فواز الشيباني
13-Apr-2006, 11:51 AM
عسى غر المزون اللي نشت ثم جالهـا ربـان
=علـى نجـد العذيـه تنتثـر ويلـوح بارقهـا
يشق القاع ماطرها ويـروي وبلهـا الوديـان
=وعلى روس الجبال تسوق وتغطـي شواهقهـا
ثمـان ايـام والبـراق يبـرق والمطـر ودان
=وروس المزن ضافيتن على نجـد ومناطقهـا
ابيها تكتسي بالعشـب وتربـع بهـا البـدوان
=وأبـي راع الجهـام يجيبهـا للنبـت سايقهـا
مجاهيمًٍَِِـآ لياقامـت تدافـع كنهـا الضلعـان
=عريضات الخدود اللي طويلـن حـد عاتقهـا
وسنامن منفهق لخلاف من ردم الشحم مليـان
=واذانيهـا كمـا حربـة شجيعـآ قـام يذلقهـا
سنادآ من وبرها ينسجون البيت ابـو عمـدان
=طويلات الغوارب شامخـهَ سبحـان خالقهـا
مجاهيمن حموها حرب في حد الحدب شامـان
=على رد العدا دايـم جمـوع الخيـل نصفقهـا
صواريم الحرار اللي على دوس الوغى شجعان
=رعت نبت الخطر في ضفهم محد(ن) يضايقها
تمرجح في مراتع نجد وإن طمعوا بها العدوان
=صناديـد النشامـا دونهـا تفهـق بنادقـهـا
ندلهها ونرعاهـا وترخـص دونهـا الدمـان
=ليا جت سربـة الطمعـان راكزتـن بيارقهـا
يشوق العين شوفتها لياصكت علـى الحيـران
=بروض(ن) مخضرآ ترعى وتقطف من زمالقها
انا شفي طرب راسي ليافـج الدجـى فجـران
=ادق الجيب سلف لديرتن من صغـر عاشقهـا
لياجيت بشعيبن سايلن تطـرخ بـه الغـدران
=بواكير الوسامـي فـوق قاعـه هـل دافقهـا
اشب النار واشعمها وصف بجالهـا الرسـلان
=نحيفات الوسوط اللي سنى النيـران محرقهـا
ابمشي في فيافي نجد واقطع نـازح الخليـان
=وأزهب بندقي لاجيت برض الصيـد وافهقهـا
ابستقطع له الجره ولا شفت ابـرق الجنحـان
=امد اللـي ندبهـا لـو تطيـر بعيـد يلحقهـا
وأبى اخاوي هل الطولات واترك خوة الرديان
=قصيرين الشبـور نشـوم عنهـا مانصادقهـا
وأبى اغني وأجر الصوت وأنظم فاخر القيفـان
=أبسبح مابدالي من بحـور الشعـر واطرقهـا
فعول الطيب والمقناص وطاعة ربنا الرحمـن
=هوى نفسـن أدلهـا عـن همومـن تزارقهـا منقول
=علـى نجـد العذيـه تنتثـر ويلـوح بارقهـا
يشق القاع ماطرها ويـروي وبلهـا الوديـان
=وعلى روس الجبال تسوق وتغطـي شواهقهـا
ثمـان ايـام والبـراق يبـرق والمطـر ودان
=وروس المزن ضافيتن على نجـد ومناطقهـا
ابيها تكتسي بالعشـب وتربـع بهـا البـدوان
=وأبـي راع الجهـام يجيبهـا للنبـت سايقهـا
مجاهيمًٍَِِـآ لياقامـت تدافـع كنهـا الضلعـان
=عريضات الخدود اللي طويلـن حـد عاتقهـا
وسنامن منفهق لخلاف من ردم الشحم مليـان
=واذانيهـا كمـا حربـة شجيعـآ قـام يذلقهـا
سنادآ من وبرها ينسجون البيت ابـو عمـدان
=طويلات الغوارب شامخـهَ سبحـان خالقهـا
مجاهيمن حموها حرب في حد الحدب شامـان
=على رد العدا دايـم جمـوع الخيـل نصفقهـا
صواريم الحرار اللي على دوس الوغى شجعان
=رعت نبت الخطر في ضفهم محد(ن) يضايقها
تمرجح في مراتع نجد وإن طمعوا بها العدوان
=صناديـد النشامـا دونهـا تفهـق بنادقـهـا
ندلهها ونرعاهـا وترخـص دونهـا الدمـان
=ليا جت سربـة الطمعـان راكزتـن بيارقهـا
يشوق العين شوفتها لياصكت علـى الحيـران
=بروض(ن) مخضرآ ترعى وتقطف من زمالقها
انا شفي طرب راسي ليافـج الدجـى فجـران
=ادق الجيب سلف لديرتن من صغـر عاشقهـا
لياجيت بشعيبن سايلن تطـرخ بـه الغـدران
=بواكير الوسامـي فـوق قاعـه هـل دافقهـا
اشب النار واشعمها وصف بجالهـا الرسـلان
=نحيفات الوسوط اللي سنى النيـران محرقهـا
ابمشي في فيافي نجد واقطع نـازح الخليـان
=وأزهب بندقي لاجيت برض الصيـد وافهقهـا
ابستقطع له الجره ولا شفت ابـرق الجنحـان
=امد اللـي ندبهـا لـو تطيـر بعيـد يلحقهـا
وأبى اخاوي هل الطولات واترك خوة الرديان
=قصيرين الشبـور نشـوم عنهـا مانصادقهـا
وأبى اغني وأجر الصوت وأنظم فاخر القيفـان
=أبسبح مابدالي من بحـور الشعـر واطرقهـا
فعول الطيب والمقناص وطاعة ربنا الرحمـن
=هوى نفسـن أدلهـا عـن همومـن تزارقهـا منقول