$$$شليوح العطاوي$$‏$

[نياف العطاوي]

شليوح العطاوي الفارس المشهور الذي يعرف بالشعر والشجاعه الفارس الذي عرف يالحيافه وهي التسلل ليلا وسلب الابل الفارس الذي شارك معارك عتيبه ومنها معركه ((طلال )) ويقول شليوح فيها على طلال الصبح خلنا مخايل
ياصل سناينها للجذاوي
يامسوي الفنجال عده لمدوخ
واثنه لابن صلال والجلاوي
وانا زبون الحرد ابو ضيف الله
وانقصر الشارب عن الشفاوي

[أبو مرحبا]

الاخ نياف العطاوي

الله يعطيك العافيه

بس صورة الصعلوك ابوضريسات الظاهر انك من أشد المعجبين فيه

الله لايهينك ياالعطاوي على ذكر شيخ وفارس مثل شليويح العطاوي

[عالي مقامه]

شليويح العطاوي فارس من الطراز الاول وهو من قبيلة المهادله وكما ذكرت انه اشتهر بالحيافه والغزو وهي تظهر كم يملك من الشجاعه ومن المعروف ان خاله هو مشعان بن كليب ابا الخيل الفارس المغوار وابن عمه طلمس المهيدلي من ذي شعيل وابنه فيحان بن طلمس
وعلى العموم موضوع رائع وسلم بنانك
عالي مقامه

[فراج القرقاح]

.....

السلام عليكم ورحمة الله وبركاته


اسعد الله اوقاتكم بكل خير ,,,, الله لايهينكم عندي استفسار ..؟؟

كيف ذبح العطاوي ..؟؟ ومن اللي ذبحه ..؟؟

ولاهنتوا

[نياف العطاوي]

شليوح العطاوي قتله قحطاني بالغدر وشكرا على الدخول

[سفير قحطان]

ههههههههههههههههههههههه مشكور يانياف العطاوي على المرور لكن حلوه كلمة غدر وعليها 10000خط

ياخي اللي قتل شليويح ترا من قوم اكثرهم فرسان وهم قبيلة الفهر من عبيدة قحطان شيوخ عبيدة واللي قتله ولد الشيخ زيد بن شفلوت واسم ولده سالم وعمره 17 ويعتبر شئ عجيب لكن عندي شئ عادي لان كل فارس من اي قبيلة مكتوب قدره وشليويح العطاوي لو بغى يذبح سالم بن زيد ذبحه لكن قدره مكتوب والله يرحمه وجميع المسلمين وترا يقال ان الفارس شليويح قصير لكن ربي اعطاه الشجاعه سبحانه وابوه يقال انه راعي عند عتيبة لكن ربي يرزق من يشاء وشكرا

[قاطع طريق]

راعي عند عتيبة!!!!!!
المفروض أنه قال راعي من رعيان عتيبة. لأن ماعز (ابو شليويح) الله يرحمه, كان فقير الحال, وأحواله المعيشية متردية, ولم يكن مثل شليويح صاحب صولات وجولات.

وده يسرق شليويح, ويضيفه إلى القائمة القحطانية
يحسب ان شليويح مثل خالد مسعد ومحمد السليم
سرقتهم هوينه

[أبو مرحبا]

ههههههههههههههههههههههه مشكور يانياف العطاوي على المرور لكن حلوه كلمة غدر وعليها 10000خط

ياخي اللي قتل شليويح ترا من قوم اكثرهم فرسان وهم قبيلة الفهر من عبيدة قحطان شيوخ عبيدة واللي قتله ولد الشيخ زيد بن شفلوت واسم ولده سالم وعمره 17 ويعتبر شئ عجيب لكن عندي شئ عادي لان كل فارس من اي قبيلة مكتوب قدره وشليويح العطاوي لو بغى يذبح سالم بن زيد ذبحه لكن قدره مكتوب والله يرحمه وجميع المسلمين وترا يقال ان الفارس شليويح قصير لكن ربي اعطاه الشجاعه سبحانه وابوه يقال انه راعي عند عتيبة لكن ربي يرزق من يشاء وشكرا




سفير قحطان

مهوب حنا اللي نسمع للقيل والقال

اترك عنك القيل والقال وانت بخير

[فراج القرقاح]

....

السلام عليكم ورحمة الله وبركاته




صبحكم الله بالخير ياجماعه ...

ياطوال العمار ... اللي نعرفه ان شليويح حاول غزو الفهر من عبيده قحطان وكان معه خاله وبعض من عتيبه .. وحذره خاله مما شاف في منامه من رؤيا ... والصيحيح ان شيليوح ذبح على يد سالم بن زيد (ابو جدايل) والله يعز الاسلام والمسلمين , هذا زمان راح ... وبعدين الحق حق ... شيليوح كان ((حنشل)) واخذته العزه بالاثم لكن ذبحته كانت عند الفهر عبيده ...
والدعوى تبي وسعة خطر يالنشاما ...

دمتم بخير

[نياف العطاوي]

..........................................


احترم نفسك


الاداره

[أبو مرحبا]

ههههههههههههههههههههههه مشكور يانياف العطاوي على المرور لكن حلوه كلمة غدر وعليها 10000خط

ياخي اللي قتل شليويح ترا من قوم اكثرهم فرسان وهم قبيلة الفهر من عبيدة قحطان شيوخ عبيدة واللي قتله ولد الشيخ زيد بن شفلوت واسم ولده سالم وعمره 17 ويعتبر شئ عجيب لكن عندي شئ عادي لان كل فارس من اي قبيلة مكتوب قدره وشليويح العطاوي لو بغى يذبح سالم بن زيد ذبحه لكن قدره مكتوب والله يرحمه وجميع المسلمين وترا يقال ان الفارس شليويح قصير لكن ربي اعطاه الشجاعه سبحانه وابوه يقال انه راعي عند عتيبة لكن ربي يرزق من يشاء وشكرا


أقول

عندنا وعندكم خير وكم فارس قتل على يد فرسان عتيبه|189|

على فكرة

ماهو دور محمد بن هادي في نجد لقد كان مبعوث للدوله السعوديه

لماذا لان والده هادي هو من قامت الدولة السعودية الاولى بتنصيبه اميرا" على قبيلة قحطان..

ذكره ابن بشر ..

يقول محمد بن هادي مخاطب الامام فيصل


حنا على ضدك جبال نوايف= وحنا لك اطوع من عنيبر ومسعود


والمعروف ان عنيبر ومسعود ( موالي للامام فيصل )



كذلك في رساله الملك عبدالعزيز انه يريد بتنصيب كما فعل

باأمير قحطان الذي جعله اميرا" على قبيلته

للشيخ هذال بن فهيد حيث يريد الملك من هذال ان يغزي معه فرد عليه هذال:

{ ليس لدي نيه في المغازي مع الحكام وتحت بيارقهم بل اريد ان يكون مغزاي لحالي}|189|




العلم الوكاد (( ان قوه قحطان وسيطره ابن هادي في نجد ذلك الوقت كانت مرتبطه

بالسلطه المركزيه المتمثله ذلك الوقت في الامام فيصل))



الفهر اللي ذكرتوه انطرد

لقول هذال بن فهيد الشيباني


نرعاالحمل بمذلق العيـدان=ديرة عشق وهديف بن عبود

الشخ ينزل منزله عجـلان=شيخ الفهرعن ديرته مطرود |189|

[ابن ابيه]

الله يرحمه ويرحم المسلمين

الفارس شليويح العطاوي مايحتاج فارس وشاعر يشار له بالبنان

وهو علم من اعلام القبيله

ماقصرت (يالعطاوي )والمزيد من الشيوخ والفرسان والشعار

لاهنت

[البقعاووي]

والله لولا اسمرن في خيلهم =======هل علينا هلت النداوي

حطيت رمحي حد وارد رمحه=======حين اكتفاها محمد البقعاوي

[نياف العطاوي]

شكراا يابني عمي عتيبه الهيلا

[العميد ركن]

شليويح العطاوي فارس من الطراز الاول من فرسان الجزيره العربيه واكثر مغازيه

على قبيلة قحطان العزيزه شارك فى عدداً من المعرك ابرزها معركة طلال عام 1290 هــ

يقول فى احدى قصائده

وردينا لدهمان السيوف................وسود الشلف كاسرة العظام
ومركاض يسر الناظريـــــن...................ترعابه مرودنت السنام
لاتبكن يابيض النحــــــــور...................عان الفعل في ولد الامام
دون البل مكرمت الضيـوف ...................بعنا الروح بيع مايسام

=== = == = = = = = = وله ايضاً فى معركة طلال

لا رحم ابو من صد عن محرافها.......يوم انجلاع الستر عن مضاوي
نطعن لعين اللي تهل دموعها...........تبكي وفي تالي البكا نخاوي
تقول ياالظفران من عاداتكم...........هوشوا عسى يبقي لنا شلاوي
ونطعن لعين اللي تجر حنينها..........عفرا تبا صيفية المطاوي
قلت ابشري بالفك ياحم الذرا...........دام الطعن يفك والاهاوي
تطلعن يالبيض في مركاضنا..........وصلت كسايرهم الى الحجناوي
تزبنوا عنا قصور عنيزة.............لين احتماهم بيرق القصماوي
ترعى بنا عوج الركاب وتنثني......ماحدرت حسلة الى الحجناوي

وله ايضاً

ياأهل الركايب علقوا فوقهن زاد= حطوا عليهن من خفيف الاواني
ياما لهن من غب الأثنين ميعاد= لامالت الفيه على المسنحاني
وانا دليلتهم وسبر للأولاد = قلت ابشروا ياشاربين الوزاني
طالعت عفر في مساريح الأبعاد= طالعتها ماني عليكم بكاني
غاروا هل العيرات والخيل تنقاد= انكافة القناص والشوف داني
طارت عمايمنا وطارن الأجعاد= وتبينن عقب الغيا بالبياني
والصبح عزل كسبنا كل فواد= متبجحن بمشرهفات الأذاني



___ __ _____ ____________ ____________ _ _ _

يا عيد دونك شوشت بي هلاله

شافت بوجهي يا عضيدي سهومي



وجهي مسوته لواهيب لا له

من كثر ما ننطح لهيب السمومي



ان قيلوا ربعي بخطو السلاله

انا رقيبهم بعالي الرجومي



و اليا قضا منا توالي البلا له

أخلى التالي لربعي و أشومي



و ليا حصل عند الركايب ظلا له

أنا نطيح للعيال القرومي



كم شيخ قوم نا ثرين دلا له

غنا يمه با يمان ربعي قسومي

له قصيده غزليه

ابن رشيد الشمري فدوةٍ له مودع غناوين القبايل فقاري

الشيخ يدمح لي ثمانين زله والاش مانــي عن زريــاه

وجاوبه ابن رشيد:

ياواصلاً مني شليويح قله*** في سد وجهي عن جميع المزاري

لعاد قرم وكل رأس يدله *** وبالصيف يتعب حا فيات السماري

والله ماالومه لو فداني بخله*** لابد جاراً له من الود جاري

قبله لطيف الروح حالي يتله *** تل السلوك لمبهمات الاباري

الله يرحم شليويح ويرحم اموات المسلمين .


صبحكم الله بالخير ياجماعه ...

ياطوال العمار ... اللي نعرفه ان شليويح حاول غزو الفهر من عبيده

الداهيه لا هنت على المشاركه بس حبيت اوضح لك ان كل مغازي شليويح على قحطان

يعني ماهي اول مره .

لكن ذبحته كانت عند الفهر عبيده يومه ومكتوب

وبعدين الحق حق ... شيليوح كان ((حنشل)) واخذته العزه بالاثم

طيب يوم شليويح حنشل .... فرسانك الى انت تقول وينهم عن النير و وادي الرشاء

ما استردوها

[ابن رايس]

السلام عليكم ورحمة اللة وبركاته وبعد:

صحيح ان ابن شفلوت قتل شليويح العطاوي لانه لم يواجهه وجهاً لوجه وانما غدره وهو لايدري عنه وهذه ليست من شيم العرب

ولكم جزيل الشكر

[فهد العاطفي]

السلام عليكم ورحمة اللة وبركاته وبعد:

صحيح ان ابن شفلوت قتل شليويح العطاوي لانه لم يواجهه وجهاً لوجه وانما غدره وهو لايدري عنه وهذه ليست من شيم العرب

ولكم جزيل الشكر


.................................................. ..............................................
.................................................. .......
.................................................. .................................................. .............
.................................................. ....................


لاتخرج عن صلب الموضوع لمواضيع , وتتجه للمهاترات الكلامية , ركز على الموضوع المطروح


الإدارة

[ابن رايس]

حنا مانسبكم ياقحطان ونعم ولكن القصص تواترت من جميع الرواة على انه قتل غدراً

حنا مانفتري عليكم

والشاهد على انكم تغدرون فعلتكم في مزيد بن مغيرق

[فهد العاطفي]

والله مايدرا لاتقولون بكره مقتل الثلاث الجذعان بعد غدر عوال ابن هندي

ومقتل هذال بن فهيد غدر

معقوله كلهم غدر ياخوي عطنا شي مقنع لاتقول غدر هذا ماهوب عذر لكم


انا اقول لك هم كفو وماتوا في وضح النقا اما سالفه غدر فهذا عذر مايقنع

[البدر2006]

الاخ نياف اللة يرحم شليويح ولاكنة لم يقتل غدر بل قتل في صفراء اشيقر وقتلة فارس من فرسان
قحطان
هذا للمعلوميه ومشكور

[عريف ركن]

الاخوة الاعضاء


اسعد الله اوقاتكم بالخير والمسرات


ارى انكم تطرحون مواضيع جميلة ولكن للاسف تشوهها بعض الردود العقيمة


الموضوع عن الفارس شليويح العطاوي


عن مواقفه البطولية وشجاعته وقصائده ثم في النهاية عن وفاته


وليس عيبا ان يقتل شليويح فقد قتل قبله الكثير من الانبياء والصحابة والرجال الشجعان


بينما الاخرين يموتون في عيادات الباطنية !!!


المهم يا اخواني العقلانية في الردود والارتقاء في الطرح


فالمنتدى يحمل اسم قبيله عريقه وليت الردود تكون مثل القبيله راقية


ورحم الله الفارس شليويح العطاوي وسائر موتى المسلمين





اخوكم / عريف ركن المطيري

[الأمــير]

اشكرك على هذه المشاركه الجميله


وشكــــــرا لك 0000000000







اخـــــوك

ذيـــــب الحنابــــج