من القائل ؟؟؟

[دريد ابن الصمه]

يا حسين بلدان الجماعه مريفه=== واللي مع الاجناب كنه على نار
االطير با الجنحان محسن رفيفه===واليا انكسر حدى الجناحين ماطار
يمنا بلا يسراء تراها ضعيفه === ورجل بلا ربع على الغبن صبار =====================================

[روق والسماء فوق]

والله انه صدق

بس ياليت اعرف من القايل وتكمله القصيده

تحيااااااااااااتي دريد

[مرزوق حمدان العتيبي]

ياحسين بلدان الجماعه مريفه =

واللي مع الأجناب كنه على نار

الطير بالجنحان ماحسن رفيفه =

واليا انكسر حدا الجناحين ما طار

يمنى بلا يسرى تراها ضعيفه =

ورجل ٍ بلا ربع ٍ على الغبن صبار


هذا الذي يحضرني منها الان

والقصيده حسب علمي للشاعر المرحوم بمشيئة الله
عبد الله بن سجوان الرويس العتيبي


ثم اني وجدت قصيده تحمل نفس القافيه والابيات
ولكن بطريقه معكوسه
فهل هي قصيدة ابن سجوان
ام لشاعر اخر اقتبس منه القافيه وبعض الابيات
ننتظر التوضح والافاده ...


من البارحة بالقلب هجـس ٍ وتعبـار=
هجس ٍ وهاجـوس ٍ تعاقـب نكيفـه

الصبر مفتاح الفـرج هـو والافكـار=
من لاصبر تصبـح حوالـه كسيفـه

يالله يالمطلـوب يــاوال الاقــدار=
انت الـذي مـدات جـودك لطيفـه

يالله يالمعبـود عـاون هـل الـكـار=
تـحـل شــدات عليـهـم كليـفـه

اللـي مجالسهـم بهـا بـن وبهـار=
ونجـر ٍ يصـوت للمسيـر رجيفـه

ومكارم ٍ للضيـف عجـلات وكبـار=
ومفطحـات فـي صحـون نظيـفـه

تقليطهـم للضيـف قعـدان وبـكـار=
وحيل الغنم وقـت السنيـن الحفيفـه

اكرام ضيـف البيـت حـق وتعبـار=
والكـل منـا يفتخـر فيـه ضيـفـه

يا مزنةٍ غـرّا مـن الوسـم مبـدار=
اللـي جذبنـي مـن بعيـدٍ رفيـفـه

هلت مـن القبلـه هماليـل الأمطـار=
من سيلهـا الـوادي غدالـه وحيفـه

تمطر من الهدرا اليـا خشـم سنـار=
وتسقـي ديـار محقبـه والحتيـفـه

وتضفي على كل المفالـي والاقطـار=
وتصبح بهـا خـدان ربعـي مريفـه

عقب الحيا فاحت بها ريـح الازهـار=
وتعاقـب النـوار مـثـل القطيـفـه

وترعا بها الغرا وتبنـي لهـا طـار=
عقب الضعف راحـت ردوم منيفـه

اذوادنـا مايرتعـن دمـنـة الــدار=
ولا يرعـن الا بالفيـاض النظيـفـه

يرعـن بعبـدالله وجبـر ٍ وجـبـار=
خيـالـة يــوم المـلاقـا عنيـفـه

ترعى بها الوضحا من الذود معطـار=
غبوقـة الخطـار عجـلٍ عطيـفـه

يبنـي عليهـا بنيـة اللُّبْـن لـجـدار=
عقب الضعف راحـت ردومٍ منيفـه

اذوادنـا يرعـن بنـا سـر وجهـار=
من دونهن نـروي الغلـب والرديفـه

ترعى بضف الغوش بقصاف الاعمار=
تقطف زهر مرباعهـا مـع مصيفـه

ما هي سوالف مسرد ٍ عقب ما نـار=
اللي هرب واطراف رمحـه نظيفـه

إن سوهجوا عنهـا قليليـن الابصـار=
من دونها نـروي السيـوف الرهيفـه

ان سوهجوا عنها معاميس الابصـار=
حنـا نـرد اللـي يبيـهـا نكيـفـه

خطو الولد مثـل البليهـي اليـا ثـار=
زود ٍ على حمله نقـل حمـل أليفـه

بشدا هديب الشـام شيّـال الاقطـار=
واليـا كبـر حملـه تـزاود زفيفـه

وخطو الولد مثل النداوي اليـا طـار=
صيده من الجزلات ماهـي ضعيفـه

ترجي العشا من مخلبه وقـع وطيـار=
حسه على صيد الخـلا لـه وحيفـه

وخطو الولد يصبر على موتة النـار=
صفـر علـى عـود تضبـه كتيفـه

وخطو الولد يامال قصـاف الاعمـار=
لانافـع ٍ نفسـه ولا مـنـه خيـفـه

ورجل ٍ بلا ربعه على الغبن صبـار=
يمنى بـلا يسـرى تراهـا ضعيفـه

واليا بخصته ماسـوى ربـع دينـار=
مع العـرب يشبـه خطـاة الهديفـه

حنـا فريـق ولا نغبـي سنـا النـار=
مـا ننـزل الا بالـديـار المخيـفـه

ودار ٍ به الحقـران ماهـي لنـا دار=
حتيش لو صـارت خصـاب مريفـه

وحنا لك الله مـن بعيديـن الاخبـار=
والنفس مـا نلحـق هواهـا حسيفـه

حلويـن للصاحـب وللخصـم قهـار=
وعدونـا لـو هـو بعـيـد نخيـفـه

حنا كما المشخص عن الصرف ما بار=
بالوزن يرجـح والمصـاري خفيفـه

وتلقـى منازلنـا رفيعـات واخيـار=
والرجل عن دوس القصايـر حفيفـه

لابد مـا نسجلهـا تواريـخ واذكـار=
وتبقى لدسميـن الشـوارب وظيفـه

الا ومـع ذلـك لـك الله لنـا كـار=
عن جارنـا ماقـط نخفـي الطريفـه

نرفا خمال الجار لو هـو بنـا بـار=
ونضحك حجاجـه بالعلـوم اللطيفـه

ولا نبدي الخافي لاصار مـا صـار=
وندمح خمال الجار لـو بـان حيفـه

ونرفا خمالـه رفيـه العـش بالغـار=
ونودع لـه النفـس القويـه ضعيفـه

والجار له قيمـة وحشمـة واعتبـار=
وجارتنـا عـن كـل عايـز عفيفـه

ما زارهن من يبغـي الحيـف زوار=
الا ولا عنـهـن نــدس الغريـفـه

نبيـه إليـا بـدل الــدار بـديـار=
وكـل بجيرانـه يـعـد الوصيـفـه

نكرم سبـال الضيـف حـقٍ وتعْبـار=
لا مـن ولـد العفـن شـح برغيفـه

أحد ٍ علـى جـاره بختـري ونـوار=
و احدٍ على جـاره صفـاتٍ محيفـه

وصلاة ربي عد ماخضـر الاشجـار=
على الرسول اللـي علومـه شريفـه

[نبض المشاعر]

صح لسانك وسلم بنانك

[مرزوق حمدان العتيبي]

..
,
صح بدنك يانواف
..