عيضه الثبيتي مع التحيه

[ذياب]

سلام الله سلام(ن) مانسوقه غار للثبتان=مقاديم الرجال اللي تشرفنا مواقفها

ولا ياصاحبي عيضه تقدم والعن الشيطان=نبا ننشدك عن بعض السوالف وأنت عارفها

[عيضه الثبيتي]

هلا اخوي ذياب وجياك الله واستلم لاهنت..


هلا يامرحبا ياواحدً من ربعنا العتبان=عتيبه تاج راسي والمعْرفه مع عوارفها

ولا ياذياب سولف مع رفيقك والعلوم أسمان=انا ماجيت غير اسمع من عتابه سوالفها

[ذياب]

يدوم الك البقا ياللي ترحب والكريم أمعان=ولكن في ضميري سالفه ويجوز شايفها

ترى بنت الزناتي ضيعوها شلت الورعان=وتال الوقت تبغا يالثبيتي رجل ينصفها

[عيضه الثبيتي]

استلم...لا هنت



مدام أنّك ذياب..ذياب سيفه يذبح العدوان=وخلّك مع دروب الاولين ولا تخالفها

ترى بنت الزناتي مالها مذهب مع العربان=يقولون البطاطين الكبار ازرت تلحفها

[ذياب]

ولكن مشكلتنا يالثبيتي بندق العميان=يجهزها خبل وأعما بصيره ما يصرفها

وأنا شفي مع اللي يازن المعنا على الميزان=ماهوب اللي يجمعها يفرقها يولفها

[ماجد الهذلي]

يا سلاام عليكم

محاوره رااااااائعه

[ذياب]

هلا وغلا بماجد
منور الصفحه
حياك

[عيضه الثبيتي]

الله ..الله


ولا ياذياب طب السوق واشر وسم بالرحمان=ونفسك فوق مالا تستطيعه لاتكلّفها

وصحيح ان الحظارم كل واحد حط له دكان=ولكن الحظارم حاول انك ماتسلّفها!!

[عيضه الثبيتي]

حياك الله ياماجد

[ذياب]

صحيح السوق ماسبه ياكود المفلس الخسران=وأنا وياك ياعيضه نعدي فوق نايفها

نبيع ونشتري مانقترب من تجرت التعبان=ولكن الحظارم ماسلمنا من ملقفها

[عيضه الثبيتي]

استلم ... لاهنت


انا اشوف المؤشر يضرب الاسهم على الحيطان=وابه لعبه خطيره ياعتابه من يوقّفها

وترى سبعين فالميّه(70%) من النيره طلع دخان=هذي نار البخيل اللي لجيرانه يوصّفها


أخوي ذياب لاهنت على الطاروق المتميز..

تشرفت بلقاءك ولولا الوقت لا استمرانا اكثر من ذلك..

استاذنك انت والاخوان المتابعين...

تصبح على خير..

[ذياب]

استلم ... لاهنت


انا اشوف المؤشر يضرب الاسهم على الحيطان=وابه لعبه خطيره ياعتابه من يوقّفها

وترى سبعين فالميّه(70%) من النيره طلع دخان=هذي نار البخيل اللي لجيرانه يوصّفها


أخوي ذياب لاهنت على الطاروق المتميز..

تشرفت بلقاءك ولولا الوقت لا استمرانا اكثر من ذلك..

استاذنك انت والاخوان المتابعين...

تصبح على خير..




الاخ العزيز عيضه

أنا من كان له الشرف فاللعب مع قامه شعريه

مثل عيضه الثبيتي

ومشكور ومجمل

أخوكــ/ ذياب

[مرزوق حمدان العتيبي]

....
وحنا لنا الشرف ... ان نتواجد
على هذه الصفحه المضيئه بالابداع
حتى ولو جينا متاخرين ....
ياليتنا لاحقين علاها من اولها ....
صحت السنتكم ... عيضه الشاعر الفذ
وذياب الشاعر المبدع ...
الله لايهينكم ..
...

[نبض المشاعر]

صح لسانك وسلم بنانك

محاورة رائعة

[الايداء1]

,
,,

سلمت السنتكم

وأناملكم التي قالت

وخطة مثل هذه المحاوره

شعار وشعر قمه ,,

[ذياب]

الاخوان الاعزاء مرزوق العتيبي & ابو تركي
كان لي الشرف في أن رأيت
أسمائكم تنور هذه الصفحه
أخوكم/ ذياب

[خلف بن مرزوق]

000
00

قمة الابداع



شاعرين طالما امتعونا


دمتم للاثراء


.

[ذياب]

الابداع هو أن نراك يابو مرزوق

على هذه الصفحه

وغيرها

محبك ومغليك

ذياب