نايف الحميدي ..اقرب شوي..

[كبتن عتيبه]

اخواني فالهيلا عذراً للطول الغياب ؟؟وازهموا نايف الحميدي ..لاهان


وين الحميدي تنشّط سواليفه=ويودّي العلم للناس ويجيبه

واليا سرى الليل وا ليله الساري=لا بد تسمع عتيبه سواليفه

*
*
يبى يمشّي عتيبه على كيفه=مدري يبى يصير شيخً على عتيبه

والمشيخه مالها واحدً غاري=مير الحميدي تمشّيخ على كيفه!!

[أبو مرحبا]

من طول الغيبات جاب الغنايم

حمدالله على السلامة _ لاتعبت .

سايق الاوتبيس

يسلاااااااااااااااااااااااااااااااااام عليك

صح السانك وننتظر الشاعر نايف الحميدي

ابشر بالصفوف ياكبتن مناحي


|165| |165| |165| |165| |165| |165|

|191|

[خلف بن مرزوق]

000
00

مرحبا يالكبتن


متميّز دااائما


بنتطار الحميدي ليكتمل الابداع


مودتي

.

[كبتن عتيبه]

قحص


خف بن مرزوق


الله يطول في عماركم



شاكرين ومقدرين حضوركم البهي

[مرزوق حمدان العتيبي]

...
.
مرحبا تراحيب المطر ياكبتن
انا اقول اليوم القسم منوّر
وزاد ابو الحميدي نوره ...
الله يقويكم تواصلون وتمتعونا بابداعكم المعهووود...

[نايف الحميدي]

يامرحبا ومن طول الغيبات جاب الغنايم



هذا الحميدي كريمٍ سلى ضيفه

يجعل ربه على فعله يثيبه

واليا سرا الليل ماضيعه طاري

لابد نعرف من الي سلى ضيفه






بعض العرب لو يزيف عرف زيفه

اليا تكلم كلامه به الريبه


مايدري انٌ هل المجد ونماري

محدٍ يصدق هذا الكبتن وزيفه

[كبتن عتيبه]

مديرنا المحبوب


هلا والله يابو محمد


القسم منّور بكم يالغالين...

[نايف الحميدي]

قحص


خلف مرزوق


ابو محمد


الله لايهينكم منورين الصفحه

[كبتن عتيبه]

طيب...طيب


قدّامك جبال وبحورً مطيفه=واليل موحش مايمديك تسريبه

سلّم مفاتيحك لربّك الباري=قدامك جبال وبحورً مطيفه
*
*
ياهابط السوق حسّب مصاريفه=قدام تبتاع ابه ,,قبل تشريبه

وانزل على السوق يالبايع الشاري=واطلع منه ثم راجع مصاريفه

[مرزوق حمدان العتيبي]

....
.

وللابداع بقيه واصلووووووا...

في صفك ياكبتن :)
..
خل نايف يدوّر صفوفه ..
...

|165| |165| |165|

[كبتن عتيبه]

مرزوق...تراك تسد وحد فالصف


لانك المدير..


يانايف خل المحاوره على الهواء لاني ابا اخرج شوي..

[مقعد الدغيلبي]

الله
الله
الكابتن مناحي
ونايف الحميدي
ماقول الا صحة اللسنتكم
وطاروق يستحق المتابعه

[نايف الحميدي]

يازين بيتٍ سمعته لابن ريفه


العقل من مكسب الشب والشيبه


وان طولت طحت فالنار ينياري



والله حقيقه سمعته لابن ريفه






البحر اللحمر يعجزك تغريفه

ولاكل طلاب يلقى مطاليبه

وانكان جاهل يذريكم الذاري

يالكبتن البحر يعجزك تغريفه

[الايداء1]

’
’’’

الله

الله

على هالطاروق

اللي يشد الأنتباه

صحت السنتكم يالكابتن

أنت ونايف .. وأنا في صف

نايف لأن الكابتن مبطي

متغيب عنا وضايقين علاه ,,,

[علي الثبيتي]

سلامات يا كبتن مناحي سلامات
السلام عليكم ورحمةالله وبركاته ومساك الله بالخير يارع الباص وشلونك عساك ابخير
والحمد لله على السلامه

صح لسانك على الطاروق الرائع وصح لسان نايف

ومساكم الله بالخير جميع ياخويانا اللي في المنتدي

[كبتن عتيبه]

طيب .. طيب

يامولّع النار في قشعة الليفه=مافوقها الا سحابً تهذريبه

ياراوي بيوت قحطان ومطاري=نارك ماتحرق يقع قشعة الليفه
*
*

الصقر شيهان تعرف تواصيفه=ماياكل الاّ غنايم مخاليبه

ابعد عن الشر واقرب من الخاري=الصقر شيهان تعرف تواصيفه

[كبتن عتيبه]

مقعد الدغيلبي..هلا والله مرورك شرف

النشمي..حييت يالغالي


الايداء(حبت خشم يالغالي)

[نايف الحميدي]

لاتقرب النار تاكلك يالشيفه



من بعدها الخير منته بمحريبه


الحق حنا نعده يبو ضاري


ابعد عن النار تحرقك يالشيفه








الكبتن اليوم لابد تكتيفه


قدام يزعل ويجلب له مصيبه



هاذي وصيه من الكاتب القاري




الكبتن اليوم لابد تكتيفه

[كبتن عتيبه]

طيب..طيب


جاكم سحابً تروّع عواصيفه=ايلوف غصن السياله ويوميبه

لو تحتزم لك ببلجيك وسواري=جاكم خيالً تشيك عواصيفه

*
*
وش بالحميدي كثيره تصانيفه=يبى يكتّف هل المجد والهيبه

ومناحي يربط القوم من ضاري=ويربط اللي كثيره تصانيفه

[مرزوق حمدان العتيبي]

...
.

الله الله علالالالالالالالالالاك يالكبتن ...
عليك ابهـم :)

..

تحياتي

[الايداء1]

مقعد الدغيلبي..هلا والله مرورك شرف

النشمي..حييت يالغالي


الايداء(حبت خشم يالغالي)
,
تسلم يامناحي
هاااااك .. وهذي
حبت خشم مثلها
وعذرك مقبول
أنا في صف
مناااااحي.

[نايف الحميدي]

الحمد لله عوافي وتصييفه


مدام طرق الثبيتي نغنيبه

واليا عصى صاحبي جته بجباري

لاوالله الا عوافي وتصييفه


*


*


ماقدمك الا الحميدي شهر سيفه

ماهوب سماع نمه ولاغيبه

والسيف لاسل يذبحله احضاري

يامناحي الموت دامه شهر سيفه