المساعد الشخصي الرقمي

مشاهدة النسخة كاملة : الليل يامطفين الأنوار ماعاد فيه نوم00000000000

مقعد الدغيلبي
01-Jun-2006, 01:10 AM
الله يمسيكم بالخير جميعاً
والموالي سداد مافي الاخوان تخّير

الليله الليله نجيب علوم ونثبت فعول=واللي ماهو صاحيلها لابد مايصحالها
الليل والميدان والسيف المحنا والخيول =والنار من شبابها والخيل من خيالها
فهيد مقعد الرويس
01-Jun-2006, 01:21 AM
الله الله

صح السانك

يامقعد

وننتظر احد الاخوان

تحيتي وتقديري
لاندكروزر
01-Jun-2006, 01:25 AM
الله الله



رااااااائع يا مقعد

صح لسااااااانك وانا في الصف


ننتظر الشاعر الاخر


الجيب
مقعد الدغيلبي
01-Jun-2006, 01:29 AM
أرحب
يالمبتدي
وصح بدنك
تحياتي
مقعد الدغيلبي
01-Jun-2006, 01:30 AM
هلا وغلا
ياسمي الجيب
ولاصرت في صفي
أزهلهم يالانـــــــــد
************
مقعد الدغيلبي
01-Jun-2006, 02:40 AM
ألظاهر
أن الربع نايمين
من المغــــرب
يامال نومةأهل(00000)
والا تدري مايستاهلون الهيلا
الفراهيدي
01-Jun-2006, 02:56 AM
الله الله الله

صح لسانك يامقعد الدغيلبي

ولاهنت
مرزوق حمدان العتيبي
01-Jun-2006, 11:28 AM
...
.
ارررررحب يابو فيصل

سوري على التاخير واستلم يابعد راسي
..

حييت ياراع الجواد اسمع عسى عمرك يطول = عطنا العلوم اللي براسك دقها وجلالها
الملعبه بيبانها محد ٍ جعل فيها قفول = ياشعيل جهزنا الحمول اللي عسى تشتالها
سعد بن مطلق المقاطي
01-Jun-2006, 11:34 AM
صح لسان
الشاعران
مقعد
والمدير
تحياتي
فهيد مقعد الرويس
01-Jun-2006, 02:37 PM
ياسلام يابو محمد

صح السانك

من جا مابطى

تحيتي وتقديري
مقعد الدغيلبي
01-Jun-2006, 03:01 PM
البقى ولاهنت ومعذور يابو محمد وستلم

أنا أدري أنك من رياجيلٍ طحاطيح وزحول=ربع(ن) يضلل يالعتيبي فاللزوم أضلالها
ودي أنها حامة على روس الدواسر والسهول=لاكن يامرزوق هات من العلوم أجزالها
مقعد الدغيلبي
01-Jun-2006, 03:06 PM
الفراهيدي
وسعد الكريزي
تعطرة الصفحه
بحروفكم
كل الود لكما
لاهنتوا على المتابعه
مرزوق حمدان العتيبي
01-Jun-2006, 04:10 PM
...
.
يامرحيا بالجميع اللي نوروا الصفحه
حيا الله كل ٍ باسمه ..
..
..
مرزوق حمدان العتيبي
01-Jun-2006, 04:16 PM
..
الله الله ..
...


وانا ادري انك من رجال اتطول في ساعة تقول = اللابه اللي بالوغا كل ٍ شهد لافعالها
وراك ما حددتها من شان لاننزل نزول = لوكان حددت الوسيمه صاحبك ما جالها
مقعد الدغيلبي
01-Jun-2006, 04:44 PM
ههههههههههههه
صح اللسانك مليون يامديروستلم

ماراح يامرزوق خله وانت تدري بالوصول=خيّل خياله من وراكم والبرد بخيالها
يأهل القلوب الطيبه يأهل النظر يأهل العقول=أم اليتاما حلقة بالموس روس عيالها
مقعد الدغيلبي
01-Jun-2006, 04:49 PM
يابو محمد
أنا يمكني اطلع
ولاني راجع الا متأخر
للاحاطه جرى التنويه
ولاهنت0000000
مرزوق حمدان العتيبي
01-Jun-2006, 05:09 PM
..
.
وانا كذلك يابو فيصل ..



ماراح جعله مايعود .. ولاتبيّن له فلول = والبنت تبقى في حماية عمها واخوالها
يا اهل القلوب الطيبه يا اهل المبادي والحلول = مال الحمول الكايدات الا ظهور اجمالها
صامل الغنامي
01-Jun-2006, 06:04 PM
ياسلام ياسلام ياسلام 000000000 محاوره كبار ونقض وفتل عالي الدقه

مقعد الدغيلبي

مديرنا الغالي

واصلو ا وامتعونا
مرزوق حمدان العتيبي
01-Jun-2006, 10:06 PM
...
.
مرحبا ياصامل ...
تشرفنا بتواجدك يابن العم ..
..
.
اللطّــام
02-Jun-2006, 09:07 AM
الجـــزاله اتحصلـــــــــها هنيّــــــــــــــــا صحت السنتـــــكم
مرزوق العتيبــــــي & مقعــــــــد الدغيلبـــــــي
تحيــــــــــاتي
مرزوق حمدان العتيبي
02-Jun-2006, 10:42 AM
...
.
..
ماعليك زود وصح بدنك ياللطام ..
شرفتنا بحروفك ..
...اخوك ...
الــوآفــي
02-Jun-2006, 02:52 PM
الله عليكم يالاد النعيري


صحت السنتكم يالنشاااما



اخووووكم
مرزوق حمدان العتيبي
02-Jun-2006, 03:55 PM
...
.

ماعليك زود يابن ذايب ..
جملت الصفحه بحروفك يابن العم ..
تقديري ..
..
..
نبض المشاعر
02-Jun-2006, 04:32 PM
يا اهل القلوب الطيبه يا اهل المبادي والحلول
مال الحمول الكايـدات الا ظهـور اجمالهـا


صح السنتكم ياشعاررر

اسجل بصمة اعجابي
مرزوق حمدان العتيبي
02-Jun-2006, 10:14 PM
...
.
مرحبابك يانبض المشاعر ..
يشرفنا اعجابك ... وتواجدك .
...
كل الود ...
فهيد مقعد الرويس
02-Jun-2006, 10:33 PM
مدير مع شاعركبير

اكيد جمهور غفير

صحة السنتكم

احترامي
مرزوق حمدان العتيبي
02-Jun-2006, 10:35 PM
...
.

صح بدنك ياعصابة راسي..
تشرفنا بوجودك ..
...
كل الود ....
الايداء1
03-Jun-2006, 12:25 AM
.
,,

هذي الصفحه غيييير

فيها الآد النعيري ... وهذا

أنأ مرتكي مقابل الشعار

ونبا نتعلم من المحاوره الجزله ,
ابـن نـعـيـس
03-Jun-2006, 01:10 PM
صح السنتكم


واصلوووووووووو


طاروووووووووق ومعني رائع
مقعد الدغيلبي
04-Jun-2006, 12:06 AM
صح اللسانك يابو محمد
واعذرني على التأخير /أختبارات ومثلك عارف
وســــــــــــــــــــــــــــــــــــــــــــــــ ـــــــــتلم

أمسيلمه كذااااب لاهو لانبي ولارسول=وانته تميز فالحمول أخفافها وثقالها
عان الذيابه شارفت وعيونها يم الذلول= أما تعشى كبدها والا تعشى طحالها
مقعد الدغيلبي
04-Jun-2006, 12:09 AM
كل الود
والأحترام
والتقدير
للـــــــي
مروا
من هــــــــــــــــنا****************
علي الثبيتي
04-Jun-2006, 12:10 AM
ابو محمد وابو فيصل صحت السنتكم على الابداع
مرزوق حمدان العتيبي
04-Jun-2006, 10:27 PM
مسيلمه كذاب واللي يستمع فيه مهبول = بعض العرب مع شين نيتها يبين اهبالها
مادام مقعد وسط باله شي نسمع وش يقول = ولا الذيابه ماتخوفنا بهز اذيالها
مرزوق حمدان العتيبي
04-Jun-2006, 10:28 PM
...
.


الاخوان جميعاً صحت ابداكم..
والف شكر لكم على تواجدكم
...
...
مقعد الدغيلبي
08-Jun-2006, 10:46 AM
الله يبارك فيك وانته علمك إلاقي قبول= يومن بعض الناس ماتسّمع كثير اقوالها
أسبح بحر وأبعد نظر واترك مدققت الطبول=لاتبتلش ياصاحبي بقفايها واقبالها
مرزوق حمدان العتيبي
08-Jun-2006, 11:20 AM
...
.

الله الله يابو فيصل .
الحمدلله على السلامه :)


وانته بعد قدرك على متن السحاب اصبح يجول = يوم ان غيرك له هدف بين العرب مانالها
يمكن تزول اجبال لكن الطبايع ماتزول = بعض العرب من مجتمعنا ليت ربي زالها
مقعد الدغيلبي
08-Jun-2006, 11:38 AM
ههههههههههههه
أبك أنت متى رديت
خابرك منت موجود
ماقول الا الله يسلمك
وصح اللسانك ووش تبيني
أقول بعد أبيوتك يابو محمد
ماعاد عقب الجزاله شي
وانت معلم يامرزوق يستفاد
منه الكثير والكثير
تحيااااااااااااتي
ناصر الدغيلبي
09-Jun-2006, 12:17 AM
السلام عليكم ورحمة الله وبركاته صح لسانك يا مقعد ولا يهون المدير محاوره قويييييه نتمناء المزيد منكم واعذرونا على الحضور المتاخر بسب دوام اخر الليل الشركه
مقعد الدغيلبي
09-Jun-2006, 05:21 PM
ارحب
ياناصر
حي هالطله
ولاتكثر الغياب
ترى مرزوق
ماعنده الا قرار فصل
انتبببببببببببببببه
مرزوق حمدان العتيبي
09-Jun-2006, 09:27 PM
...
.

صح بدنك يابو فيصل .. ماعليك زود
ومن مثلك نستفيد .....
...

الاخ ناصر مرحبا هيل عد السيل..
نورت المتصفح ومثل ماقال مقعد الغياب غير مسموح :)
....
كل الود ......