((((((( معلقات الهيلا))))))))))

[قرنــاس الصبيحي]

السلام عليكم ورحمة الله وبركاته


ياخوان الفكره نختار سبع قصايداجمل قصايد الهيلا اجمل ماقيل في الشعر


ولكل يدلي ماعنده ولا احد يبخل علانا واو تقولون مسابقه نختار سبع قصايد الاكثر جزاله



ارجوا المشاركه وشعار الهيلا اني محتار وش اختار من بينهم



وش رايكم نبدا ؟

[قرنــاس الصبيحي]

البارحه جتني اهجوسـي مراسيـل
وشبيت ناري مـن زنـاد وفتيلـه

قم يا فهـد قـرب علـي المعاميـل
واسمع كلامـي والمعانـي جزيلـه

هات الدلال وعطني البـن والهيـل
والنجر دنـه ليـن نوحـي عويلـه

ابا احكر الدلـه وهـات الفناجيـل
للكيـف حـزه والنشامـا تجيـلـه

والبـاب خلـه فاتـح ٍ للرياجيـل
ما صك بـاب امزبنيـن الدخيلـه

اما يجي ضيف يبا حايـل الحيـل
في حلـة ٍ تكـرم ولا هـي بخيلـه

بعيـد دار ويستـحـق التكامـيـل
وانكملـه كـل العلـوم الجزيـلـه

والا من الجيـران يبغـى التعاليـل
في بيت من يفعل فعـول ٍ جزيلـه

الجار له حشمـه وتقديـر بالحيـل
حسن الجوار من الخصال الفضيلـه

محمد المرسـول وصـاه جبريـل
حتى من الميـراث كـاد يعطيلـه

واللي بعدها شاهد الجـدي وسهيـل
وافهم كلامي وانت ضلعـك يشيلـه

بين النجوم البارزه في سماء الليـل
دليلـة ٍ يـا وضحهـم مـن دليلـه

ترى المراجل ما تجـي بالتساهيـل
ما كـل رجـال يعـدي الطويلـه

واحرص على خوة ازحول المشاكيل
الرجل يعرف من ملامـح زميلـه

ولا تسند الخوه على بـارد الحيـل
عزمه ضعيف وحيلتـه مـا تحيلـه

واحذر من خدوش العيال المهابيـل
حتى ولو كانوا مـن ادنـى القبيلـه

اهـل النفـاق مروجيـن الاقاويـل
رجالهم ترثع علـى الهـرج خيلـه

في وقت حاجتهم يجونـك مقابيـل
واليا ادبروا ما عـاد فيهـم عقيلـه

اضعاف الانفس خايبين المحاصيـل
ما يكسبـون الا الـردى والفشيلـه

يشنون راع الطيب راع المفاعيـل
ينسـون معروفـه بيومـه وليـلـه

ما يعرفون الحق والعـدل والميـل
ولا يتبعـون الا مضـيـع دليـلـه

لـو حللـو مـن دمهـم بالتحاليـل
لقوا فصيلتهـم مـن اردى فصيلـه

هـذي وصايـا قلتهـا بالتماثـيـل
الكل منهـا فـا لاصايـل اصيلـه

شرحتها لك يـا فهـد بالتفاصيـل
واحفظ وصاتـي والوصايـا ثقيلـه

والمعذره لن كان قصرت فـا لقيـل
الهـرج يكفـي منـه زبـدة قليلـه

واختامهـا منـي صـلاه وتهاليـل
على النبي ما لاح بـرق المخيلـه






وسلامتكم...



لشاعر/ نشاط الزلامي




بسم الله الرحمن مبداء كلامي=مبدا القصيد ومطلع القيفان
ولا خاب من يبدا بذكره كلامه=رب العباد الواحد الرحمان
واردّ من حلو المثايل واغنّي=كلام موزونً على ميزان
هبت هبوب الشعر منّا زمنّا=ببيوت مثل الطرقي العجلان
تسابقنْ مابينهم في ضميري=الكل ودّه يصبح العنوان
واخترت من زين المعاني معاني=وبنيت مبناها على سيسان
بيوت شعرً في ضميري تزاحم=تارد مثل ما يارد الضميان
ارسم معانيها وارتّب حروفها=صنعة عقود الول والمرجان
وانا لياجات المواقف عتيبي=واسعد منهم ربعه العتبان
العزوه اللي من خيار العزاوي=اللي لهم بين القبايل شان
قومً يعرفون القبايل فعولها=زبن الدخيل وسم للعدوان
كم نزّحو لابه وعاشوا مكانها= يوم أنها سيف وفرس وعنان
تربعوا في وسط نجد وخذوها=يوم إدراج الخيل فالميدان
قحص المهار اللي عليها رجالها=تـقضّب المديون للديان
ومصقلاتً عشت النمر والفهد=والطير منها ماضوا جيعان
ربعي هل الطالات لطّامة العدا=لا زادت الشعله على الدخان
أهل الفعول اللّي تبيّض وجيها=لا عدّت الأفعال كان وكان
أفعولها يزري لساني يعدّها=والله مايحصيها كلام لسان
ولو تكتب الأقلام مايكفي الحبر=ويمدي الورق خلّص من الدكان
برقا وروق أهل السلوم العريبه=تاريخهم بالمرجله مليان
سمّوهم الهيلا لكثرة جموعهم=هيل المطر من رايح الأمزان
وذباحة الحائل لكثرة كرمهم=قومً كرام تكّرم الضيفان
ولطامة العايل للطمة عدوهم= قولً على فعلً على برهان
أمجادهم مثل النجوم المطلّه=ماتختفي ياكود للعميان
وحصونهم مثل الجبال الرواسي=امرسّيه مارسّت الضلعان
وأديارهم في قلب نجد الموقّر=وقلب الحجاز الشامخ الفتان
هذي منازلهم وهذي ديارهم=وهذي مسيرة ربعي العتبان
ووالله مايكفي قصيدي بحقهم=لو أنّي اكتب لي 100ديوان


شعر عيضه الثبيتي
اختيار مرزوق العتيبي

[*جزء من عتيبة*]

فكرة جيدة اخووي قرناااااااااس

والله يعطيك العافية نريد ان نرى مجهودك

شاكر لك هذا الفكر الطيب المنير

للرقي بمنتدى الهيلا

تحياتي

[أنس النفيعي]

تدري وش هو الأزين ياقحص الخلفية
ههههه
لاهنت أنت ولا قرناس
يعطيكم ألف عافية

[قرنــاس الصبيحي]

قحص قصيده جزله صح لسانك وصح لسان من قالها




نتظر من الباقين المشاركه



انس مشكور على مرورك الكريم

[مرزوق حمدان العتيبي]

...
.

لاهنت ياقرناس .. اشهد انك رائع بهالفكر ..
يثبت الموضوع ... وراح ننقل السبع قصائد ...
في الموضوع الاول ... ولي عوده .....
تحياتي

[خلف بن مرزوق]

000

الاخ الغالي / قرناس


فكره رااائعه..ولاتستغرب منك


ولكن حبيت توضح هل المقصود شعرا المنتدى

ام القبيله عموما؟


ولي عوده بالاختيار ان شاء الله



تحيتي

[قرنــاس الصبيحي]

الشاعر الجزل مرزوق العتيبي الغالي مشكور على تثبيتك للموضوع

وانتظر دورك ومساعدتك ومساعدة عيال العم لاندمت


الاخ العزيز صقر العوازم خلف بن مرزوق اقصد شعراء الهيلا من المنتدى فقط




كثر الله من امثالكم

[خلف بن مرزوق]

000
00


اليكم هذه المعلقه

ياهجوسي لارهجتي وردي عذب البيوت
-----------------طمعتي جزل المعاني ياضــميري هاتــها
الكلام اللي يفيد الناس اخير من السكوت
---------------يوم بعض الناس اخير من الكلام اسكاتها
القصيده لو يموت اللي كتبــــها ماتمـوت
-----------------اثبت الواقـــع قصـــايد خلــــدت لامواتها
طاعة الله في حياتي معتبرها خير قــوت
----------------والحقـــيقه قوت يغني عن جميــع اقواتها
مطلبي فعل الشــكاله وان بدالي مايـــفوت
----------------تنقهر روحي على فعــــل الوفا لا فـاتها
والمراجل سلم ابوي وسلم عالين السموت
-----------------الرجال اللــي على الطاله علت هامـاتها
والنميمه ماعشقــــها كرهها عـندي ثبوت
-----------------اكره اللي يقــــولها واكــره بعد جلساتها
مجلس ٍ فيه النميمه ينبت الحسره نبوت
------------------قبح الله وجــه ناس ٍ هالردى غاياتها
راعي النمه مريض وكـــم في قوله بهوت
-------------------البشر كنّه تخصص في كشـــف نياتها
لاسمع له هرجة ٍ عنون لها فاجمل كروت
------------------ثم نشرها والمكر والخــــبث في طياتها
كم يفــرق من جموع ولا يلملم من شتـوت
-----------------مهنته شذب المقــــفي في جميع اوقاتها
مذهب ٍ ربي حلاه ودايـم السانه فلـــــوت
----------------- نفسه القـشراعلى ضر البشر مشهاتها
مايحط النفس في موقف ردا رجلٍ صموت
---------------الرجال اهـــــل الحمــــيّه تنعرف وقفاتها
الرجوله والشهــــامه طبع زاكين البخوت
-----------------والرديّه للــــردي والنــاس من عاداتها



للاستاذ / مرزوق العتيبي

[قرنــاس الصبيحي]

خلف بن مرزوق الله يعطيك الف عافيه مايلحقهاشك اشهد انها جزله صح لسانك ولسان راعيها


من شاعر الهيلا في المرتبه المعروفه


اسجل اعجابي

[خلف بن مرزوق]

000
0


اين البقية؟؟؟

[نشاط الزلامي]

السلام عليكم

اخوي قرناس اشكرك على الفكره الرائعه لهذا الموضوع

اليكم اختياري


هذي طبوعي كل ما عسعس الليل
أصلّـح الدلـة وأجـر اللحونـي
بريـةٍ موزونـة البـنّ والهيـل
والماء بوزن وحيّ هاك الوزونـي
منهـا تكيّفنـي ثلاثـة فناجـيـل
وأرتاح ويطير السهر من عيونـي
وأراجع الذكرى وأجـرّ المواويـل
والذكريـات بكـلّ شكـلٍ ولونـي
البعض منها يشرح الصدر بالحيل
والبعـض لا والله يجـدد طعونـي
وأرجع وأفكّر في الليال المقابيـل
لعل وقتـي مـا يخيّـب ظنونـي
وأدخل على الله من حياة الغرابيـل
حيث إن همّي ما تشيلـه متونـي
كنّك مفصّل فوقي الهـمّ تفصيـل
لين إلتبسني مثل لبـس الجنونـي
حالي كما حال القلوب المشاغيـل
اللي من أطرف شـيء يتأثّرونـي
لو يشتكون الغبن والجور والميـل
للغيظ وسط صدورهـم يكتمونـي
فكّرت الا الموضوع يحتاج تحليـل
وفنّ الدراسة واحدٍ مـن فنونـي
عرفت وش عكّر مزاج المشاكيـل
يوم إنهم مـن وقتهـم يشتكونـي
أول سبب: نقالـة القـال والقيـل
الطغمة اللـي جعلهـم يذهبونـي
قلوبهـم بالحقـد سـودٍ مغاليـل
ومن طبعهم بالمشكلة يفرحونـي
وثاني سبب: ناسٍ على مثل ما قيل
لا يقطعـون الشّـر ولا ينفعونـي
والله ما يرفع ضغطك إلا المهابيل
العالم اللي في النحـر ينشبونـي
وثالث سبب: ناسٍ سوات المخاييل
على سلوم الطّيب ما يحرصونـي
خلّو سلوم أجدادهم رغو مع سيل
وفي عالم التقليد جو يركضونـي
طشّوا عمايمهم ولبسـوا بناطيـل
والموس فال أشنابهـم والدقونـي
وأرقابهم ما سلمت من السلاسيل
تطبّعـوا بطبـوع هيـم البطونـي
في ذمتي ماعـاد باقـي رياجيـل
إلا القليـل وجعلهـم يثبتـونـي
صفّة بعد صفّة وجيلٍ بعـد جيـل
كلٍ من اللي قبله أنقص وأدونـي
هذي هي الأسباب من دون تفصيل
شرحت روس أقلام بس أعذروني
واللي يبي تفصيل بالحيل بالحيـل
يقـدر يكلمنـي علـى تيلفونـي

للشاعر وصل العطياني

[أبو مرحبا]

لو انهـا منكـم علـى غيـر معنـى=حنّـا لوآآآآمركـم سمعنـا واطعـنـا

حنـا لوآآمركـم علـى مـا تحبـون=من حبكم نسعى على ما استطعنا

فـيـكـم محبـتـنـا ومـنـكـم هـوانــا=واشواقـنـا معـكـم وفيـهـا ولـعـنـا

الـيــا نـزلـتـو بالمـحـبـه نـزلـنــا=والـيـا طلعـتـو بالمحـبـه طلـعـنـا

واليـا عطيتونـا صغـيـره شكيـنـا=والـيـا عطيتـونـا كبـيـره طمعـنـا

والـيـا تركـتـونـا قـبــال اللـيـالـي=رحنا ترى في دربهـا مـا رجعنـا

يـا مشيـن الدنيـا ليـا غـبـت عـنـا=ويا مزيـن الدنيـا ليـا كنـت معنـا

ويا مشين الآيآم من غيـر زولـك=حتى ولـو انـا مـع النـاس ضعنـا

ويـا مـا حـلا الأيـام وانتـم معانـا=كن الوسيعه ... يومها مـا تسعنـا

يامـا شربنـا مـن همـوم ورويـنـا=يامـا كلينـا مــن هـمـوم وشبعـنـا

يـامــا تحمـلـنـا ويـامــا صـبـرنـا=حتـى نفـذ كـل الصبـر مـا نفعـنـا

يـامـا عـلـى يـامـا ويـامـا ويـامـا=يـامـا ويـامـا زاد منـكـم وجـعـنـا

آسالـكـم بالـلـي عطـاكـم حـلاكـم=واعطاكم احلا زول في مجتمعنا

لا تجرحون اللي بلش في هواكم=لا تمنعـونـا والـزمـن قــد منعـنـا

ليت الزمان اللي يخـرب يسـوي=وليت الزمان اللي يفـرق جمعنـا

والله لو تطلب صعيب(ن) نجيبه=ووالله لـو تطلـب غـوالـي دفعـنـا

ووالله لـو دار الزمـن مـا ندعكـم=وبالله لا دار الـزمــن لا تـدعـنــا




للشاعر العضو
الازوري

[قرنــاس الصبيحي]

الشاعر نشاط الزلامي احسنت الاختيار قصيده جزله من شاعر جزل وصل العطياني



الاخ العزيز قحص بيض الله وجهك الازوري شاعر جزل احسنت الاختيار



باقي قصيدتين ياخوان ونكمل النجاح شدوا على حيلكم

[قرنــاس الصبيحي]

اعلنت الاغلاق00

--------------------------------------------------------------------------------



[
مادامـك انتـه مشـركٍ بالمحـبـة
اليـوم لازم تؤمـن بصـد وفـراق
شخصٍ هواك وكنت بالقلـب حُُبّـه
ماعـاد يهواكـم ولاعـاد يشـتـاق
ماعادلـك بالقلـب مثـقـال حـبّـة
من لهفة الماضي ومن زود الاشواق
اللي يخـون احبابـه الهجـر طبّـه
وش فايدة حبٍ علـى غيـر ميثـاق
كـم قلتلـك قلبـي يناديـك لـبّـه
قلبٍ تمنى منك لـو لحضـة عنـاق
كان الوله في ضامري ضـو اشبّـه
ابغى الدفى واثره يسببلـي احـراق
واثر غرامك فـي طريقـي مطبّـه
اكلتهـا والقلـب مـن بعدهـا فـاق
كنت احسبك عشقي واثرنـي مشبّـه
آسف على عشقٍ سكن جوف الاعماق
حبيـت قبـل اروح اذكّـر وانـبّـه
قلبي ترى عن حبك (اعلنت الاغلاق)
ان كان باقي شوق انا ارجوك خبّـه
اكيد تحتاجـه مـع اللـي لكـم لاق
مادامـقلبـك مـشـركٍ بالمحـبـه
اليـوم لازم تؤمـن بصـد وفـراق
وانا عتيبـي مارجـى غيـر ربـه
عزيز نفـس لعـزة النفـس عشّـاق
]وتقبلوا تحياااااتي لشاعر /خلف بن مرزوق

[قرنــاس الصبيحي]

[QUOTE=قرنــاس الصبيحي]اعلنت الاغلاق00

--------------------------------------------------------------------------------



[
مادامـك انتـه مشـركٍ بالمحـبـة
اليـوم لازم تؤمـن بصـد وفـراق
شخصٍ هواك وكنت بالقلـب حُُبّـه
ماعـاد يهواكـم ولاعـاد يشـتـاق
ماعادلـك بالقلـب مثـقـال حـبّـة
من لهفة الماضي ومن زود الاشواق
اللي يخـون احبابـه الهجـر طبّـه
وش فايدة حبٍ علـى غيـر ميثـاق
كـم قلتلـك قلبـي يناديـك لـبّـه
قلبٍ تمنى منك لـو لحضـة عنـاق
كان الوله في ضامري ضـو اشبّـه
ابغى الدفى واثره يسببلـي احـراق
واثر غرامك فـي طريقـي مطبّـه
اكلتهـا والقلـب مـن بعدهـا فـاق
كنت احسبك عشقي واثرنـي مشبّـه
آسف على عشقٍ سكن جوف الاعماق
حبيـت قبـل اروح اذكّـر وانـبّـه
قلبي ترى عن حبك (اعلنت الاغلاق)
ان كان باقي شوق انا ارجوك خبّـه
اكيد تحتاجـه مـع اللـي لكـم لاق
مادامـقلبـك مـشـركٍ بالمحـبـه
اليـوم لازم تؤمـن بصـد وفـراق
وانا عتيبـي مارجـى غيـر ربـه
عزيز نفـس لعـزة النفـس عشّـاق لشاعر خلف بن مرزوق

[قرنــاس الصبيحي]

الله مـن عبـرةٍ بالصـدر حابسـهـا=ومجنـدٍ دونهـا قـفـلٍ وحـراسـي
احكمت ابو تاج ثم وصيـت حارسهـا=يكون في معاملتهـا مـرن وسياسـي
لاتفجـر الـروح وتشّلـح ملابسهـا=ويبين خافى الضميـر لكـل بلاسـي
تـدري بهـا عالـمٍ تلفـت دسايسهـا=ولابـد للنـار منفـاخٍ ومحسـاسـي
اهـل الدنافيـس ماتتـرك دنافسـهـا=نقالة الحكـي بيـن النـاس والناسـي
رجالهـم قدمـك علومـه يملسـهـا=ولاقفيت صارت تشادي حد الامواسي
ابعد مجالي واجنـب عـن كنايسهـا=اللي تلم الردي مـن كـل الاجناسـي
وادلـه الـروح بالحسنـا واسايسهـا=وابعد بها في مكـانٍ مابـه اوناسـي
ابعد بها فى الخلا من شـان اونسهـا=وانـا طبيـبٍ لهـا عـذال ومواسـي
وابذل جهودي واضاعفهـا واكرسهـا=من شان جلب السرور وطرد هوجاسي
واحاول انسى جميع اللـي يعومسهـا=لوكان غالي مابا اللي يجرح احساسي
من وقتي اللي ولى روحي وعكوسهـا=كوى الفؤاد وحناني حنـي الاقواسـي
الجاش يرعى بهـا والكبـد حامسهـا=سوات بريـةٍ فـي جـوف محماسـي
حماسهـا دالـهٍ بالضـوء لامسـهـا=ومن بعد جمر الغضى تهرس بمهراسي
في هجرةٍ ظالمـه يرعـب تضرسهـا=تضرس اللـي بـذودٍ جلـه اسداسـي
اعمارنا اكلت خضرهـا ثـم يابسهـا=دنيا تلهـب لهـا نيبـان واضراسـي
ابـوك دنـيـا تشالتـنـا نوامسـهـا=ذعذع لها من براد الغـرب نسناسـي
تنهش وتعلن علـى الطيّـب تنافسهـا=واليا قضى خلته في شعب الافلاسـي
جربتهـا واعـرف الدنيـا ودارسهـا=سمٍ ذحاحٍ وقسمـي حـروة الكاسـي
لوطاف كانونهـا ماطـاف مارسهـا=فيهـا الهوايـل بليـا عـد وقياسـي
شقرا تعّـرض وكـلٍ قـال فارسهـا=لوكان مافاد فـي ماضيـه نوماسـي
شبـط بهـا لـو فعولـه ماتنومسهـا=لكن ضحك له زمانه قـال جساسـي
يملـك عقـارات وامـوالٍ يكدسـهـا=ماهمـه الا يعبـي شهـب الاكياسـي
واليـا تربـع وعـبـاده تريسـهـا=من هيبته حل فيهـم كتـم الانفاسـي
أتقـدر النـاس تقـديـر لنفايسـهـا=تنسى الشكاله وصار المـال مقياسـي
واللي ترفـع بنفسـه عـن دنايسهـا=وحط الوفاء والظفر والجود نبراسـي
قالوا حياتـه بـلا تخطيـط متعسهـا=اطيب لـه يكـدس اموالـه تكداسـي
عبادة المال صـار المـال هاجسهـا=لاخيلـوا بارقـه وصلـوه عساسـي
احـدٍ بعـد الطمـع نفسـه مغطسهـا=واحدٍ على جرته واحـدٍ بالارماسـي
ياعابـد المـال واربابـه مقدسـهـا=كم هو رصيدك ليا دقـن الاجراسـي
كربتك يوم المحاسـب مـن ينفسهـا=وراك ماتنتـبـه يالـدالـه النـاسـي
وش معك الا منهـا شبـت مقابسهـا=اسرع من الكهربه لاناشـت الماسـي
لو الخزايـن مـن الامـوال تارسهـا=ماتنفعك فـي نهـارٍ فيـه محتاسـي
من عقب غالي جواهرهـا وسندسهـا=تبي تضلي تطـق اخمـاس بخماسـي
لاتنخدع والطمـع عينـك يطلمسهـا=دنياك قصرٍ مزخرف هيّـن الساسـي
احترت في وصفها وان جيت اقيّسهـا=لقيت فيها الذهب مغشـوش بنحاسـي
وغنيت يوم الصبـا هبـت نسانسهـا=ماهو بحب وطرب من وقتي القاسـي
اشجـع الـروح بالمعنـى واحمسهـا=واخذ بها عن مجال الهـم مرواسـي
عسـى المثايـل تنسيهـا وساوسهـا=مثايلين مثـل لـون الـدر والماسـي
وابي هل العرف لاصتكـت مجالسهـا=يقرون قولٍ كتبتـه فـوق قرطاسـي
ويدرون حال العصيمي وش محرمسها=ومنها يعرفون ليش الشيب في راسـي
سبـة همـومٍ تداوسنـي واداوسـهـا=في هجـرةٍ تجعـل الاريـاق يباسـي
صقورهـا عـودت صيـد لفرايسهـا=الخرب فيهـا تعشـى لـه بقرناسـي

وسلامتك /ضاوي العصيمي

[خلف بن مرزوق]

000
00

لايختلف اثنان على انها تستحق ان نطلق عليها (معلقة)

:

:

:(:(



البارحة جالس وأدير التفاكير=مانيب داري وش بقي من حياتي
ما اقول غير الله يصون المقادير=وليا دعيته يستجيب دعواتي
الأولة يالله بحسن التدابير=تزيل سياتي وزيد حسناتي
والثانية يالله عسا خاتمة خير=جعل أحسن أعمالي بحزة وفاتي
الروح تنزع مثل دلوٍ من البير=يبقى الجسد يحمل ملامح صفاتي
ثم إحملوني فوق ذيك السحاحير=من عقب ما صلّوا عليّ الصلاتي
ثم أودعوني بين ذيك الحياطير=قدمي حصاة ومن خلافي حصاتي
وأقفوا وعمّ العلم بين المسايير=قالوا : دريتوا عن وصل؟ قيل : ماتي
وبكوا عليّ الطيبين المناعير= وكل أبلجٍ ذاته معلّق بذاتي
أحدٍ عليّه يضرب الأرض ويطير=وأحدٍ ذبح نفسه بكثر الشماتي
وعلى الخدود الدمع يصبح شخاتير=ياعين وديها وياعين هاتي
وحطـّو عزاي وجات الأمة طوابير=وجيههم بالحزن متوشحاتي
وأخذوا ثلاث ليال للحزن تأثير=على الوجيه الطيبة من عزاتي
وعادوا كما كانوا ضحوك وتباشير=إلا إذا مرت بعض ذكرياتي
وأنا جلست وحيد في بيتٍ صغير =مدري حسابك كيف يارب ياتي
لو أتعذ ّر ماتفيد المعاذير=ولو أتمنى ماتفيد أمنياتي
عليّ من رب السماوات تقرير=مرصود في التقرير كل إحركاتي
لا الواسطة تمشي ولا دهنة السير=ولاعاد فيها عرف ومجاملاتي
أما إن قبري حفرةٍ من زمهرير=لين البشر تبعث حفاةٍ عراتي
وإلا نعيم وخير من غير تقصير=وإن جات هذي والله إنه غناتي
يالله تحت رحمتك ياراحم الطير=وأسألك حزات السؤال الثباتي



للاستاذ / وصل العطيّاني

.

[الــوآفــي]

بالنسبه للهيلا يوجد بها الكثير من الشعراء المميزين جدا

ويصعب الاختيار لهم ولكن هذه القصيده من القصائد الجديده التي وضعت في الهيلا لاننا لا نستطيع احصاء المعلقات منذ بداية المنتدى


القصيده للشاعر المعروف مشعل البراق



غنى المغني وسل القاف بنصابه=وأسرج معان الهوى لعيون رعبوبه

وأنا اتغنى طرب للطيب وركابه= مالي ومال الهوى والتوبة التوبه

من عقب صفرا" لقلب الوجد لعابه= وجدي عليها من الخفرات نبنوبه

تلت ضمير المعنى والقصى جابه= من جور ود" صدع بالقلب لاهوبه

وأخذت معها وطبع الوقت وحسابه=أيام في غلبها وأيام مغلوبه

ومن يوم لوّذ علي البين بغرابه= ماعاد لي في طريق الغي محبوبه

متمسكا" في معان السمت وادابه =واواجه النفس والخطوات محسوبه

ألا ليا جيت هاك الدار وهضابه = والوادي اللي لعبت العام مسحوبه

ورجم" عليه المولع يفقد أعصابه =ويجتاح قلبي على ماكان له له نوبه

وأجر لحن الغلا من غيض و أشقابه = وأناشد الدار والعبرات مسكوبه

وأكتب حروف الهوى في طاهر ترابه=وارسم فؤاد" به السكين مضروبه

هذا جدايه, وجرح القلب واعطابه = منكوب يبكي برسم أطلال منكوبه

من عقب قوم" تضد الضد وتجابه= اليوم داجت عليها من الدهر عوبه

وأمست بلاقع لطير الغاق وأصحابه =شهب" تهول المعنى والهوى دوبه

ما كنه ألا أمس ثار الحب ضبضابه = باطراف سود" على الخدين مقلوبه

وصدر" عليه الغرام يفتل اشنابه = تعرف زحول الهوى حقه وماجوبه

أعطيته الحب والتقدير وأسبابه =وكوم" تبارى على القرطاس مجلوبه

وقلب" ضنته الليال وفز بعشابه= ساعة هرجلي بفن الحب وأسلوبه

وأعطاني الموت دون البعد وحرابه= في الساعة اللي على العشاق مكتوبه

ساعة نظر لي وعين الوجد سكابه = الحب جاير ونار البين مشبوبه

وفي غمرة الحزن صال العقل بخطابه=مسكين ياللي جثى في راس مشذوبه

مالك ومال الغرام اللي تهقوابه=الناس في حال وأنت بحال وعقوبه

وأصغيت للقول رغم الشوق وعتابه= وأزحت صدر الهوى واقفيت بعجوبه

اقفيت واقفى وكل" لاهي بمابه =والقلب عقبه فلا له في الهوى طوبه

القلب عقبه كتب في فهرس كتابه =صفحات دور الهوى والتوبه التوبه

[قرنــاس الصبيحي]

الله يعطيكم العافيه على المجهود القيم والرائع



ولكن ان طاب لكم ان تكون المعلقات فوق السبعه ماعندي مشكله


وش رايك يامرزوووووووووووووووووووقنا



ذيبان ماقصرت وخلف بيض الله وجهيكم

[راعي الشلفا]

ما ازيد الا اقول





بيض الله وجيهكم ياشعارنا





مبدعين

ابداع لا يوصف