قصيده للشيخ عايد ابو خرص الحمياني

[سعودالعتيبي]

قررتها لين أصبحت مستقره
والبر فيها كن عيدانه البوص
تنسى الحزام وتحتزم بالأمره
مانته بمثلي محتزم لي بمطموس
عزي لحالك يوم تغرز خضره
تسحب جرابك عند حلاقة الروس
منزلك بين العايره والاسره
وذنبك من قردان دمنتك مدحوس
وأنكان قردانك معك مستسره
علاك تظهرها بمنقاش عبوس 00000000000000000000000000000000000000000000000000 000000000000000000000000
هذه بعضا من أبيات قصيدة الشيخ الشاعر عايد أبو خرص من أوائل شيوخ قبيلة الحميه من عتيبه وكان يرد على مسفر السواط وفيها شيء من الدعابه حيث كان مسفر يرتوي لغنمه من بئر الظليف مزرعة الشيخ وكان ينتقد الزراع والزراعه فرد عليه الشيخ عايد وللأسف هذا مأستطعت أن أجمعه من هذه القصيده وعبوس رجل من سكان بسل

[ابو سديم]

صح لسانك ولسان من قالها
وياليت تورد لنا البدع من اسواط
والرد من الحمياني
اذا امكن


لك تحياتي

ابو سديم

[فواز الشيباني]

صح لسانك ولسان من قالها

الله يعطيك العافيه
ولاهنت

[مطرح البعارين]

عزي لحالك يوم تغرز خضره
=تسحب جرابك عند حلاقة الروس


والله مشكله لكن غرزت خضررررررره


منين يجي الحليب


مشكووووور سعووووووووود

[سعودالعتيبي]

صح بدنك ابو سديم وانشاءالله أدور لك على البدع قريب لاهنت أخوي

[سعودالعتيبي]

ولاهان أبو شيبون سلمت أخوي ومشكور على مرورك الغالي

[سعودالعتيبي]

مطرح البعارين النيدو متوفر هذه الأيام ولله الحمد مشكور أخوي على مرورك الغالي
ههههههههههه

[ابـن نـعـيـس]

لاهنت

وصح لسان شاعرها


تحياااااااااااااااااااااااااااااااتي

[سعودالعتيبي]

صح بدنك ياأبن نعيس ولا هنت ولا هانوا الربع جميعا

[ابوعد ي]

صح لسانك وبيض الله وجهك على القصيده

[طـــــــــلمس]

صح لسانك ولسان من قالها

الله يعطيك العافيه
ولاهنت

[بن عيضة]

بسم الله الرحمن الرحيم
تكملة قصيدة عايدابوخرص رحمه الله

[بن عيضة]

بسم الله الرحمن الرحيم
تكملة قصيدة عايدابوخرص والسوط الله يرحمهم خير منها مبهمات الاصره اللى لبنها ماينقا من السوس ترعامن البرقا ليا حزم شره مرباعها يم الشلاوا وابن يوس الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

[بن عيضة]

قصيده لعايد أبو خرص رحمه الله يقول عايد من كلام يورخه 000 مثل خط قارى فى جنوب حجار 00000 ياسالم إن إسم الرياجيل واحد000 وإن المذاهب غاديات أنفار 00000 فيهم رياجيل حصون ذريه 000 وفيهم رياجيل سقايف نار 00000 رجال مثل النجم فى ليلة الدجا 000يسرى بنوره والليالى غدار 00000 ورجال يأخذ شورته من حليلته 000 محرف مصرف مثل عبد كار 00000ورجال لايطعن ولا ينزرقبه 000 ولاينفقد لو جاء عليه أقدار 00000ورجال راعى كرمه مشتقيبها 000 يشقابها لو غليت الأسعار 00000 ورجال راعى دين دينه صليبه 000 هذاك المسعد اللى مع الأخيار 00000 وخيار المعانى سترها عنبرلها 000 وتكشيفها يأخر علاك عوار 000000000000000000000والصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

[الامير حريبيش]

الاخ سعود العتيبي
ونعم في الشيخ عايد ابو خرص موضوع المداعبه اللي بينهم هو والسواط بداها الحمياني بقصيدته اللي يمدح فيها الزراعه ويشيد بمحاسنها فرد عليه السواط يمدح رعي البل وحياة الباديه يقول / أخير منها مقرعات الاصره......... اللى لبنها ماينقا من السوس
ترعامن البرقا ليا حزم شره .........مرباعها يم الشلاوا وبنيوس
ومنها بيت أخره .......في ضف الاد نفاع قطاعة الروس

[الامير حريبيش]

هذه احدى روائع عايد ابوخرص شيخ الحميه في وقته وهي من عيون الشعر وتبين بعض حالهم في وقتهم
يقول عايد مـن كـلام يورخـه .............كما خط قاري في جنوب حجـار
أقول من حلمي وعلمـي ونيتـي .............خيـار المعانـي عقلتـن وبيـار
يستتـر راعيهـا بعيشـه هنيـه ..............ويحط لـه فيهـا دخـن وبـرار
لاقوم تاخذهـا ولاهـي بغاديـه...............مقيمتـن لأهلهـا دبـة الأعمـار
مقيمه لأهلها صفتن عقب صفـه............وترى شهودي جملـة الحضـار
ومن بغى العـزه يـدور بدارهـا ............طوال المناكـب فطـرن وبكـار
ليامنهاعنـد العشيـر ترازمت............. سعـد العيـال ومنـوة الخطـار
قدحانهـا يـوم الدهـور مقيمـه .............عليهـا كمـا عمايـم التـجـار
ويشري لها من سبق الخيل مهره ..............ويشجي بها مع هل الزعم وجكار
يشجي بها مع سربتن من عتابه ................نزالـة القطـر الشفيـق جهـار
يانـاس نسـم الرياجيـل واحـد..................ميرالمذاهـب رايحـات انـفـار
فيهم رياجيلـن حصونـن ذريـه.................وفيهم رياجيلـن سقايـف نـار
ورجال شعشوعً يحب الرفاقـه ................كما زند مسحـل كلبـوه شـرار
ورجال لاينطعن ولا ينزرق به .................وليا هبط سوق المبيعـه بـار
ورجال راعي كرمتن مشتقي به ...................ضاري بها لو غليـت الأسعـار
ورجال راعي بخل بخلً مصلـع ..................كشف حال من يمشي بغير ستار
ورجال مثل النجم في ليلة الدجى ................يسـرا بنـوره والليـال غـدار
ورجال يأخذ همته مـن حليلتـه .................محرف مصرف مثل عبدً كار
ورجال راعي هرجتن ينحكى بها .................كما رامي رميه صايـب وقـرار
ورجال راعي هرجتـن ماتولـف .................كما رامـي يرمـي بغيـر عيـار
خيار المعاني سترهاعنبرن له.................وتفتيشها يبـدي عليـك عـوار
وأختم كلامي صلاةً على النبـي ...............ماغرد القمـري علـى الأنهـار

[سعودالعتيبي]

الأخ

طلمس

صح بدنك ولاهنت على مرورك الرائع

[سعودالعتيبي]

الاخ

بن عيضه

مشكور على مرورك وتكملت لتلك المحاوره
وهذا ان دل فهو يدل على تذوقك لروائع ابناء القبيله

[/عبد العزيز الجذع/]

بارك الله بك , شكراً أخي الكريم

[سعودالعتيبي]

الأمير
حريبيش

شكرا على مانقلت للشاعر والأمير عايد ابو خرص رحمه الله