نعلبو من يقبل الزله على ربعه عتيبه

[علي الثبيتي]

السلام عليكم ورحمة الله وبركاته

صبحكم الله بالخير جميع


نادو الطوفان والدعوى من الدعوى قريبه=والرجال الها عوارف والحمول الها جمالي

نعلبو من يقبل الزله على ربعه عتيبه= علمه لاعاد يجلس في مجاليس الرجالي

[نواف بن منصور]

صح لسانك يالنشمي

وبيض الله وجهك


ننتظر الطوفان ليكتمل الابداع

[علي الثبيتي]

صح بدنك يابومنصور والابداع بوجودك طال عمرك

[الطوفان]

وعليك السلام ورحمة الله وبركاته

وياهلا وياغلا وصبحك الله باالنور



جيت ياراعي النداء كلٍ يبا ياخذ نصيبه= والمعاني مقبله والبرق يبرق في الخيالي

منه الاقشر هذه اللي على شكه وريبه= لواشوفه قلته هذا الكلام اللي يقالي

[الطوفان]

نواف بن منصور
حييييت يالغالي
اسعدنا مرورك
تحياتي

[علي الثبيتي]

ياصباح الخير والعلم الزين
واستلم


انته اللسان القبيله وانت مندوب الكتيبه= والمثل يقول ماتصفق يمين ابلا شمالي

الردي ماعنده الا الزور دائم يدعيبه= مار ماحصل منه مكسب ولابه راس مالي

[فهيد مقعد الرويس]

صح السانك يالطوفان

ولايهون النشمي

وتراني في صفك ياطوفن

تقديري

[الطوفان]

ارحب واستلم


كان تبغاني محامي عنه جيب اللي تجيبه= ثم تبشر بالعداله كلبوها والعدالي

وان ظهر منه الخطا في ربعنا شقيت جيبه=ماعليه منه لويكون واحد من عيالي

[الطوفان]

هلا وغلا يالمبتدي

اسعدنا مرورك ولزم الصف وانا ابن عمك لوصفي وصف النشمي واحد

تحياتي

[علي الثبيتي]

صح لسانك مليون


انت شاهت الهدف والرمي جا فوق الضريبه= مار حذراء تاخذ الدعوه بحيله وحتيالي

وش تبا باالي يعذرب في النشاما وش تبيبه= فرح القيف البعيد وزعل القيف الموالي

[الطوفان]

كل ماشاهدتها صارت علي اكبر مصيبه= مار ثبتها مانبغاها بيمكن واحتمالي

كل خوفي من سفاهيين تولعها لهيبه= يستغلون الظروف ويستغلون المجالي

[علي الثبيتي]

صح لسانك مليون

وستلم

والله ان العلم واضح والغلط محد(ن) رضيبه= وانت تدري بالعلوم الاولات وبالتوالي

السفيه ابشرك ماهمنا خبثه وطيبه= وانت الك تقدير واللي مثلك امن الناس غالي

[علي الثبيتي]

والله ان كلامك ماينمل يابو عبد الرحمن

ولكن الليل اقفا

وانت على راحتك انكان ودك نكمل الطاروق بعدين والا غط البيت

وتصبح على خير

[الطوفان]

الغلط خله لمن جاب الغلط يمشي بعيبه= واشرب الماء يارفيق الجنب من جم زلالي

كل مرضانٍ يبا يلقى ليا جانا طبيبه= وانت رجالٍ حشيم ومنزلك بالحيل عالي

[الطوفان]

تسسسسسسسسلم مليون
يالنشمي
والله انك نشمي على اسمك ياابن العم
واسعد كثيرا باللعب معك ومع شرواك ولنا لقاء اخر ان شاء الله

تصبح على خير

[لاندكروزر]

لا والله تكفون لا تنهون الطاروووووووق



جزلين جزلين جزلين الى مالا نهايه


صحت السنتكم


لاندكروزر

[الايداء1]

,

,,,,

إيوالله

على ماقال لاندكروزر

لاتنهون الطاروق الجزل ,