـح=والحكيم اليا غضب فتقوا شـر اغضبـه