وسم الابل

[فارس الهيلا]

اخواني اعضاء منتدى الهيلا
السلام عليكم ورحمه الله وبركاته
هذا اقتراح منى بموضوع يهتم بوسم العتبان وامل مشاركه الاخوان بان كل شخص يضع وسم فخذه وشاهدهذا الفخذ لكي نستطيع التعرف على هذا الوسم انه يخص هذا الفخذ او ذاك وسوف ابدا بذلك.


تعريف الوسم
ولكل قبيلة أو عائلة ما يعرف (بالوسم) وهو يقارب اليوم أرقام السيارات حيث انهم بهذا الوسم يتعرفون على ابلهم عند فقدها أو سرقتها وتتم عملية وسم الابل بأن تحمى قطعة من الحديد على النار ثم يعقل الجمل أو الناقة وتوضع هذه الحديدة وهي حامية على رقبة أو فخذ الجمل أو أي موقع يراه صاحبه حيث يتم حرق الوبر والجلد لتبقى هذه الكية علامة ثابتة يتعرف عليها صاحب الابل وتتعدد اشكال الوسم بتعدد القبائل


الشاهد
وهو بنفس طريقه الوسم ولكن الفرق هو انه يمكن ان يستطيع التعرف على مالك الابل بنفسه بمعني انهما مرتبطان ببعضهما البعض حيت ان الوسم يخص القبيله والشاهد يخص مالك الابل بنفسه







وسوف ابدا بوسم العصمه التى انا احد ابنائيا

وهو الحيه والشاهد هو المطرق كما يلى


/s

[ابوعتب]

كمل معروفك يالعصيمي
o1

[مطلق الشيباني]

وهذا وسم نياقي I I U مطرقين وهلال على الرقبه الوسم

اما الشاهد هلال على الفخذ والهلال مسند كذا U

وشكراا

مع تحيات :- مطلق الشيباني ...............

[فارس الهيلا]

مشكورين
الاخوان
ابو عتب
مطلق الشيباني

بس نبي تفاعل من الاعضاء حتى نستطيع معرفه وسم قبايل عتيبه

ولك تحياتي

[ألغنامي]

وهذا وسمنا


I مطرق على الخد >I ومطرق وهلال على الرقبه و الشاهد هلال على الرقبه


تحياتي,,,

[فيصل محمد]

مشكور يافارس الهيلا على هذا الأقتراح.

نبي واحد من الأربعه ( فارس الهيلا - ابوعتب - مطلق الشيباني - ألغنامي ) إن كانكم أهل أبل يعزمنا يامال الشحم ويخلينا نشوف على الطبيعه.

[محمد بن اوصاهب]

]بسم الله الرحمن الرحيم


الحمد لله وكفى والصلاة والسلام على الرسول المصطفى امابعد

بيض الله وجيهكم يامن تقومون على المنتديات لان فعلكم يرفع الراس ومنتداكم مميز بين المنتديات لما يمتلز به من علوم الرجال النافعه والقيمة .

اما عن وسم الابل فكان ودي اشارك فيه بشي ولكن سبقني فارس الهيلا جزاه الله خير .

والى اللقاء .

[الحر الأشقر]

أولا صراحة ياخوان هذا شي طيّب كلٍ يجيب الوسم اللي يعرفه علشان نعرف ووسوم جميع بدود القبيلة وهذا شي يرفع الراس وبيض الله وجيهكم على هالفكرة وهالموضوع الطيب وأنا أبى أعطيكم وسم العضيان ([عمود) وكل فخذ لهم شاهد يعرف به......
وقد قال الشاعر مرير الحبيل عندما نالت إبل الشيخ/ غازي بن عتيق العضياني المركز الأول في المغاتير عام 1422هـ على جائزة الأمير مشعل في مزاين الخرمى ( القصيم)

عفرٍ على ارقابهـا العمــدان............... يلـوح وســم العضيـــاني
وسلامتكم

[راعي المغاتير]

مــــشــــكــــور يافــــارس الــــهــــيــــلا
ويــــعــــطــــيك الــــعــــافــــيــــه

وتــــســــلــــم والله يالــــحــــر الاشــــقــــر
عــــلــــى الــــبيت الجــــزل من الشاعر
اللــــي ماياتي الابالــــجزل وقمــــة الجزالــــة
ومــــبــــروك الــــفــــوز عــــامــــيــــن على التوالي

[الحر الأشقر]

الله يبـــــارك فيك ياراعي المغاتير
والفوز فوزاً للجميع والإسم من جاء من فراغ قول وفعل (أسم ومسمى)

[الخيال]

السلام عليكم اولا ليش مافيه واحد ويتبرع ان يرفق صور للوسم على الناقه وشاكرين لكم المتابعه الجيده لهذه المواضيع

[ابوسعدالحليفي]

وسم ابل قبيلة الحليفات والوذانيين الدلو على ورك الناقة ـــــO
قريب من الشكل الموضح اللى عين منا لون يبلغني ويبشر بالحذيه.

[الخيال]

وسم ابو سنون امير الحبردية هو مطرق على الرقبه I ومطر ق على الخد I والشاهد هو مطرق من تحت اللحيان بقدر شبر ----- جاي بالعرض والوسم على العموم من الجهه اليسرى

[^^العصيمي^^]

السلام عليكم ورحمة الله وبركاتة
مشكور اخوي فارس الهيلا لاهنت على هالموضوع ووسم العصمه انت حطيته
جزاك الله خير

[عضو فضي]

الفلته حلقه o ومطرق علي الورك

[عليمي]

بعد التحية للأخ فارس الهيلا وسلام الله علي الجميع يقلون أن الوسم للقبيلة والشاهد يخص الفخذ والله أعلم.....

[ابن فرحان]

الاخ فارس الهيلا المحترم مشكور على الموضوع الجيد وكذلك الشكر موصول للاخوه المتجاوبين .. بالنسبه لوسم فخذنا السياحين هو الباب على الرقبه من يسار وشاهد الفراحين يحط حلقه في اوسط الباب .. والله مدري وشلون ارسمه لكم .. واما سؤالك يا اخ عليمي فهوه يعتبر اجابه والله يحييك

اخوكم \ ابن فرحان

[سلطان العضياني]

وسم العضيان هو العمود على الرقبه

[ابن فرحان]

والله ياسلطان يا الصوره الي حاطها انها تهيض الي ما ينتهيض يا ولد ابوي

ودك تعزم اهل المنتدى كلهم على راس العتيبي رئيس الاداره حدر ها البيت ثم تصير المشاركات شفوي هههههه الله يعطيك العافيه

اخوك \ ابن فرحان

[راعي الحامدية]

بعض الناس كنت حاط استفتا على الهوا ويتحاشا من ذكر فخذه أوقبيلته

واليوم جاي يطرق انا وسمي كذا كذا علم على نفسه

[ابن فرحان]

من تقصد ياراعي الحامديه ؟؟؟ انا ؟؟؟ ولا غيري

انا شاركت في الاستفتاء ما تحاشيت شي ... !!! اتمنى انك ما تقصدني