اكثر الشعار ماعاد يعطينا وجه!!!

[صنيتان قرداحي]

طرا علي أراجع أرشيف السنين الفايته=لو الزمن يرجع ببرنامج لقوم أبرمجه


أول لياقمنا عقيد القوم ناخذ رايته=واليوم ما عاد أكثر الشعار يعطينا وجه

[أبو مرحبا]

صنيتان قراحي

صح السانك

لا أبشر في اللي يبا يرد علاااك من شعار المنتدى كلهم يعطون وجه


وننتظر الشاعر اللي يبا يعطيه وجه


وابشر بالصفوووووووووووف يا صنيتان


|165| |165| |165| |165| |165| |165|

|191|

[خلف بن مرزوق]

000
00


الله الله ياخو جورج:)



صح لساااااااااااانك يامبدع


عزالله ان اللي مايعطيك وجه ماعنده ذوق



مودتي

.

[نايف الحميدي]

هلاااااااااااااااا



بعض العرب ماخاطبه يلين اعرف حكايته=لكن انا بنشد صنيتان المسمى واحرجه



ترى الزمن غدار ماكلٍ يحقق غايته=هاذي حقيقه قلتها والعلم الابيض درجه

[مرزوق حمدان العتيبي]

...
..


ابداع يابو قرداح
وابداع يانايف .....

واصلوا وعساكم على القوّه ..
كلنا معطينك وجه ياصنيتان ... وتراني في صفك :)
...

[الايداء1]

,
,,
صنيتان & نايف
صحت السنتكم وأنا
في صفك يانايف دام
أبو محمد في صف
قرداحــــــــــــي
الليل .. الليل ,,

[الــوآفــي]

صنيتان قرداحي

اسم كبير


انقطع عن الهيلا فتره وهاهو يعود


شاعر رائع مرحبا الف


متابعين وصح لسانك يا صنيتان انت ونايف


اخوكم ذيبان

[فيصل المسعودي]

صح لسانك ياقرداحي


وصح لسان الاخ الحميدي


في صفك ياصنيتان


ولا يهون الغالي الحميدي


تحياتي

[صنيتان قرداحي]

اللي تعرضها ماهوب الها ولاهي جايته=واللي هرج هرجة ولاخصك وراك تهرجه
انا مسب الدهر واصحاب الرجال مرايته=من مصلحتك اليا قرصنا اذنك لعلك تتجه

[صنيتان قرداحي]

تحية لجميع الاخوان اللي مروا واللي مامروا واعتذر من الجميع عن التأخير
غير المقصود وهذا الحال يلازمنا منذو فترة طويلة وربما يستمر الى ان يقضي الله امرا كان مفعولا.
ودوام الحال من المحال . والشكر موصول للجميع.

[صنيتان قرداحي]

الاخ/ قحص شكرا لمرورك .
وانا ممتن لمساندتك . نساندك في الافراح انشاء الله

تقبل تحيااااتي
ــــــــــــــــــــــــ

[صنيتان قرداحي]

000
00


الله الله ياخو جورج:)



صح لساااااااااااانك يامبدع


عزالله ان اللي مايعطيك وجه ماعنده ذوق



مودتي

.


الاخ/ الاستاذ خلف بن مرزوق هذا من ذوقك يامبدع.

|12| أحرجتني
للتنويه فقط ترى جورج ماهوب أخوي

شكرا لمرورك وشكرا لحضورك .
تقبل تحياااتي

[ابوسعودالقثامي]

صحت السنتكم ياشعارواصلو الله يعطيكم العافيه


تحياتي

[صنيتان قرداحي]

...
..


ابداع يابو قرداح
وابداع يانايف .....

واصلوا وعساكم على القوّه ..
كلنا معطينك وجه ياصنيتان ... وتراني في صفك :)
...


مدير انت كذا|194|

استاذنا القدير وشاعرنا الكبير شكرا جزيلا لمعنوياتك العالية وانا مدين لك.

تقبل تحيااااتي

[صنيتان قرداحي]

,
,,
صنيتان & نايف
صحت السنتكم وأنا
في صفك يانايف دام
أبو محمد في صف
قرداحــــــــــــي
الليل .. الليل ,,

صح الله بدنك مشرفنا الغالي الايداء

عندك قسيمة وقوف خاطئ|18| بعدين سددها

تقبل تحياااي

[صنيتان قرداحي]

ذيبان / عضو اداره

ذيبان ذيبان ذيبان ..... الاسلوب ماهوب غريب علي ! ظني غيرت الاسم؟

عموما الف شكرا لاطرائك وثنائك الذي لانستحقه وهي حقيقة وليس من باب التواضع .
شكرا لسمو اخلاقك وشكرا لمرورك . ولنا الشرف لاعدمناك
تقبل تحياااتي

[روق والسماء فوق]

صح لسانك ياقرداحي


وصح لسان نايف

[نايف الحميدي]

حنا نعرف انهايت الموضوع قبل ابدايته=والمشكله عند المحامي ياعرب كثر احججه



انته تهجم مير ليت العود اخذت وصايته=قدام تاكلها وصوتك يالصغيٌر تزعجه

[نايف الحميدي]

الا كل من شرفونا فالمتصفح


يامرحبا بالجميع

[صنيتان قرداحي]

لاحجة الخالق على خلقه ولنته بآيته =
ماضيقه الا ويعقبها عفو ربك وفرجه

نعم مهاجم وانته الفاول وانا اللي شايته=
أمزوح والمعنى على شكل اسطوانة مدمجة

[صنيتان قرداحي]

الاستاذ العزيز/ فيصل المسعودي

شكرا لتشريفك ياغالي


تقبل تحياااتي

[صنيتان قرداحي]

ابو سعود القثامي / شكرا لمرورك

تقبل تحيااااتي

[صنيتان قرداحي]

روق والسماء فوق/ شكرا جزيلا لتشريفك صفحتنا


تقبل تحيااااتي

[مرزوق حمدان العتيبي]

نعم مهاجم وانته الفاول وانا اللي شايته
أمزوح والمعنى على شكل اسطوانة مدمجة

..
.

الله الله ..
اي والله مزوح والمعنى ذهب ...
كلكم مبدعين وحنا مستمتعين
بماتقدمونه
من فنون في هذا اللون ..
...

[صنيتان قرداحي]

كان الحميدي يا جماعة غلقت غذايته=
لا يجزعه دق الاؤبر حنا ترانا نبنجه

محدٍ يقدم لا لفاه الضيف وجبه بايته=
والشري وش يثمر لياجاه الحيا غار احدجه

[مشعلاني]

كان الحميدي يا جماعة غلقت غذايته=
لا يجزعه دق الاؤبر حنا ترانا نبنجه

محدٍ يقدم لا لفاه الضيف وجبه بايته=
والشري وش يثمر لياجاه الحيا غار احدجه




يلوومووني فيك والله انك صــن وحكم كلهاا كبابيت على عميلك ههههههههههههه



تحياااتي الك ياصنيتاان ولا يهون الحميدي


وااصلووو يامبدعين

[صنيتان قرداحي]

القاف للتقبيل لعدم التفرغ|173|

[بعيـد المرامع]

روعه يابن قرداحي ..
وتستاهل الملايين :)
ولايهون الحميدي

مبدعين عسانا مانفقد تواجدكم

[نايف الحميدي]

يالله تجيب اله الفرج مدام جاه اكفايته=قدام قلبه يستصيب وقدم عقله نمرجه



الرواي الشرهان مدري كيف جاب اروايته=الفلم هندي والمشاكل كلها من مخرجه

[نايف الحميدي]

نعم مهاجم وانته الفاول وانا اللي شايته
أمزوح والمعنى على شكل اسطوانة مدمجة

..
.

الله الله ..
اي والله مزوح والمعنى ذهب ...
كلكم مبدعين وحنا مستمتعين
بماتقدمونه
من فنون في هذا اللون ..
...



الابداع وجودك هنا يابو محمد

[نايف الحميدي]

وارد عراوي فالمراح وخاربه صفايته=الي ليا منه مشى في مشيته دوم اعوجه



هذا الحميدي ذبحت القعدان دوم هوايته=والمشكله فلي تحت ضرسك وسنك تعلجه

[نايف الحميدي]

مشعلاني الله ايهديك اي كبابايت مقومين صنيتان بالتسفيره

هههههههههههههههههههههههههههههههههه


على العموم شرفت يالغالي

[نايف الحميدي]

القاف للتقبيل لعدم التفرغ|173|






كم سيم القاف ياصنيتان هههههههههههههههه



بعدين الله يهديك تاخذ يوم مارديت


على العموم اسف على التاخير كنت فالبر ياعميلي


سرها ياسنايدي

[نايف الحميدي]

بعيد المرامع شرفتنا يالغالي

الله لايهينك

[صنيتان قرداحي]

تصرفات الرجل وسلوبه تعكس اربايته=
تحليل سكلوجي ولاضنك تعرف السكلجه

انته على صدرك وسام ماعرفت اقرايته=
كذا مزاجك تقلب البدلة وللناس امزجه

[فواز الشيباني]

صح لسانك وسلم بنانك ياولد قرداحي

وصح السان نايف

الله يعطيكم العافيه

[صنيتان قرداحي]

الورع لا قرب فطامه نشتري مشايته=
وليا بلغ سن الزواج وصار كفو انزوجه

منت ابسيط اثرك ذيبٍ تحت فيت وايته=
ذيبٍ ليا منه ضواه الليل جاله لجلجه

[صنيتان قرداحي]

الاستاذ/ فواز الشيباني توقيعك في صفحتنا تشريف لنا يالغالي

شكراً لك

[مرزوق حمدان العتيبي]

...
.
ابدااااااااااااااااااع يانايف كالعاده
ولا يهون قرداحي ...
لكن هدو الرمي وخلونا نستمتع بالابداع ..
اشوفكم من كثر الرصيد قمتم تدبلووووون :)
تحياتي

[فواز الشيباني]

مرزوق خل عتابه تاخذ راحتها

من خساير الاسهم قامو يدبلون الابيات

الله يعين

والظاهر اني ابي ادبل الرد

[صنيتان قرداحي]

...
.
ابدااااااااااااااااااع يانايف كالعاده
ولا يهون قرداحي ...
لكن هدو الرمي وخلونا نستمتع بالابداع ..
اشوفكم من كثر الرصيد قمتم تدبلووووون :)
تحياتي


هههههههههههههه

ابو محمد لا والله ياخوك لارصيد ولاهم يحزنون

ورطنا نايف عليه مديونية متأخره قام سدد قسطين مرة وحدة

ومثل ما تشوف .

|196| طرت علي الايجار

[صنيتان قرداحي]

مرزوق خل عتابه تاخذ راحتها

من خساير الاسهم قامو يدبلون الابيات

الله يعين

والظاهر اني ابي ادبل الرد


سنايدي|194| مالك لايم عسى منت مسهوم بس.


تحياااااتي

[نايف الحميدي]

امحللين النفس في مشفى المصحه هايته=والي دخل فيها عليه الباب لازم نزلجه




مدام عينه رمدت لابد علمي فايته=هاذا طبيعي من جهل مدخله يجهل مخرجه

[نايف الحميدي]

القات لاهل القات يابياعته شرايته=حنا حماة الدار والي من طرفكم ندبجه



لا لاتزايت مايفيدك يالضعيف امزايته=وانته شبيه الي يحمل بالقرب وله صنجه

[نايف الحميدي]

حسبي الله عليك ياصنيتان

[نايف الحميدي]

ابو محمد مرحبابك




فواز الشيباني شرفتنا يالغالي

[صنيتان قرداحي]

ان طعتني اربط على كيسك وشد اوكايته=ولا تعود قصة اللي جاب حجة تفلجه
اللي فزع يم الحريقه ناسيٍ طفاتيه=بس ايتفرج فاللهب والنار تبقى مسرجة

[صنيتان قرداحي]

اثر ليلك طويل وال وال يا نايف

ماتجوز من التدبيل

[صنيتان قرداحي]

القات لاهل القات يابياعته شرايته=حنا حماة الدار والي من طرفكم ندبجه



لا لاتزايت مايفيدك يالضعيف امزايته=وانته شبيه الي يحمل بالقرب وله صنجه



هههههههههههههههههه

طيب طيب


كان الحميدي طاعنا وسلم لنا تكايته=نبا نزبطها ونجَدهاوشغلة مكيجه

المرسم اللي قام يقصر من فعل برايته=وا ليلك اللي ماسرى وانته تبطنج بطنجه

[نايف الحميدي]

انته ترى فحمايت الي ماتخون احمايته=لكن دل الدرب البيض لاتزيد الوجوجه



انكانها شبت حريقه فالسبب دفايته=هذا الذي من قصته ياهل الوفاء نستنتجه

[صنيتان قرداحي]

انته تبا وانته تشاء والله تمضي شايته=وانا نويت اذبح دخيل البيت والوجه أسهجه
انته يجي منك وما الحية سوات المايته=واللقمة اللي وقتها طًوف تسمى مخمجه

[نايف الحميدي]

انته مهندس مير دوك القير قم بعنايته=شيك عليه اليوم ياصنيتان والزيت امزجه




لالا يقوله والسبايب كلها محايته=الي تصهرج طول وقته مايكب الصهرجه

[صنيتان قرداحي]

يشكي علي مني وانا مالد يم اشكايته=انا ارهج الماخوذ والماخوذ بطنه يرهجه
انا اتسلا فيك واللي فيك كل ٍ عارفٍ تسلايته=ابعجك واخيطك وعود للمخيط وبعجه

[نايف الحميدي]

الشاعر الصعلوك مايشعر وحان اغمايته=تلعبه الاوهام واحلامه حقيقه مزعجه


مايدري اني لابنيت البيت اعز ابنايته=المفلس الي راس ماله فالبلد بس دوجه

[نايف الحميدي]

هذا الحميدي لارمى محدن يجيد ارمايته=ياكم غزالٍ يعترض قدام وجه يطعجه


الجندي السلتوح ليته ينقطع سبلايته=يبغى ايتفركج مير يبطي مايشوف الفركجه

[صنيتان قرداحي]

الاخ القدير والشاعر العزيز نايف الحميدي

:) نكتفي بهذا القدر صح السانك

والله انك شاعر مافيك قصور وعزيز وغالي

اهم شي سامحنا وحنا ترى مسامحينك

والدعوى كلها مزوح تجي وتروح

ولازم نسمعها منك.

تحياااتي

[نايف الحميدي]

الاخ القدير والشاعر العزيز نايف الحميدي

:) نكتفي بهذا القدر صح السانك

والله انك شاعر مافيك قصور وعزيز وغالي

اهم شي سامحنا وحنا ترى مسامحينك

والدعوى كلها مزوح تجي وتروح

ولازم نسمعها منك.

تحياااتي



اخي صنيتان صح بدنك يالغالي


مشكور على اطرائك الجميل والدعوه كلها مزوح وانت الي لازم تسامحنا يبوقرداحي


تقبل تحيات اخوك نايف