وين راح الشيخ يالطوفان؟؟؟

[صنيتان قرداحي]

جيت أقص الشيخ يالطوفان مال الشيخ ماطا=قالوا انه زل به ساقه مع الضلع وتكسر

بعدك جاكم لابسٍ بشتٍ من ابشوت الحواطا=ما فتنكم يا عتابه منظر البشت المخصر

[الطوفان]

جيت مدري جابك الله عيشتك عيشه سماطا= والتمني مايفيدك لو تمنى واتعسر

لابسين دروعنا مركين ونصيد الغطاطا= وانت مدري من هل التوحيد ولاانته منصر

[ابوسعودالقثامي]

صح السان وانا في صف الطوفان قدام ياصنيتان

واصلو اوامتعونا

تحياتي للجميع

[صنيتان قرداحي]

جيت مدري جابك الله عيشتك عيشه سماطا= والتمني مايفيدك لو تمنى واتعسر

لابسين دروعنا مركين ونصيد الغطاطا= وانت مدري من هل التوحيد ولاانته منصر




قرشك اللي كل ما وقع يدندن فالبلاطا= وش بلا صوته تغير وش بلا صرفه تقهقر
مانشوف الا بعض ناسٍ يحذفون القواطا=وانت يوم انك فدائي ليه ما شوفك تفجر

[الطوفان]

قرشنا في سوقنا والسوق زايد بالنشاطا=لاتجي مكه طريقك مسلكه وادي محسر

قمت احلحل في صواميلك وتزاداد انفراطا=كلما تتجر تجينا بارد وجهك مخسر

[أبو زيد]

الله الله

مبدعين الله لايهينكم

وصالوا وأنا في صفكم كلكم الله يعطيكم العافيه

[صنيتان قرداحي]

ارقص ارقص تونا حتى نفرشك البساطا=ماعليك الا تحلم بس والحلم ايتفسر

نحمسك من فوق نارٍ هادية حمس البطاطا=ربع ساعة بعدها نركنك والزيت ايتبخر

[علي الثبيتي]

صح لسانك يابن قرداحي

وصح لسان الطوفان

[الطوفان]

كيف مارقص بعد ماسلبت ظهرك بالسياطا=من هو اللي قال لك تقرب عرين الموت الاحمر

انت نارك طافيه والفتق زاد عن الخياطا= كل ماشفناك قلنا لك عليك الله واكبر

[صنيتان قرداحي]

انت فاتح مخرطة ويش اتعرف غير الخراطا=كل مانرفعك واحد ترجع بتسعة مكرر

وش تعاطا يابليد المخ قلي وش تعاطا=انت عندك مشكلة والوضع لايمكن يبرر

[الطوفان]

انت ميلادك شهر كانون ولا في شباطا= قبل لانخرطك خرطه بعدها ماعاد تظهر

كل مانرفع عليك الضغط تزداد انحطاطا= مير ابا ازود عليك الضغط واعصابك توتر

[الطوفان]

صنيتان تصبح على خير الساعه الرابعه فجرا

سامحنا ومسامحينك . ترى القلوب صافيه

وكل هدفنا هو اللعب الحماسي.
تقبل تحياتي

[صنيتان قرداحي]

بعد تمرينك هذا نبغا نرجعك احتياطا= مستواكم مايأهلك تشوت ولاتمرر

لاتباطا خف مشيك ياعميلي لاتباطا=اطلب الله الفرج مالك مطير اعن المقدر

[مشعلاني]

صــ لسااانك ـــح يالطوفااان


صــ لساااانك ـــح ياصنيتااان


اثنين من عماالقه الشعر والابدااع ينثرون الابداع على الصفحات

عيني عليكم بااارده


الطوفاان صوته يطرب اصوااتاا وصنيتاان بحرن غزير ولا يتبخر

الطوفاان صوطه يتلف للسياطا وصنيتاان مشعابه يكسر ولا يجبر

ههههههههههه قافكم عاجبني
تحيااتي لكم يامبدعين وااوااصلوووووو

[مرزوق حمدان العتيبي]

...
.
قافيه صعبه .. ومحاوره ولا اروع ..
الله لايهينكم ..
..

[الايداء1]

,

,,,

محاوره

ممتعه بين شاعرين

لهم مكانتهم الشعريه ,,,

[الطوفان]

ابوتركي

اسعدنا مرورك
تحياتي