اقرب جاي يالرشيدي

[ذيب الشيباني]

يالرشيدي ياولد عم العواز م فالنقيره = متّ في دار السعود وعشت في دارالصباحي
اختلفتوا فالاسامي واجتمعتوا في عشيره = واقتنعتوا فالولد نواف وأخزآآه الرياحي

[الرشيدي]

الرشيدي واحد بغير الجزيرة والجزيرة=بالكويت وبالسعودية وفي كل النواحي

والعوازم من هوازن والعلوم الها مسيرة=والرشيدي من سلايل عبس مروين الرماحي

[الرشيدي]

ذيب هات بيتك وبكرة نكمل


الصلاااة حان وقتها

[ذيب الشيباني]

انت مثل النمله اللي تدّرج في كل ديره = حدّها يومين والثالث تطير أبها الرياحي
من علامات القيامه فالتواريخ الاخيره = الحمار يطير مايحتاجله ريش وجناحي

[الايداء1]

,
,,,

ذيب الشيباني
صح السانك ولسان الرشيدي
متابعين للمبدعيــــــــــــــــــــــــــــن ,,

[ابـن نـعـيـس]

صح السنتكم


واصلووووووووووو


طاروووووووووووووق رائع


في صفك يابن مشيب

ولا يهووووووووون الرشيدي

[ذيب الشيباني]

شكرا على مروركم الكريم

[مرزوق حمدان العتيبي]

...
.
لله درك ياذيب اشهد بالله انك مبدع..
..
صح لسانك ولسان الرشيدي ..
.. واصلوا ..

[ذياب]

يالرشيدي ياولد عم العواز م فالنقيره = متّ في دار السعود وعشت في دارالصباحي
اختلفتوا فالاسامي واجتمعتوا في عشيره = واقتنعتوا فالولد نواف وأخزآآه الرياحي




الله الله


صح السانك ياذيب دمخ ولا يهون الرشيدي

[ياسر المطيري]

صحت السنتكم


مشاءالله تبارك الله

[الرشيدي]

انت مثل النمله اللي تدّرج في كل ديره = حدّها يومين والثالث تطير أبها الرياحي
من علامات القيامه فالتواريخ الاخيره = الحمار يطير مايحتاجله ريش وجناحي

إدرجت بديرتك قناص ومحمل ذخيرة=وأطرح الغزلان في وقت العشية والصباحي

التواريخ إحرفت شيبان عن درب المغيرة=عقب ماهو مع هل الديرة خذوه أهل الظوااحي

[الطوفان]

صح لسانك ياذيب
وصح لسان الرشيدي

كلام من الوزن الثقيل متابعين لاهنتو

[ذيب الشيباني]

جيتنا تشعب ركابك والجمل حامن هديره = والعشيّه برّكوها كلبوها فالمراحي
انت ودك بالستيره مار ماحاصل ستيره = الله اللي حطكم نكته من المزح المباحي

[الرشيدي]

جيتنا تشعب ركابك والجمل حامن هديره = والعشيّه برّكوها كلبوها فالمراحي
انت ودك بالستيره مار ماحاصل ستيره = الله اللي حطكم نكته من المزح المباحي

الركاب اللي تقولون حضروها بالحظيرة=فوقها وسم الشيابين وعليها البرق لاحي

الله اللي ساترك في ثوبك اللي مستعيره=ذيب مزحة بالنكات وذيب نكتة بالمزاحي

[ذيب الشيباني]

صح ابن مشيب وسمها عقب ضربها بعيره =مار شيل القدر عقب القدر فوق النار فاحي
مانقول اقصور فيكم مار للتاريخ سيره ... والله الّ تبطي لك الله وانت بالك مستراحي

[الايداء1]

,

,,,

أشهد لله
أنكم شعار .. بس
خلوها ترقى سنود ,,

[الرشيدي]

صح ابن مشيب وسمها عقب ضربها بعيره =مار شيل القدر عقب القدر فوق النار فاحي
مانقول اقصور فيكم مار للتاريخ سيره ... والله الّ تبطي لك الله وانت بالك مستراحي

يعني أنتم ياعرب ماتاسمون إلا المعيرة=وأنت يمكن مثلها موسوم يامال الصلاحي

مستريحٍ بالي وخصمي طعونه في ضميره=ضيقٍ صدره لو إنه يدعي بالإنشراحي

[الرشيدي]

,

,,,

أشهد لله
أنكم شعار .. بس
خلوها ترقى سنود ,,
أشهد بالله إنك وليده


والقلوب صحاح ياطويل الذراع

[ذيب الشيباني]

تاتعيّر يالرشيدي وانت وجهك فيه عيره = الزمن حدّك على بيت الندامه بالسلاحي
فاقد الاحساس دايم مايفكر في مصيره = لو تقوم أبه القيامه مايطنّب بالصياحي

[الرشيدي]

ذيب الشيباني


صح لسانك..وبيض الله وجهك..وكفيت ووفيت

وتشرفت باللعب معك ياطويل العمر

تحيااااي لك
0
0
0
0
0
0
الرشيدي

[ذيب الشيباني]

صح بدنك يالرشيدي واحييك من كل قلبي على روحك الرياضيه وسعت صدرك