في غربتي

[رائد الجديعي]

في غربتي بأكتب رساله غريبـه
وارفق مع المكتوب قلبي هديّـه

بابكي على ذكرى الهوى والحبيبه
ومن دمعتي بأكتب غريب الهويّه

غريب بعثر ليل الاحزان جيبـه
بعثر همومه والجروح الخفيّـه

والليل موحش والسهارى كئيبـه
وانا تعبت من السهر يا اجوديّه

والجرح يكبـر مالقينـا طبيبـه
الطب عيّـا فالجـروح الشقيّـه

والشوق زاد وزاد فينـي لهيبـه
احرق ضلوعي وحط بالقلب كيّه

شخصٍ عشقته صار حبي نصيبه
اقفى عن عيونـي بليـا خطيّـه

عذّب خفوقي يوم طـوّل مغيبـه
واورد حياتي يم حوض المنيّـه

وانا ببعده سقت دمعـي ضريبـه
ومن دمعتي بأكتب غريب الهويّه
ا

خــــــوكـــــــم
الشـاعـر/ رائــد الجديـعـي

[نبض المشاعر]

عذّب خفوقي يوم طـوّل مغيبـه
واورد حياتي يم حوض المنيّـه
صح لسانك وسلم بنانك

مشكوور رائد

ذوووق

[مرزوق حمدان العتيبي]

شخصٍ عشقته صار حبي نصيبه
اقفى عن عيونـي بليـا خطيّـه

عذّب خفوقي يوم طـوّل مغيبـه
واورد حياتي يم حوض المنيّـه

وانا ببعده سقت دمعـي ضريبـه
ومن دمعتي بأكتب غريب الهويّه


...
مبدع يارائد وصح لسانك ..
حياك الله ونبقى في انتظار جديدك .
...
اخوك ...

[روق والسماء فوق]

صح لسانك ولسان الجعيدي

[خلف بن مرزوق]

000
00

رائد الجعيدي


مبدع مبدع


وابيات تستحق القراءة مرات لعذوبتها


صح لسااااااانك ولاهنت



ننتطر جديدك بشوق



مودتي


.

[أبو مرحبا]

رائد الجعيدي

صح السانك ياطويل العمر قصيدة رائعه

[فيصل المسعودي]

صح لسانك يارارائد


على هالرائعه


تحياتي

[علي الثبيتي]

رائد الجديعي صح لسانك

ابداع يارائد سجل اعجابي

[رائد الجديعي]

اخوي نواف الحمادي
صح بدنك هذا من ذووقك
شرفني ردك وشرف القصيده
اخووك
رائد الجديعي

[رائد الجديعي]

اخوي مرزوق العتيبي
الابداع والله في ردك
وهذا من ذوقك
ابقاك الله
تقبل من تحياتي اغلاها
اخووك
رائد الجديعي

[رائد الجديعي]

اخوي خلف بن مرزوق
صح بدنك ولاهنت هذا من ذوقك
تشرفت بردك
وعلى فكره اسمي رائد الجد يــــــــــــعي
تحياتي

[رائد الجديعي]

اخوي روق والسما فوق
صح بدنك ياذوق
لكن اسمي رائد الجد يــــعي
تحياتي

[رائد الجديعي]

اخوي قحص
صح بدنك وطول الله في عمرك
يااخوي اسمي رائد الجد يـــــعي
تحياتي

[رائد الجديعي]

اخوي فيصل المسعودي
صح بدنك هذا من ذوقك ياغالي
تقبل تحيات اخوك
رائد الجديعي

[رائد الجديعي]

اخوي النشمي
صح بدنك
هذا من ذووقك ياغالي
يشرفني اعجابك ويشرف القصيده
تقبل من اخوك تحياته
رائد الجديعي