الا يا منتدى الهيلا عطونا حقنا مدبول..

[لاندكروزر]

الا يا منتدى الهيلا عطونا حقنا مدبول=دخل في صفحتي واحد وقام يقلّب النيه

قلب موضوعنا شكوى وصار الحذف يا مسئول=لماذا يحذف الموضوع والاخطاء فرديه

[صخر]

والا ياعتيبه الهيلا متى يعقل هذا المهبول=يفرق صفنا ويجر جنبه كنه الحيه
يذم الشاعر اللي بيننا في المنتدى مقبول=ويلحق حسنته بين النشاما والعرب سيه

[نبض المشاعر]

صح لسانك صخرر


انا معااك يالغالي في صفك ولايهوون لاند

[ذيب الشيباني]

الشاعر الكبير ذيب الشيباني
صح لسانك ولكن المحاوره قائمه بين لاند كلوزر وصخر
يظهر انك رديت قبل تشوف رده
والله يعطيك العافيه

الاداره

[صخر]

صح لسانك صخرر


انا معااك يالغالي في صفك ولايهوون لاند


صح بدنك نبض المشاعر
وجودك بصفي ينومسني لاعدمناك

[لاندكروزر]

استلم يا صخر



اظن الفزعه العمياء تجيبك ما سمعت القول=ولا تدري من اللي يسحب الفتنه بأياديه

انا ما اذم احد لا تقلب الكلمات يا مبدول=وتراني عارفٍ وسمك يابو نجمه سداسيه

[لاندكروزر]

الشاعر ذيب الشيباني


تمنيت ان اكمل الطاروق معك لأنك تمشي معي على المعنى ولكن صخر سبقك بالرد


لذلك استميحك عذراً


لاندكروزر

[صخر]

سمعت القول يامهبول ياراع العيون الحول=وشفتك تشذب عيال الحمايل ياهذا العيّه
لاتنطقها وتنكرهاوتخلف هرجك المنقول=بعد ماطيروه عن العيون وجات سريّه

[الايداء1]

,

,,,,

صحت السنتكم ,,

أرقو سنووود ,,

[لاندكروزر]

انا رديت للشاعر هجومه ثم جبت القول=وتقلب مقصدي انت وصديقك دون احقيه

كلامي ثابتٍ يومٍ وليله لين جاء المرسول=وحرف في كلامي يشتكي ويقول معنيه

[لاندكروزر]

صح بدنك يابو تركي


لا يهمك


الجيب

[سعد بن مطلق المقاطي]

صح لسنتكم ياشعار
متابعين لاندكروزر +صخر

[صخر]

مقاصدك معروفه تحسب انك بيننا مجهول=تلوّن بالطبيعه كن جنبك جنب حبنيّه
تحاول بالردى فعيال اعمك مامعك مدلول=وشرهتنا ماهي يمك على اللي يحتم الهيّه

[صنيتان قرداحي]

انا رديت للشاعر هجومه ثم جبت القول=وتقلب مقصدي انت وصديقك دون احقيه

كلامي ثابتٍ يومٍ وليله لين جاء المرسول=وحرف في كلامي يشتكي ويقول معنيه


انا رديت للشاعر هجومه ثم جبت القول=وتقلب مقصدي انت وصديقك دون احقيه

كلامي ثابتٍ يومٍ وليله لين جاء المرسول=وحرف في كلامي يشتكي ويقول معنيه


لانــــــــــــــــــــــــــــــــــــد .. . انصــــــــــــــــفــــــــــت الـبــلاغــــة

وابو شنب هنا $$$$$$

[لاندكروزر]

على وضح النقا نمشي وحبل المعرفه موصول=ولاني مثلكم يلعب بعقلي كم جنيه

بني عمي على راسي وادوّر للخطاه حلول=ولكن في عماكم طبعكم طبع الحراميه

[لاندكروزر]

الكريزي

صح بدنك


لاندكروزر

[لاندكروزر]

ابو شنب


حي والله هالخشم


اعتز بشهاده من شاعر بحجمك


الجيب

[لاندكروزر]

معرفات يابو قرداحي :)

[صخر]

لا باالله ثم لابالله على درب الردى مجبول=تجي باللون الاحمر ثم تجي بالوان بنيّه
بني عمك يرزونك سوات العود والمخيول=سوات المنشفه بانجس يدين الناس مطليّه

[مرزوق حمدان العتيبي]

...
.

كماهو متعارف عليه ومعمول به
يمنع منعاً باتا المداخلات الخارجه عن مضمون المحاوره
وتشجيع المتحاورين لتلافي السلبيات التي تنتج
عن هذه المداخلات والـتاثير على سير المحاوره
وسوف يحذف كل رد خارج عن هذا النظام ..
امل من الجميع التقيد بذلك ..
...

[مرزوق حمدان العتيبي]

...
.


الاند فول اوبشن .... وصخر ..

صحت السنتكم واصلو ونحن متابعين للنهايه.
...
.
:)

[لاندكروزر]

لا بالله ثم لابالله اعد الحق والمعقول=خطاكم قاضي العتبان حتى هز كرسيه

ترى كل النشاما يعرفون النجس والمصطول=ولا تدري بأنك ما تساوي نص ربيه

[وليد الزراقي]

صح لسانك وسلم بنانك

[صخر]

خطانا يوم وليناك عهدتنا يابو زهمول=وخنت العهده اللي في يدك يابن الحراميّه
مافيه الاانت في العتبان نجس وبالردى مدخول=يدفونك هل النمات مار الدار محميّه

[علي الثبيتي]

صخر والاند كروزر صحت السنتكم

وعلى القوه

[لاندكروزر]

ترى العهده يابو وجهين امانه في يدين زحول=ومثلك ما يجي مع واحدٍ منهم ولا شيه

ترى والله انا ما همني زينه ولا نحول=اعرف اللي يبا الفتنه واحطه تحت رجليه





صخر

سعدت بلقائك ووالله ان القلب نظيف

سامحنا

التغطيه عندك

لاندكروزر

[لاندكروزر]

ابو محمد


وليد الزراقي

النشمي

سلمكم الله على حضوركم وصح ابدانكم


لاندكروزر

[صخر]

انا انكر فعلتك يالخاين اللي تاكل التنبول=تراها عار في وجهك ومفضوحه واماريّه
وانا ماهمني بنت ٍ تنقض شعرها المجدول=لعلك فدوة ٍ له كل ماغنى الهجينيّه

[صخر]

الا انت اللي سامحنا ياكروزر

ومعليش كانا تحمينا عليك


وتصبحون على خير