الشاعر بندر بن سرور

[روق والسماء فوق]

الله مـن عيـن طرقهـا صواديـف=
عميت ويبسن بالعـروق الصخافـي
شفت الوزا بالعين من عرض ماشيف=
شفته وغيري من فطن لـه وشافـي
وقت تغير فيـه حتـى العواصيـف=
جا في عواصيف الريـاح أختلافـي
شـره قناطيـر وخيـره مقاطيـف=
يفطن له اللي يرضع الديـد غافـي
كم واحد جاله زمانه علـى الكيـف=
واغترته نفسـه يبـا الجـود وافـي
يطلـع مطاليـع العـلا بالسواليـف=
بين العذارى عـد روحـه سنافـي
يفرح بهرج بالقفى يكـره الضيـف=
قتـات والقتـات بالـنـار هـافـي
يعلق قصيره علقـة النـار بالليـف=
عـي ولـد عـي زنـوده ضعافـي
ان رخصت الحذوه توفي عن الحيف=
وان غليت الحذوه مشى اللاش حافي
يرقـد ويلحـق والدينـه تخالـيـف=
دايـم ومرقـد ميـت النـار دافـي
هو مادرى ان الجود يبغى تكاليـف=
سهـر الليالـي مقبـلات مقـافـي
يبغـى يديـن للعطايـا مغـاريـف=
ويبغـى رجـول ماتمـل الوقافـي
والصبر بنحور السنيـن الشواحيـف=
اللي قساهـا مثـل حـد الرهافـي
مايقدرون الجود سـود الأطاريـف=
مشاركـة بيـض النسـا باللحافـي
يقدر عليه اللي حكم نجـد بالسيـف=
واودع مباغيـض القبايـل ولافـي
عبد العزيز اللي يبـث المصاريـف=
يجـدع قناطيـر الذهـب بالفيافـي
يمشي على دربه جمـوع مراديـف=
نـو تحـدر مـاه والجـو صافـي
يشدي لواقيط الزبيـدي بعـد ريـف=
ومما كسى البيـدا تفيـد الضعافـي

[ابو رامي]

صح لسانك

ورحم الله بندر بن سرور

يعطيك العافية

[ذيب المراقيب]

تسلم يا روق والسما فوق
وصح لسان متنبي عتيبه بكل ما قال اول وتالي ..

[فواز الشيباني]

صح لسانك

ورحم الله بندر بن سرور

يعطيك العافية

[ابـن نـعـيـس]

تسلم يمناك يالغالي

رائعه


لاهنت


تحيااااااااااااااااااااااااااتي

[سحاب الصبيحي]

صح لسانك والله يرحم الشاعر الداهية

بنــــــــــــــــــــــدر بن ســـــــــــرور


يا أخي روق والسماء فوق


أخــــــــــــــــــــوك : ســــــحاب الصبيحي

من برقاء والسماء زرقـــــــــــــــــــاء