يقولــون العرب مرزوق قايد شلة الشعار

[ابوتيجان]

السلام عليكم

اخواني يشرفني ان تكون اول مشاركاتي في هذا القسم الرائع


وهذي بدايتي:



سلام الله سلام(ن) يلتهب كنه لهيب النار........سلام(ن) لو يوقع فـــوق ضلع النير يهتزي
يقولــون العرب مرزوق قايد شلة الشعار........وانا ماقول فيه اخلاف لو يلبس من القزي

[صنيتان قرداحي]

الاخ/ ابو تيجان

اعتقد انك ضليت الطريق .

اول عرف بنفسك في منتدى التراحيب

ثانياً: من وجهة نظري الشخصية انه مالك حق تخش على طول وتطلب شخص بسمه مباشره
وخاصة ان الشخص اللي تطلبه مدير المنتديات الادبية يعني وش يلحق عليه!!
الا اذا كان بينك وبينه معرفه مسبقه او انه هو دعاك للمنتدى بشكل شخصي هنا انا اعتذر واسحب كلامي.
اما اول مشاركه لك وانا خوك المنطق والصحيح انك تطرح مشاركتك الله يحييك وعلى الرحب والسعه بس انا اشوف ان الدخول الخبط لزق هذا ... ما ادري

عموما مرحبا بك ودربك خضر

[مرزوق حمدان العتيبي]

هلا يامرحبا ترحيبة ٍ ماتشمل الاشرار = وراع الطيب ياحياه قدمه مجلس العزي
ابو تيجان جانا ضيف له حشمه وله مقدار = مادامه عن طريق المعرفه والطيب مانزي

[مرزوق حمدان العتيبي]

...
.

استاذي العزيز صنيتان قرداحي
كلامك هو عين العقل والمنطق .... واحترمه كل الاحترام ...
..
واللي ببال ابو تيجان نبا نشوفه :)
...

[ربح السبيعي]

أبو تيجان ومرزوق العتيبي


صحت السنتكم

[مرزوق حمدان العتيبي]

...
.
صح بدنك ياربح ... نورت الصفحه..
وتشرفت بحضورك ..
..
.

[فهيد مقعد الرويس]

كفو يابومحمد

ولايهون ابوتيجان

ننتظر محاوره رائعه

تحيتي وتقديري

[صنيتان قرداحي]

مرزوق صح السانك

ابطا تيجان !








تغير صاحبي يوم السواري وقَعت حوله= سلامه يا مديري وابشر انك واصل المادي

[صنيتان قرداحي]

دعااااابه قبل لسري ههههه


تصبحون على خير

[الايداء1]

,

,,,,

أبو تيجان

يمكن أنك تعرفه
يابو محمد .. وتبي
تمزح أنت وياه وتسلونا
خاصه يوم يقول شلة الشعار
يعني أنت قايد الشله يابو محمد
ههههههههههههههههههه

على العموم صحت السنتكم
متابعيييييييييييييييييييييين ,

[ابوتيجان]

انا اسف ياخوي صنيتان اذا كانت هناك عاده للمسجلين يبدون بها قبل المشاركات وتوني اعرف عنها وحياك الله


اخواني

ربح السبيعي والمبتدي والايداء اشكركم على ردودكم الطيبة

[ابوتيجان]

يدوم الك البقى يالفارس الي حامين للدار.........ليامنه سمع صوت المنادي قام ثم فزي
انا مـــاجيت ادور فــــزعة(ن) ولا بدور ثـــار........ابيك تصفيه النية ونــاكـــل كبسة الرزي

[مرزوق حمدان العتيبي]

اجل سقها على وضح النقا قدامك المضمار = نعرف ان اشقر الجنحان مايشبه له الوزّي
من يات القبايل يالسنافي والعلوم اكثار = ترانا اللي علمنا في سنام المجد مرتزّي

[مرزوق حمدان العتيبي]

..
.
مرحبا يالمبتدي ... نورت الصفحه يابن العم ...
اكون دائما في قمة الشوق لرؤية حروفك ..
...
.

[مرزوق حمدان العتيبي]

..
.
ههههههههه
قرداحي الله يرج بليسك
مبدع في كل حالاتك يالغالي ..
..
شرفتني ..
...

[مرزوق حمدان العتيبي]

:)
...
.
ابو تركي ابو تيجان ضيف والله يحييه
ومعرفة الرجال تجاره
وانا تشرفني معرفة كل طيّب
...
تحياتي ..
...

[لاندكروزر]

صح لسانك يابو تيجان


كبير يابو محمد



متابعه دائمه


لاندكروزر

[ابوتيجان]

صح بدنك يالاند كروزر


واستلم يامرزوق


ولايـــاصاحبي خــــل السوالف كلبوها خيار..........يقولون اليهودي في بلاد القدس متوزي
وانا من سربة(ن) يوم الملاقا خصمها ينهار.........عـتـيبــة يارفاقه عزوتي للروس تجتزي

[مرزوق حمدان العتيبي]

وانا احب الرجال اللي لهم قيمه لهم مقدار = وعسى ولد اليهودي بام خلب ايقد ويغزي
ترى ربعي وربعك باللوازم كلهم حضار = ليا منه نصاهم من وطاه الوقت ينعزي

[مرزوق حمدان العتيبي]

...
.
مرحبا تراحيب الحياء يالاند ...
ولاعلاك زوود ...
شرفت ..

[ابوتيجان]

علام الناس قامت تاخذ الكلمه من الهذار........وراع الصدق يـامــرزوق صــــار اليوم مبتزي


تحلل لعبة البالـــوت وتحرم على المقطار........ومن يمشي طريق الحق بين الناس منشزي

[مرزوق حمدان العتيبي]

ترى السباح في عمق البحر يجني من المحار = وجاهل بالسباحه لابغى يغطس لها كزي
كلام الصدق مطلب والهدف مرصود بالاقمار = وراع الهينه نشطب علاه وعينه إتخزي

[مشعل بن حويد]

كلام الصدق مطلب والهدف مرصود بالاقمار
.........................وراع الهينه نشطب عـلاه وعينـه إتخـزي


الله الله يابو محمد

واصلوووووووووووووو

[مرزوق حمدان العتيبي]

...
.
مرحبا يامشعل نورت الصفحه
وين الغيبات يارجل ؟ :)

اشتقنا لحروفك ياغالي ..
...

[صنيتان قرداحي]

كلام الصدق مطلب والهدف مرصود بالاقمار=
وراع الهينه نشطب عـلاه وعينـه إتخـزي

كلام الصدق مطلب والهدف مرصود بالاقمار=
وراع الهينه نشطب عـلاه وعينـه إتخـزي

الله الله يابومحمد

فرجت همي فرج الله همك.


عدم المؤاخذه هذا اليوم بالذات
<<<هذا المعرف يمر بحالة وسواس قهري!

[ابوتيجان]

تبا تقلع صقور الجو ثم تقصف جبل سنجار..........يموتون الاوادم والشيوخ تروح وتعزي


عليك الله واكبر يــــامتابع شاشــة الرادار..........تعبر الطايرات اجو بلاده مــــار ماقزي

[ابوتيجان]

يشرفني اللعب مع شاعر كبير مثلك يامرزوق العتيبي ( ابومحمد )

ان بغيت تكون هذي النهاية عندي , ولا تكون من عندك مافيه اشكاليه


دمت بود

[مرزوق حمدان العتيبي]

...
.
من عندك يابو تيجان..
وصح بدنك والشرف لي طال عمرك
وكل الشكر لك ولمن سجل حضوره على هالصفحه
او متابعته .... دمت بخير ..

..

[ابن مشيب]

صحت السنتكم يابومحمد ويابوتيجان

طروق ومعاني سامية , سلمت افكاركم ومواهبكم


تحياتي