حسب قانون العرب والمذاهب والسلوم

[الطوفان]

مساكم الله بالخير



حسب قانون العرب والمذاهب والسلوم******نبتدي في خيرها لين يبدا شرها

الوجيه الناعمه لاتجي لفح السموم****** لاتجي في بردها لاتجي في حرها

[متعب العتيبي]

حسب قانون العرب جيت يازين العلوم=والعلوم الغانمه صاحبك ماغرها

الوجيه الناعمه مالنا فيها لزوم=مار يالطوفان سر المعاني سرها

[الايداء1]

,

,,,

,,,,

صحت السنتكم

يالشعارطاروق يستحق

المتابعه ,,,,

[سلطان الحافي]

الله الله الله الله
الله الله الله
الله الله
الله
^^
^
الطوفان
+
متعب العتيبي
^^
^

( ياليل البركه )
وياقو باسهم )
^^
^
سجلوووووووووا اعجـــــــــابي ومتابعتي من البدايه
^
والله يعين على الصفوف اسروا ياعتابه الليل بأوله والصفوف ازهلووووووووووها
^^
^
|165| |165| |165| |165| |165|



|165| |165| |165| |165| |165|


ولكم تحياتي .....

,,,,,,,,, سلطان الحافي ,,,,,,,,,

[الطوفان]

والله انك ياابن عمي مكرم ومحشوم****عن نوايا عنك نوكي عليها صرها

المعاني خلها فى الدفاع وفى الهجوم **** لن بغيتو بحرها وان بغيتو برها

[متعب العتيبي]

الايداء


متابعتك تسعدنا


اخوك ومغليك

[الطوفان]

ابو تركي
حياك
ومرورك اسعدنا

[يوسف السيحاني]

صح اللسانك يا الطوفان ومتعب العتيبي

[الطوفان]

سلطان الحافي
هلابك ياابن العم
لاعدمناك يالغالي
تحياتي

[متعب العتيبي]

وانت تكرم عن كلامِ مبيت ومهضوم=عادة اهل المعرفه ماتبيح بسرها
المعاني لاتجي كنها حرب النجوم=سوقها سوق المطايا ونفسك جرها

[متعب العتيبي]

هلا وغلا والله ياسلطان


ولا عليك زود يالغالي


وودك مهم وتشريفك يسعدنا

[متعب العتيبي]

السيحاني


صح بدنك ووجودك يسعدنا

[مرزوق حمدان العتيبي]

..
.
صح لسانك يالطوفان ...
.. وصح لسانك يامتعب والحمدلله على السلامه ..

مانقول الا على القوّه .. واصلوا وحنا معكم ..
...

[شاعر روق]

الطوفان ومتعب العتيبي


وننظر الابداع منكم وعلاك ابه يالطوفان لاترحمه



هههههههههههههههه



كنت ممتنع عن الدخول لاسباب تكفيريه من مطاوعتنا هداهم الله



ولكن اجبرتوني على الحضور وتسجيل اسمي اعجابا بشاعريتكما



لعلمي بجزالتكما

[الطوفان]

انت في سوق البلد تشتري ولا تسوم****أو مستكشف تشوف البلد وتمرها

والله انا مانبا بيننا طق الخشوم****كود لن جتنا ضريره نرجع ضرها

[الطوفان]

شاعر روق
انت وين انت يارجال
مغير نشوفك تمر مرور الكرام
صدقني الشعر من غيرك ماله طعم
وانا داري وش اللي مزعلك لكن معليش المسامح كريم
هلابك الف
تحياتي

[متعب العتيبي]

اشتري وابيع مع كل رجال عزوم= وان لقيت الطيبه قلت لله درها
الضرر ياصاحبي للبعيد من الخصوم=القلوب نغلهاوالعيون نذرها

[متعب العتيبي]

مرزوق العتيبي


من جا ماابطى هذي مشاغل الدنيا وانا اخوك والا انتم على البال



تعيش يابو محمد

[متعب العتيبي]

ارحب يابو سعود


انت مرورك غير وحضورك يعني الكثير


؟؟؟؟؟؟؟



انتظر



اخوك ومغليك

[الطوفان]

السماء ياولد ثعلي ملبد بالغيوم*****وانت تنظر فى العرب فرها من كرها

احمل البارق نباها على روس البقوم****لان ننهيهم ويم المطاري فرها

[متعب العتيبي]

اقلب ثيابك وقل ياغفور ويارحوم=تسقي ديارِ كريم الحيا مامرها
والبيارق رفرفت يوم ضربِ بالسهوم=والسنين التاليه قام يدبي ذرها

[الطوفان]

كيف نقلبها وربي مكافينا الهموم*****رحمة الله فوقنا والثياب نزرها

والله انك صادق اليوم ياكثر الرخوم*****والرخوم اطيح فى الارض ثم نعرها

[متعب العتيبي]

مابقي ياكود سيفِ سليم من الثلوم=الاقارب سرها والعدا مابرها
الصقور صقور دايم عن الهزله تشوم=وان لقت صيده سمينه تجيك تجرها

[مقعد الدغيلبي]

الله
الله
الله
متعب العتيبي
والطوفان
صحت اللسنتكم يامبدعين
تحياااااااتي للجميع

[الطوفان]

السيوف سيوفنا والسماء طيره يحوم******وانت اشوفك لاانت منكر ولاانت مقرها

كثرالله خيركم ياعسى خيرك يدوم*****والليالي مقبله حلوها مع مرها





اخي متعب العتيبي كان لي الشرف بمحاورتك والتغطيه من عندك
وتصبح على خيرتحياتي

[الطوفان]

مقعد
اسعدنا تواجدك ومرورك
هلا بك وبمرورك
تحياتي

[متعب العتيبي]

كفروه اهل اللحى ياعسى حظه يقوم=قالو انه في جهنم يصالي حرها
وانت جعلك بالف نعمه وذا القاف امختوم=والليال المقبله خيرها في ضُرّها

[متعب العتيبي]

مقعد


ارحب حياك ربي


سعداء بحضورك البهي لاهنت


اخوك ومغليك

[متعب العتيبي]

اخي الطوفان


وانا كذلك تشرفت باللعب معك لاهنت

وتصبح على الف خير


اخوك ومغليك

[مرزوق حمدان العتيبي]

كنت ممتنع عن الدخول لاسباب تكفيريه من مطاوعتنا هداهم الله
كنت ممتنع لاسباب تكفيريه ....!!!
الاخ العزيز شاعر روق ياليت تبين هذا اللبس ... لان مسألة التكفير
مسأله خطيره ولا ينبغي ان تقال لمسلم ... في انتظار ردك وتوضيح الامر ....
..
اخوك .....