تسجيل الدخول

مشاهدة النسخة كاملة : مرزوق العتيبي و عبداللطيف الغامدي


خلف بن مرزوق
28-Apr-2006, 11:47 PM
000
00

محاورة اجتمعت بها ابداعات واساليب هذا الفن الراقي

جمعت بين اثنين من اساتذه الشعر المتمكنين وهم..

شاعرنا القدير : مرزوق العتيبي و الشاعر : عبداللطيف الغامدي


جرت هذه المحاورة في احد المنتديات الادبية .. ونقلتها لكم لتستمتعوا بها:)

:

:

:


مرزوق العتيبي

عبد اللطيف الغامدي ياربنا تسعد مساه=حيثه سنافي لاطلبته حاجة ٍ قال لك تم
لكن في تال الليالي لازهمته قال هـاه=واول ليا منّك زهمته فز لك ويقول سم


عبداللطيف الغامدي

يامرحبا ترحيب يالسيف المحنّى في خباه=حيثك شجيع لا مضيت بسكةٍ يقفاك دم
من لايتابع حاجته عند العرب يوكل عشاه=ولا يصيب الادمي غير اللي الله له قسم



مرزوق العتيبي

دام البقا ياصاحبي والعلـم ياصـل منتهـاه=ونقول ياوجه الرضاء سرج جوادك واحتزم
السيف من حده تذوق الموت من بعد الحياه=لكن درجها علـى هونـك وسلـم واستلـم



عبداللطيف الغامدي

حنا مع الله نطلبه دايم ونسعى في رضاه=نجدّ في ساعه عمل ونتوب في حزة ندم
لكنّ وش سيفٍ يقدمه السنافي لاخوياه=وانته ياراع السيف سيفٍ غير سيفك منثلم


مرزوق العتيبي

مايذبح الرجال يارجال غير اغلب هواه=هذي حقيقه بينه عند العرب قبل العجـم
السيف سيف ٍ فاللقاء مايفعل الا بخصماه=والمشكله فاللي حلم لكن ليتـه ماحلـم




عبداللطيف الغامدي

ياحاضر العتبان مرزوق العتبي وشبلاه=مدري كلا بوك الورق والاشرب حبر القلم
اقول له وش زبدة الموضع ياقاضي القضاه=يقول ما فالمحكمه غيري ورفرف ياعلم



مرزوق العتيبي

ياحضرة العتيبان هذا الادمي ما اكبر دهـاه=راع النياق العفر مايجهلـك يـاراع الغنـم
انته من اول صاحبي مالك عن اصحيبك غناه=واليوم غيّرك الزمن والكرت بيديـن الحكـم



عبداللطيف الغامدي

ياصاحبي مرزق ليت القدر ما يرمي غطاه=ان كان ما يطلع ليا منه غلا فوح الدسم
ها ردها بينك وبين اقرب جدر والاحصاه=مادام في ظنك تبي تقعد قديـر ومحتـرم



مرزوق العتيبي

اجلس على قدرك وزيد ابه الحطب وانفخ علاه=الله يخلي لك هذاك اللـي تنـادي لـه ياعـم
عبد اللطيف الغامدي يزمر وانا اعرف مستواه=مانيب مستغرب لاقام ايطيش ويعبـد الصنـم


عبداللطيف الغامدي

كم واحدٍ قبلك تعرض ميسم الكـي وكـواه=اصبر عليه شوي ماتبرى العطوب من العدم
اعوذ بالله من كلامك حسب منطوقك هـذاه=جاوزت زلات اللسان وجبـت زلات القـدم



مرزوق العتيبي

لاتحمي المكوى وتكوابه قبل وقـت الصـلاه=ان قمت من تحتك لغم وان نمت من فوقك لغم
ياصاحبي شكلك بعدت من الهدف واللي رماه=كلمه لها معنى ونكتبها علـى حسـب الفهـم



عبداللطيف الغامدي

ياعظم كيدك من عطاك اكبر غلا تجحد غلاه=لكن على ماقيل يامرزوق مد ام الشحم
راح الهدف لانك تخطط صح من غير انتباه=لا مروا الحجاج في جبك تلقيت الحصم



مرزوق العتيبي

لو كنت تغليني حقيقه مارفضت اللي نباه=لكن كل اللي بنيته معك في لحظه هـدم
الطيش يعمي صاحبه والله يزيده في عماه=روّح يجي لك يوم ترجع لي وتعلن للندم



عبداللطيف الغامدي

شرفتي يالسيف بالطاروق يامال الغناه=الله يزيدك فضل ويقويك في شكر النعم
الطيش ماله صوت ياذيبان لوتسمع نداه=هذي مزوح تروح والمكسب مجاراة الشهم




.

أبو مرحبا
28-Apr-2006, 11:56 PM
الاخ خلف بن مرزوق

بيض الله وجهك داائما تمتعنا بمواضيعك الرائعه

وصح السان الشاعرين مرزوق العتيبي وعبداللطيف الغامدي

محاورة رائعه

أخوك
قحص

الــوآفــي
28-Apr-2006, 11:57 PM
رووووووعه يابو مرزوق


سلمت على هالموضوع الراااائع


وصح لسان ابو محمد وصح لسان الغامدي


محاوره فوق الخيال


اخوك

تذكار هايم
29-Apr-2006, 12:13 AM
خلف بن مرزوق يعطيك العافية

وصح لسان الشاعرين مرزوق وعبداللطيف

فيصل المسعودي
29-Apr-2006, 12:15 AM
محاورة قمة


ورائعه


صح لسان شاعريها


وتشكر على نقلها يالغالي


تقبل تحياتي

مرزوق حمدان العتيبي
29-Apr-2006, 12:16 AM
..........
..

هههههه

الله ياخذ بليسك يابو مرزوق
اشهد بالله انك داهيه ... انت وين تسلطت عليها ...؟؟

...
الخلاصه اقول ان الشرف لي وللزميل الخلوق ابو راكان
عبد اللطيف الغامدي ...
بأن تنال هذه المحاوره اعجابك واعجاب الاخوان..
..
كل التقدير يالشهم ...

مرزوق حمدان العتيبي
29-Apr-2006, 12:17 AM
....
.

الاخوه... الاعزاء ...

قحص
ذيبان
تذكار هايم
فيصل ...

صحت ابدانكم .. والف شكر لكم
على الاطراء ..
.. مغليكم للابد ..
..

فواز الشيباني
29-Apr-2006, 12:26 AM
خلف بن مرزوق

يعطيك العافية

وصح لسان الشاعرين مرزوق وعبداللطيف

خلف بن مرزوق
29-Apr-2006, 12:55 AM
000
00

اررحب يبو محمد

والجواهر نغوص لين نجيبها:)


شكر للجميع على الردود


.

الايداء1
29-Apr-2006, 02:33 AM
,

,,,

الله

يابو محمد

أبداع في أبداع

بيض الله وجهك ياخلف

على نقل هذهالمحاوره القيمه

وصح السان أبو محمد والغامدي ,,,

مقعد الدغيلبي
29-Apr-2006, 05:30 PM
بيض الله وجهك يابو مرزوق
أشهد بالله أنك أحسنت الأختيااااااااار
الصراحه محاورة قمه وأبدااااااع
ولاهي غريبه على مرزوق العتيبي وعبداللطيف الغامدي
ماقول الا صحة اللسنتكم يامبدعييييييييييييين
وأعود واقول تشكر يابو مرزوووووق على هاذا الأختياااااااار

المسرّي
30-Apr-2006, 07:47 PM
محاوره من الوزن الثقيل

بين عملاقين من عمالقة الشعر

مرزوق وعبداللطيف لله دركما